Hugarflug

Glæsilega góður fundur - gleðjumst yfir láni Jónu og Jóns Helga

2012-01-22T11:25:00.000-08:00

Fund VIMA í Kornhlöðunni í dag var með afbrigðum vel heppnaður, leyfi ég mér að segja.
Fundarmenn fjölmenntu og voru tæplega sextíu talsins, allmargir nýir, nokkrir þátttakendur úr förinni til Íran sem ég tók fyrir Bændaferðir og svo margir sem láta sig sjaldan vanta.

Eftir að JK hafði sett fund og skipað Ragnheiði Gyðju fundarstjóra og Eddu Ragnarsdóttur fundarritara, mærði Ragnhildur nýjasta fréttabréfið - mjög að makleikum- og vakti athygli á því að Inga Hersteinsdóttir er ný í ritstjórn og minntist Huldu Waddel sem lést nýlega eins og frá hefur verið sagt á síðunni.

Einnig benti Ragnheiður Gyða fundarmönnum á að fylgjast vel með síðunni því ég mun segja frá persnesku teppasýningunni jafnskjótt og það er komið á hreint hvenær hún verður opnuð. Þó nokkrir hafa gefið sig fram og vilja bjóða þeim Íranpiltum upp á ýmsa afþreyingu og skoðunarferðir meðan þeir eru er í febrúar.

Að svo búnu var ræðumanni dagsins, Þorbirni Broddasyni prófessor, gefið orðið. Hann talaði um Al Jazeera, fréttastöðina sem var sett á laggirnar í Qatar fyrir allnokkrum árum og hefur haft ákaflega mikil áhrif á fjölmiðlun í heimshlutanum og raunar um allan heim.
Þorbjörn sýndi einnig glærur og myndir og flutti mál sitt af þeim skilmerkilega og skemmtilega skýrleika sem hann er alþekktur fyrir. Hann talaði vel og lengi og menn gáfu máli hans bæði gott hljóð og klöppuðu honum duglega lof í lófa. Held það sé óhætt að segja að allir hafi farið langtum fróðari af fundi en þeir komu enda efnistök Þorbjörns afar skemmtileg.

Menn gæddu sér á tertum og kaffi/te og áttu virkilega góða stund saman í dag.

Nýja Íranáætlunin
Þá var látinn ganga listi um nýju Íransáætlunina og ef örfá spurningarmerki hverfa af nokkrum nöfnum sýnist augljóst að þátttaka næst í þá ferð.
Láta mig vinsamlegast vita.

Lán yfir Jónu og Jóni Helga

Í kvöldfréttum sjónvarps var sagt frá bílslysi í eða við Kamba í mikilli hálku í gærkvöldi.Þar voru á ferð okkar góðu Hveragerðishjón, Jóna og Jón Helgi. Bíllinn fór veltur og var mikil mildi að þau hjón sluppu ómeidd og er það lán og gleðiefni.

Eþíópía

Var að fá tilkynningu um að nýjasti þátttakandi í fyrri Eþíópíuferðir fær áritun sína, mér senda á morgun. Einnig hafa nú allir í seinni ferð sent mér vegabréfsljósrit og áritun mun þá fást fljótlega.

Strax og Eþíópíufarar í seinni ferð hafa lokið greiðslu um mánaðamótin verður hægt að gefa út Íslandsmiða og væntanlega verður miðaafhending 12.febrúar. Læt ykkur vita nánar um það.
Minni enn á bólusetninfar en hygg að flestir séu með það allt í gangi.

Þakka svo aftur fyrir góðan fund í dag.

Fréttabréf komið? Fundur n.k sunnudag --nú líður að bólusetningum

2012-01-16T08:46:00.000-08:00

Káta skólatelpur í Íran

Vona að menn hafi fengið fréttabréfið nýjasta í dag eða fái það senn. Verið svo væn að láta vita ef það skilar sér ekki. Nokkur heimilisföng á reiki.

Minni ykkur á fundinn n.k. sunnudag í Kornhlöðunni þar sem hinn ágæti og vel máli farni prófessor, Þorbjörn Broddason talar um fjölmiðlun í Miðausturlöndum og þær breytingar sem urðu á henni með tilkomu arabísku sjónvarpsfréttastöðvarinnar Al Jazeera.

Ég hef sent báðum Eþíópíuhópum imeil og minnt á væntanlegar bólusetningar en fyrri hópur þarf að sinna því sem fyrst. Læt svo vita um miðaafhendingu innan tíðar. Seinni hópur greiði vinsamlegast á réttum tíma síðustu greiðslu og þeir sem eru í eins manns herbergi borgi fyrir það þá líka. Þrír hafa þegar gert ferðina upp. Takk fyrir.

Enn hef ég ekki möguleika á að segja nákvæmlega hvenær hin væntanlega sýning á persneskum teppum verður opnuð. Það skýrist kannski fyrir fundinn á sunnudag. Er þá ráð að sem flestir fjölmenni þangað að skoða þessar gersemar. Eins og ég sagði kemur leiðsögumaðurinn okkar í Íransferðum, Pezhman Azizi með og hef ég þegar heyrt frá tveimur sem vilja stytta honum stundir. Væri gaman að heyra hvort fleiri vilja taka þátt í því. Einnig hyggjumst við VIMAstjórn svo efna í kveðjukvöld áður en þeir fara aftur.

Í fréttabréfinu birtist nýja Íranáætlunin og því þarf ég nú að fara að innheimta svör hjá þeim sem hafa sýnt áhuga. Ef meirihluti þeirra slær til og fer í þá ferð í september er ferðin hátt í fullskipuð. En nóg af sætum svo hafið samband um þetta sem fyrst.

Ferðalangar í seinni Uzbekistanferð hittust í Litlu Brekku í síðustu viku á myndakvöldi og var það bráðgaman, vel mætt, félagsskapurinn náttúrlega ekki af verri endanum og ágætis fiskréttur í boði.

Janúarfundur, fréttabréf og teppasýning

2012-01-07T22:33:00.001-08:00

Seinni Uzbekistan hópurinn. Besta fólkið, ávallt á bestu stöðunum eins og Steindór orðaði það svo hnyttilega.

Það hefur orðið dráttur á því að efna í myndakvöld þessa góða hóps en við gerum nú úr því bragarbót og hittumst vonandi í vænanlegri viku til að skoða myndir, endurlifa ferðina og eiga saman góða stund. Enn hafa ekki allir látið mig vita um þátttöku en hvet menn eindregið til þess.

Sýnishorn af persneskum dýrgripum

Svo er allt útlit fyrir að af persnesku teppasýningunni( og sölu) ef menn vilja verði í febrúar eins og að hefur verið stefnt. Við erum svona hátt í það komin með húsnæði fyrir sýningu en bíð aðeins eftir nákvæmri dagsetningu þeirra náunganna og mun þá senda ykkur boð um að koma og skoða þessi listaverk.

Veit ekki annað en hinn ágæti leiðsögumaður okkar, Pezhman Azizi, ætli nú loks að sýna okkur þá gleði að koma líka og við verðum endilega að gera eitthvað fyrir hann og Hossein og Ali.
Ef menn hafa einhverjar hugmyndir eru þær vel þegnar eða ef menn vilja bjóða upp á eitthvað sem gæti gert dvöl þeirra enn skemmtilegri. Vinsamlegast hafið samband þar að lútandi.
Auðvitað efnum við svo að minnast kosti í eina sammenkomst þar sem fyrverandi Íranfarar kæmu þá vonandi sem allra flestir.

Fréttabréfið á lokastigi

Dóminik og hennar lið eru að ljúka við næsta Fréttabréf. Það verður óvenjulega efnismikið og glæsilegt, leyfi ég mér að segja.
Þar skrifa Mörður Árnason um framvindu mála í Arabalöndum síðustu mánuði, Vera Illugadóttir skrifar um teppahefð svæðisins og birtar fagrar myndir af þeim. Einnig verður birtur seinni hluti greinar hennar um nútímasögu Afganistan. Þá skrifar Sveinn Guðmarsson um bók Sigríðar Víðis um palestínsku flóttakonurnar á Akranesi sem hefur fengið góðan hljómgrunn.
Þá skrifa ýmsir félagar sem hafa farið í allmargar VIMA ferðir um hvaða ferð/atvik og þess háttar er þeim eftirminnilegast.
Ég skrifa nokkrar línur um Jemenverkefnið og birt verður ljóð eftir íraskan höfund í minni þýðingu sem heitir Litlu peðin og konungurinn. Einnig er birt nýja Íransáætlunin 7.-22 sept n.k og nú fer ég senn að athuga hvort þátttaka næst í þá ferð. Mér sýnist ferðin sú gæti orðið afar skemmtileg og við sjáum marga nýja staði en auðvitað gerum við ekki farið til Írans án þess að vitja Isfahan.
Mataruppskrift og fleira góðgæti.
Þarf endilega að biðja ykkur að senda mér ef þið hafið breytt um heimilisföng.

Fundur 22.jan í Kornhlöðunni
Þann 22. jan kl 14 verður miðsvetrarfundurinn okkar í Kornhlöðunni og þar verður ræðumaður Þorbjörn Broddason, prófessor. Hann mun tala um arabísku fréttastöðina Al
Jazeera og hlutvek hennar í atburðum síðustu missera.

Það er engum blöðum um það að fletta að tilurð þessarar stöðvar hefur haft mjög afgerandi áhrif á fréttaflutning á svæðinu og breytt mjög hvernig fréttir berast til okkar en lengi vel urðum við að gjörsovel og taka þegjandi og hljóðalaust matreiðslu vestrænna fjölmiðla á því sem þarna gerðist, hvort sem það var til góðs eða ills.
Leiddi til þess að afstaða fólks var afskaplega einsleit og heldur rýr.

Ég reikna með að Þorbjörn muni svara spurningum og sjálfsagt fara orðum um fleira í þessu sambandi og hvet menn eindregið að að fjölmenna og taka með sér gesti.

Eþíópíuferðir á góðu róli

Lítur vel út með það allt saman og bið þáttakendur í ferðunum að greiða skilvíslega félagsgjöld sín, annað hvort á fundinum 22.jan. eða beint í netbankann. Þið sjáið númerið á hlekknum Hentug reikninsnúmer og þar kemur fram inn á hvaða númer skuli greiða árgjöldin Þetta verður allt að vera í lagi eins og menn vita mætavel.

Kemur sumarið?

2011-12-31T06:58:00.000-08:00

Sýrlandsforsetahjónin Asma og Assad

Þetta ár 2011 færist ugglaust á sögunnar spjöld: Arabaþjóðir risu upp í búntum og gerðu raunhæfa tilraun til þess að losa sig við einræðisherra, ritskoðun og alls konar harðræði sem hefur viðgengist í þessum góðu löndum okkar.

Aftur á móti ber að hafa í huga að framtíðin er ákaflega óræð og þetta er orðið langt vor án þess að nema rétt bóli á sumri. Og menn skyldu varast að halda að allt falli eins og hendi sé veifað, í ljúfa löð þó einræðisherrar fái að fjúka. Allt slíkt er mikil einföldun á flóknu máli.

Að minnsta kosti treysti ég mér sannarlega ekki til að spá um hana og hvað sem allir sérfræðingar segja sem hafa tjáð sig óspart síðustu mánuði finnst mér slíkt ekki bera vott um mikla þekkingu á þessum þjóðfélögum og hugsunarhætti manna.

Upphaf málsins var í Túnis

Mér finnst óþarft að rekja þetta nema í stórum dráttum: Túnis reið á vaðið um miðjan desember í fyrra. Það kom án efa mörgum á óvart því fréttir um harðstjórn Ben Alis var að nokkru leyti falin og hafði sjaldan ratað í heimsfréttir. Það var líka athyglisvert hve tiltölulega skamman tíma þetta ástand stóð þar í landi: Ben Ali fór og kosningar voru haldnar og Túnisar virðast ætla að ráða við sitt nýja ástand þótt lýðræðishefð sé ekki fyrir hendi í þessum löndum.

Egyptar vildu Múbarak burt

Egyptar tóku til óspilltra málanna skömmu síðar og þar þrjóskaðist hinn þaulsetni og illræmdi forseti Hosni Mubarak lengur við. Fólkið sýndi þar meiri yfirvegun og stillingu en ég hefði búist við og úrslitum réði vissulega að hernum var ekki beitt gegn mótmælendum þótt ýmsir hagsmunagæðingar stjórnarinnar reyndu vitaskuld að berja á mótmælendum.
Lyktir hlutu að verða á einn veg: Múbarak hrökklaðist frá og efnt var til kosninga og réttarhöld standa yfir í landinu yfir Múbarak. Samt kraumar meira í landinu nú en menn áttu von á. Herstjórnin sem tók að nokkru leyti við virtist greinilega ekki vilja víkja og ljótir atburðir hafa orðið þar og nú situr herinn ekki lengur á strák sínum og hefur sýnt mótmælendum hina mestu grimmd. Þar sem þetta hefur hljóðnað að undanförnu er ekki ósennilegt að Bandaríkjamenn og vinir Múbaraks hafi séð að þarna borgaði sig ekki lengur að styðja fyrverandi valdhafa og því hafi þeir beitt yfirmenn hersins þrýstingi sem vonandi dugar til að mál komist þar í sæmilegt horf.

Óeirðir í Bahrein náðu ekki eyrum nema að takmörkuðu leyti

Óeirðir og mótmæli gegn stjórnvöldum í smáríkinu Bahrein þar sem Bandaríkjamenn hafa stærstu flotastöð sína, hafa að vísu komist í fréttir en einhvern veginn ekki náð eyrum almennings. Svo stjórnin hefur farið sínu fram af meiri ófyrirleitni en lýst verður. Ekkert bendir á þessari stundu til að mál færist í betra horf fyrir mótmælendur í Bahrein.

Klókir stjórnendur í Jórdaníu og Marokkó

Jórdaníumótmæli brutust út og sama má segja um Marokkó. Stjórnendur þar sýndu snöfurlega að þeim var ekki stætt á öðru- og höfðu kannski vilja til þess- en verða við kröfum og brugðu skjótt við. Þar með má segja að Jórdanir og Marokkar búi við sæmilegasta frið þó atvinnuleysi í báðum löndunum sé afar mikið. Á tímum Husseins sáluga Jórdaníukóngs var byrjað að draga úr ritskoðun í Jórdaníu og ýmsar breytingar gerðar sem miðuðu í rétta átt.

Það sama verður ekki sagt um Hassan föður Mohammeds kóngs í Marokkó en hann er augljós nútímamaður sem skilur að til að haldast á þessum eftirsóknarverða valdastóli á hann ekki annarra kosta völ en koma til móts við þegna sína.

Ólga varð í Alsír en hún virðist hafa hjaðnað með ámóta samvinnu stjórnarinnar við mótmælendur. Alsír er óútreiknanlegra land um margt en nágrannalandið Marokkó en vonandi tekst að greiða úr þeim málum.

Saleh fór loks frá í Jemen en þar er enn óstöðugleiki

Þá var röðin komin að Jemen og þótt fyrr hefði verið. Upphafið má rekja til þess að blaðakonan Tawako Kerman var fangelsuð og blaðamannasamtök Jemens mótmæltu því óspart og höfðu erindi sem erfiði. Tawaku var látin laus og hún var ekki fyrr komin úr fangelsi en mótmælendur fylktu liði og hófu baráttu gegn hinum illræmda og þausetna forseta Ali Abdullah Saleh sem hafði ríkt í áratugi, haldið þjóðinni niðri m.a með því að leyfa gattneyslu. Satt að segja bjóst ég ekki við því að Jemenar mundu hafa það úthald til mótmæla sem raunin varð á.

Viðhlægjendur Saleh forseta svo og herinn beitti sér af hörku gegn mótmælendum en Jemenar sýndu að þeir eru til alls vísir og héldu mótmælum áfram. Þau verða að teljast að mestu friðsamleg af þeirra hálfu en herinn sýndi að hann stóð lengi vel og gerir kannski enn með Saleh.
Loks kom að því að Saleh varð fyrir árás og varð að leita sér langrar læknisaðstoðar í Sádi Arabíu. Þá varð kyrrara um hríð enda vonuðu Jemenar að hann léti ógert að koma heim og Isliah flokkurinn í Jemen sem er alvöru stjórnarandstöuflokkur undirbjó valdaskipti.

Enn Saleh kom heim og lengi vel neitaði hann að víkja. Fyrir atbeina Flóabandalagsins sem í eiga sæti forsvarmenn Sádi Arabíu, Katar, Bahrein, Óman og Kúveit tókst að ná samkomulagi um að hann færi frá völdum.
Svo tregur var hann þó til þess að það er erfitt að ætla hvað verður framhaldið í þessu fátækasta landi í Arabaheiminum.
Það var mikið gleðiefni fyrir alla að Tawako var ein þriggja kvenna sem hlaut friðarverðlaun Nóbels fyrir baráttu vína. Það vakti stolt og gleði bæði í Jemen og víða annars staðar. Áhangendur og aðdáendur Saleh hafa væntanlega ekki glaðst.

Enn er ókyrrð í Jemen þótt ekki sé alltaf ljóst hverjir eru að stríða en þar sem Jemen hafði þrátt fyrir allt verið komið nokkuð áleiðis í því að aflétta ritskoðun, leyfði internetaðgang einna fyrst þessara landa ofl má leyfa sér að vona að kannski rætist úr. Skólahald hefur að mestu leyti legið niðri en nú berast þær fréttir að það kunni að komast í lag á nýju ári. Ekki vanþörg á því fyrir þetta land þar sem um helmingur manna er ólæs og óskrifandi.

Flugbann og loftárásir á Líbíu en allt framhald þar óljóst

Gaddafi, leiðtogi Líbíu, talaði digurbarkalega framan af og lýsti því margsinnis yfir að viðlíka atburðir og ættu sér stað í grannlöndunum gætu aldrei gerst í sínu landi því líbíska þjóðin væri hamingjusöm og nyti frelsis og velsældar. En hafði varla sleppt orðinu þegar óeirðir brutust þar út og kom þá berlega í ljós að Gaddafi hafði misreiknað sig hrapallega.
Uppreisnarmenn voru atkvæðamestir í Benghazi, helstu borg austurhlutans og náðu þar fljótlega öllum völdum.
Her Gaddafis sem í voru þó einkum erlendir málaliðar frá löndum sunnan Sahara, sýndu mikla hörku og lömdu á uppreisnarmönnum sem þokuðu sér í vesturátt. Baráttan stóð lengi og var engu þyrmt af hálfu beggja. Sannast að segja hefur mér aldrei verið almennilega ljóst hverjir uppreisnarmenn voru, þar virtist lengi vel enginn áberandi leiðtogi.
NATO fannst rétt að rétta Líbíu hjálparhönd til að koma einræðisherranum frá völdum, setti flugbann á landið og hóf síðan miklar loftárásir og féllu þúsundir í þeim og vitanlega létust óbreyttir borgarar ekki síður þar en í öðrum frelsunarherferðum sem Bandaríkjamenn hafa staðið fyrir. Loftárásirnar á Líbíu mæltust misjafnlega fyrir enda ekki auðvelt að draga aðra ályktun en þar réði töluverðu að Líbía er langtum olíuauðugra land en þau sem fyrr hafði dregið til tíðinda í.

Gaddafi hafði lengi upp stór orð um að hann mundi hvergi fara og bardagar um nokkrar borgir stóðu í óratíma. Loks var svo komið að Gaddafi hrökklaðist frá, lagði á flótta en var tekinn af lífi hvar hann faldi sig. Það mun trúlega ekki upplýsast hverjir þar áttu hlut að máli. Og það mun án efa taka drjúgan tíma áður en sárin í þessu stóra eyðimerkurlandi gróa og þjóðin áttar sig á því hvað hún áætlar til lengri framtíðar litið.

Lengi ríkti þögnin ein í Sýrlandi

Meðan þessu fór fram í Túnis, Egyptalandi, Bahrein og Jemen og átök voru ekki orðin jafn alvarleg í Líbíu og síðar varð, virtist allt ætla að vera með kyrrum kjorum í Sýrlandi sem löngum hefur haft sérstöðu í Arabaheiminum vegna mjög afdráttarlausrar andstöðu þeirra við ítök Bandaríkjamanna í heimshlutanum.
Basjar Assad forseti hafði tekið við aldamótaárið og þá lofað umbótum sem hann virtist vera að hrinda í framkvæmd hægt og rólega og af verulegri yfirvegun. Þó svo hann sýndi pólitískum andstæðingum sínum ekki mikla náð óraði fæsta fyrir þeirri framvindu sem þar hefur orðið og stendur enn.

Svo virðist sem Sýrlendingum hafi þótt eftirsóknarvert að taka á einhvern hátt þátt í öllu þessu, hópur þusti út á götur og veifaði fánum og myndum af Assad. Í mínum huga var þetta meira eins og þeir væru dálítið að skemmta sér. Og víst voru þeir í þessum hópum sem hrópuðu slagorð gegn Assad.

Assad lét þá talskonu sína koma fram og kunngera að hann mundi verða snöfurlega við beiðnum um breytingar í frelsisátt og margir vörpuðu öndinni léttar. Einhverjir voru þó ekki trúaðir á orð forsetans og þegar alvöru kröfugöngur voru farnar til að heimta að hann stæði við orð sín og það fyrr en síðar, var hernum sigað miskunnarlaust á fólk.
Þar með varð neistinn að báli í Sýrlandi. Í öllum helstu borgum og bæjum hafa verið óeirðir, mótmælagöngur og hernum hefur verið beitt af taumlausri grimmd gegn óbreyttum borgurum. Fólk hefur fallið þúsundum saman, hermenn hafa hlaupist undan merkjum og gengið til liðs við mótmælendur og á tímabili voru hinir ýmsu armar hersins farnir að berjast hvor við annan.

Hvað eftir annað gaf Assad yfirlýsingar um að nú færi allt að lagast, nokkir útlendir útsendarar hefðu staðið fyrir þessu og hann mundi aldrei siga hernum á óbreytta borgara. Hann hafði varla sleppt orðinu þegar herinn gerði geðveikislegri árásir en nokkru sinni.
Arababandalagið hóf seint og um síðir að beita sér í málinu og sendi eftirlitsmenn til Sýrlands að fylgjast með hvort Assad stæði við orð sín. En Sýrlendingar hafa orðið fyrir miklum vonbrigðum með þessa eftirlitsmenn bandalagsins þar sem þeir hafa verið í fylgd sýrlenskra háttsettra herforingja og aðeins farið þar um sem þeim hefur verið leyft. Og ekki haft bein í nefinu til að krefja Assad um raunverulega stöðu og þaðan af síður setja sig inn í málin.

Assad hefur einn þjóðhöfðingja í þessum löndum þar sem logað hefur, lagt algert fjölmiðlabann á. Erlendir blaðamenn hafa ekki fengið að koma til landsins, innlendir blaðamenn fá engar fréttir að segja og fylgst er vandlega með því að menn taki ekki myndir.
Nú er álitið að mörg þúsund óbreyttir borgarar hafi verið drepnir í landinu og enn fleiri settir í fangelsi. Ljótar sögur eru sagðar, staðfestar eða óstaðfestar, af pyndingum og öðrum óhæfuverkum. Þúsundir hafa flúið yfir til Tyrklands og Líbanons og einhverjir reynt að komast yfir til Jórdaníu. Og sagan segir að nú síðustu daga hafi menn reynt að komast inn í Írak og fer þá skörin að færast upp í bekkinn.
En hvernig sem þetta endar í Sýrlandi er þó eitt á hreinu: Basjar Assad hefur glatað því trausti sem hann naut og fari hann ekki frá fyrr en síðar gæti brotist út alvöru borgarastyrjöld í landinu

Á döfinni á nýju ári

2011-12-27T04:36:00.000-08:00

Petra. Myndina tók Vera Illugadóttir

Vona að jóladagar séu sem flestum gleðilegir. Takk fyrir jólakort og sérstaklega þakkir fyrir myndir úr ferðum sem sendar voru til min

Það hefur orðið töf á að efna til myndakvölds fyrir seinni Uzbekistanhópinn en verður vonandi gert fljótlega eftir áramót. Læt fólk vita um það.

Bið Eþíópíufara að greiða skilvíslega um mánaðamót. Fyrri hópur borgar síðustu greiðslu og þeir sem eru í eins manns herbergi borgi þá sitt aukagjald. Skv. bönkum í dag er það 44 þúsund. Eyþór hefur þegar lokið greiðslu á því og ferðinni enda alveg sérstakur hvað það varðar. Takk Eyþór. Muna reikninginn 342 13 551346 og kt 441004-2220. Seinni hópur á eftir tvær greiðslur og vænti þess að ég þurfi ekki að ýta á menn þar heldur. Sá hópur borgar eins manns herbergi með síðustu greiðslunni. Þetta eiga náttúrlega allir að vita.

Á dagskrá ársins er einnig ný áætlun til Íran7.-22.sept. Hún er komin inn á síðuna og hlekkinn sinn og upp úr miðjum janúar mun ég óska eftir að menn láti vita því ég blæs hana af áður en ég fer til Eþíópíu ef ekki næst 20 manna hópur. Eins og þið sjáið er þar byrjað í Tabriz og farið á nýjar slóðir í norðri en við sleppum vitanlega ekki Isfahan. Á þeim lista eru nú 19 manns en helmingur með spurningamerki og þarf að fá það á hreint sem fyrst eins og fyrr segir.
Bið félaga að láta það ganga því ég hef hreinsað töluvert til í póstlistanum og sumir breyta um netföng og furða sig síðan á því að fá ekki póst. Vinsamlegast kippa því í lag.

Íranferðin í sept er eins og ég hef margsinnis sagt síðasta VIMA ferð sem ég mun standa fyrir. Þessu verður ekki breytt
Tek hins vegar hefðbundna Íranferð í maí fyrir Bændaferðir og etv Eþíópíu í okt ef þátttaka næst í þær.

Enn er ekki ljóst hver verða örlög persnesku teppasýningarinnar sem fyrirhuguð var í febr. þar sem þeir vinir okkar hafa enn ekki fengið áritun til Íslands. Danska sendiráðið í Teheran sem sér um áritanir til Íslands er ekki liðlegri hvað það varðar en önnur dönsk sendiráð. Utanríkisráðuneytið íslenska er nú komið í málið og vona að það skýrist fljótlega.

Fréttabréfið er í vinnslu og kemur út um eða upp úr miðjum janúar og miðsvetrarfundurinn okkar verður í Kornhlöðunni 22.jan. Það verður mjög fýsilegur fundur.

Vona svo að allt sé í góðu gengi hjá ykkur og bið Eþíópíufara enn og aftur að láta ekki bregðast með greiðslur. Hef þegar greitt upp flugmiða í seinni ferð því ég fékk yfirdrátt hjá bankanum þar sem Ethiopian Airlines hækkar fargjöld um áramót.

Skrifa hugleiðingu um þetta viðburðaríka ár í stjórnmálum Miðausturlanda á gamlaársdag.

Ný Íranáætlun komin á síðuna undir Íranhlekk- Látin er Huldu Waddel

2011-12-02T10:33:00.000-08:00

Mér bárust þær sorglegu en ekki óvæntu fregnir að Hulda Waddel, VIMA-félagi, ritstjórnarkona og samferðarmaður í ferðum hefði látist í gærkvöldi aðeins 56 ára að aldri.
Hún hafði átt við veikindi að stríða um alllanga hríð og síðustu mánuði var sýnilegt að hún hlaut að tapa þessu stríði þótt hetjulega hafi verið barist.

Hulda var meðal þeirra fyrstu sem gekk í Vináttu og menningarfélag Miðausturlanda og sýndi félagsskapnum áhuga og þau Örn Valsson, maður hennar, komu á flesta fundi uns veikindin ágerðust. Hún tók sæti í ritnefnd fréttabréfs okkar með sóma en sagði sig úr ritnefnd í sumar þegar hún sá fram á að hún gæti ekki lengur sinnt því. Hún og Örn studdu einnig telpuna Rösju í Jemen svo hún kæmist í skóla og báru umhyggju fyrir velferð hennar.

Hulda og Örn voru skemmtilegir ferðafélagir. Alltaf glaðsinna og jákvæð hjón sem var gaman að ferðast með. Þau höfðu ánægju af ferðalögum og m.a. tóku þau þátt í VIMA ferðum til Sýrlands, Líbanons, Eygptalands og Líbíu.

Ég á góðar minningar um Huldu og mun sakna hennar. Ég votta manninum hennar og öllum þeim sem þótti vænt um hana, samúðarkveðjur

NÝ ÍRANSÁÆTLUN KOMIN Á ÞRÁÐINN SINN. Bendi á að þetta er síðasta VIMA-ferðin sem ég stend fyrir. Það hefur komið fram áður og verður ekki breytt.

Hótelið sem við dveljum á í Kandóvan

Vona að þið gefið því gaum og látið mig vita um áhuga.

Ég veit að hann skortir ekki, er með ansi marga á lista en flestir með spurningarmerki og nú er að útrýma því.

Það er nauðsynlegt að tuttugu þátttakendur verði í ferðinni svo að af henni verði og ég þarf að láta vita fyrr en seinna. Vinsamlegast hafið samband.

Þessi ferð er að hluta til sett upp fyrir þá sem hafa farið í Íranferð og hafa látið í ljós áhuga á að skoða meira af þessu landi sem hefur heillað Íslendinga upp úr skónum. Auðvitað eru aðrir meira en velkomnir þótt þeir hafi ekki farið fyrr.

Í þessari ferð er byrjað í Tabriz í norðvestri, farið til Kandovan, Zanjan, Kermanshah og Hamadan og loks til Isfahan en mér finnst og fleirum ugglaust líka að þeim stað sé óhugsandi að sleppa.

Vonast til að heyra frá ykkur. Hið fyrsta ef þið vilduð vera svo væn.

Eþíópíuferðir eru báðar fullsetnar/ Verður eitthvað að marka loforð Saleh, forseta Jemens nú?

2011-11-23T02:26:00.000-08:00

Jk við fossa Bláu Nílar

Sæl öll og takk fyrir síðast á góðum fundum um helgina.

Vil bara láta þess getið að báðar ferðirnar eru nú fullsetnar og þó ég skrifi á biðlista er mjög ósennilegt að einhverjar breytingar verði.

Bið alla vinsamlegast að greiða á réttum tíma og þakka raunar góða skilvísi í þeim efnum. Næsti greiðsludagur er 1.des.

Við höfum ákveðið að taka með okkur skóladót, blýanta, stílabækur, yddara ofl. límmiða,sápur, þvottapoka, fótbolta og kannski nokkur töfl. Það eru litlar skólabyggingar alls staðar og reynt að halda uppi kennslu en skólar eru mjög vanbúnir.

Hef haft samband við ferðaskrifstofustjórann okkar og hann mun velja skólana sem við heimsækjum.

Þetta mæltist mjög vel fyrir á báðum fundunum og allir vita nú hvað þeir eiga að taka með. Fannst ágætt að hafa það svo ella hefðu kannski margir keypt það sama.

Frá Kandovan
Hótelið sem verðum á er hoggið inn í kletta og er mjög sérstakt. Skemmtileg herbergi

Íran- ný áætlun
Er nú að bíða eftir nýju Íranáætluninni sem er í sjálfu sér að mestu tilbúin en vantar flugmiðaverð og því læt ég aðeins bíða að setja áætlunina inn. Reikna má fastlega með að hún verði birt í lok desember.
Mér sýnist þó ljóst að verð hækkar enda hefur merkilegt nokk tekist að halda verði á Íranferðunum óbreyttum sl 4 ferðir. Það má búast við að ferðin kosti um 490 þúsund, en það er sagt með fyrirvara.

Hún er áætluð í september 2012 eins og fram hefur komið og við byrjum hana í Tabriz í norðvesturhlutanum. Fljúgum heim frá Teheran þar sem ekki er fáanlegt flug frá Isfahan eins og ég hefði kosið.

Býst við að í þessa ferð muni einkum fara félagar sem hafa áður sótt Íran heim en auðvitað eru nýir velkomnir. Ég hef skrifað niður nokkurn hóp en flestir með spurningamerki og væri afskaplega hentugt ef þið létuð mig vita um áhuga.

Áætlunin virðist vera mjög spennandi og fyrir utan Isfahan sem ég held að enginn vilji sleppa er að öðru leyti farið á nýjar slóðir.

Verður eitthvað að marka orð Saleh nú frekar en áður?

Þær fréttir berast frá Jemen að Ali Abdullah Saleh, forseti sé kominn til Sádi Arabíu og þar muni hann skrifa undir að hann afsali sér völdum í hendur varaforseta landsins á næstunni. Þetta samkomulag var unnið af stjórnum Flóaríkjanna og S.þ.

Þessar fréttir eru auðvitað ánægjulegar í sjálfu sér en öllu verra hlýtur þó að teljast að þau eru ótalin loforðin sem Saleh hefur gefið um það að hann sé tilbúinn að víkja en þegar komið hefur af efndum hafa þær gufað út í buskann og eftir situr jemenska þjóðin með þennan illræmda forseta sem hefur stjórnað landinu á fjórða áratug.

Hann hefur verið beittur þrýstingi af ýmsum innanlands sem utan að fara til að koma í veg fyrir að átökin haldi áfram í landinu eða það brjótist jafnvel út borgarastyrjöld. En Saleh á líka aðskiljanlega stuðningsmenn sem eiga ríkra hagsmuna að gæta um að hann fari alls ekki og þeir hópar hafa látið að sér kveða og lýsa nú hinni mestu andstöðu við þessa samningagjörð.

Auðvitað væri óskandi að Saleh tæki pjönkur sínar og hypjaði sig en sjálf er ég í stórum vafa um að hann standi við þau orð sín nú. Það hefur sýnt sig að hann er slóttugur og ber fyrir sig að hann njóti óskoraðs stuðnings og það sé bara óþjóðalýður sem vill að hann fari.

En guð láti gott á vita: Kannski bregður hann út af vananum, stendur við orð sín og víkur. Fyrir jemenska þjóð væri það besti kosturinn þó ekki sé þar með sagt að allt mundi umsvifalaust falla í ljúfa löð í þessu fátæktarinnar og fegurðarinnar landi.

Stórfínir kynningarfundir um Eþíópíu hjá okkur í dag

2011-11-20T11:33:00.000-08:00

Ferðaskrifstofuhjónin í Addis og JK. Myndin tekin í maí sl.

Efnt var til fundar með væntanlegum Eþíópíuförum í dag í gamla Stýrimannaskólanum við Öldugötu í dag og var mæting með afbrigðum góð. Þeir fáu sem komu ekki höfðu látið vel og alúðlega vita.
Í fyrri ferðinni 3.-20.mars eru 30 manns og í þeirri seinni 31.mars-17.apr. 27 manns.
Nokkrir eru á biðlista.

Við fórum yfir áætlunina og spjölluðum um hana, margs var spurt og svo var diskurinn um Eþíópíu látinn rúlla á tjaldi.

Það er góð blanda nýrra og gamalla félaga og samtals þrettán hafa aldrei farið í VIMA-ferð og einnig er eftirtektarvert að sjö þátttakenda eru innan við tvítugt.

Ég lét þátttakendur hafa áætlunina, vonandi rétta úr garði gerða, einnig pistil um Eþíópíu sem Vera Illugadóttir hafði gert fyrir mig, svo og veðurkort og þátttakendalista.

Ekki má gleyma að menn gerðu sér gott af írönskum hnetum(gjöf frá Mohamad bílstjóra), döðlum óg kökum einnig frá Íran og sötruðu te/kaffi/kakó með.

Ánægjulegir fundir í hvívetna og allir virðast hlakka til enda verður víða farið um landið í ferðinni.

Teppasýning verður vonandi að veruleika í febrúar
Strákarnir okkar í Isfahan koma ef guð lofar í febrúar með kássu af mottum og teppum undir armi og ég stússa í húsnæðismálum og alls konar praktískum málum. Enn er nokkur vafi á húsnæði fyrir sýninguna en ég ætla að gera því skóna að það leysist á næstu dögum.

Þá koma þeir hingað bræðurnir ljúfu Ali og Hossein Bordbar ásamt þriðja starfsmanni verslunarinnar Seyed Ahmad. Einnig hefur leiðsögumaðurinn okkar Pezhman Azizi ákveðið að slást í förina og verður ugglaust ánægjuefni fyrir marga að hitta hann. Við ættum að efna í einhverjar ferðir fyrir hann og tel víst að við höldum eina veislu eða svo.

Ég hef sent meðmælabréf til danska sendiráðsins í Teheran sem sér um áritunarmál og hefur raunar ekki alltaf brugðist skjótt við.
Utanríkisráðuneytið hefur gefið góð orð um að mæla með að þeir fái áritun verði einhver töf á því.
Allar hugmyndir um húsnæði eru afar vel þegnar.

Sýning á persneskum teppum í febrúar---fundur Eþíópíufara( báðir hópar) 20.nóv

2011-11-02T05:17:00.000-07:00

Í febrúar n.k. hyggjast þeir koma til Íslands, teppadrengirnir okkar góðu frá Isfahan og halda sýningu á teppum og mottum í svona tvær vikur. Er að leita að sýningarhúsnæði fyrir þá og íbúð og ef þið vitið af einhverju sem kynni að henta væri elskulegt af ykkur að láta mig vita.
Sýningarhúsnæðið ætti að vera svona 40-60 fm og þá langar að fá íbúð þessar tvær þrjár vikur sem þeir verða með sýninguna.

Fundir með Eþíópíuförum 20.nóv
Held það væri kjörið að efna í fundi með Eþíópíuförum þann 20.nóv. Í gamla stýrimannaskólanum við Öldugötu kl 14 (Fyrri hópur) og kl. 15 seinni hópur. Mér þætti
mjög vænt um ef þið vilduð láta mig vita hvort þið komið ekki ábyggilega því það er nokkuð snúið að fá húsnæði hjá Mími-símennt nú þegar kennsla er nánast alla daga.

Á fundinum útdeili ég fullbúinni áætlun og dagsetningum. Einnig hollráðum og leiðbeiningum, lista yfir þátttakendur og þess háttar.
Bið menn að mæta stundvíslega.
Við fáum okkur svo te og kaffi og gæðum okkur á írönskum góðgæti.

Bið þá fáu sem enn hafa ekki gert upp nóvember að gera það snarlega. Vonast til að þau fáu skönnuðu vegabréf eða ljósrit sem ég hef ekki fengið, verði tilbúin þarna á fundinum.

Eþíópíufundir síðla nýhafins nóvember

2011-11-01T04:06:00.000-07:00

Sæl öll

Bendi á að við ferðaskrifstofustjórinn í Addis Abeba erum nú í stöðugum imeilsamskiptum varðandi formsatriði Eþíópíuferðanna.

Enn hef ég ekki fengið öll ljósrit(helst skönnuð) frá seinni hópnum og bið menn að gjöra svo vel að koma þeim til mín hið fyrsta.Þar eru einnig tvö sæti laus vegna skyndilegra forfalla

Jafnskjótt og Mímir fellst á að lána mér húsnæði efni ég í fundi fyrir báða hópa og þá verður áætlunin lögð fram í fullbúinni mynd. Nokkrir hádegisverðir bætast við án þess að verð hækki og einnig lítur út fyrir að eins manns herbergi verði næg handa þeim sem eftir því óska nema etv á einum stað.

Ýmsir hafa spurt hvort þeir geti notað púnkta í flugið Kef-Ldn-Kef og því til að svara að ég hef ekki fengið svar þar að lútandi. Mun kanna það betur og þið verðið örugglega öll látin vita ef það fæst. Ekki mundi saka að fólk léti mig vita ef það veit það sé með næga púnkta því þá er aðeins hægt að nota ef þeir eru fullnægjandi margir. Dæmi: eigi maður t.d. 15 þús púnkta er EKKI hægt að nota þá. Þurfa að vera um 39 þúsund minnir mig.

Ég vona að vel verði mætt á fundina þegar þar að kemur, þá verður einnig útdeilt leiðbeiningum og hollráðum og ég er með birgðir af írönskum döðlum, hnetum og kökum sem við gæðum okkur á.

Vinsamlegast greiðið á réttum tíma og endilega drífið í að senda mér ljósritin.

Mynd af Íranförum 9.-23.okt.

2011-10-26T10:31:00.000-07:00

Þessar myndir eru teknar við hús eldsins í Yazd og við Nekropolis. Ýtið á myndirnar og þá verða þær stærri og skýrari.

Þær eru einnig komnar inn á hlekkinn Þátttakendur í ferðum.

Stúlkan mín, Nassim er alvarlega slösuð

2011-10-24T10:42:00.000-07:00

Var að fá þær fréttir að stúlkan mín, Nassim sem ég hef stutt til skólagöngu í sex ár slasaðist alvarlega í gær þegar hun tók þátt í mótmælagöngu gegn forsetanum og stjórninni í Sanaa.

Nassim er 18 ára og hefur staðið sig með einstakri prýði. Hún hefur skrifað verðlaunaritgerð um skaðsemi gatts og verið atkvæðamikil í skólanum sínum. Einstaklega prúð og vel gerð stúlka. Sýstir hennar hefur einnig notið stuðnings okkar.
Kunningjafólk mitt í Jemen sendi mér þessar fréttir rétt í þessu. Ég hafði gefið því nöfn og upplýsingar um börnin okkar og var látin vita en ekki fylgdi sögunni nánar um málið.
Nassim hefur átt sína framtíðardrauma og hugsað djarft. Vona að ég heyri nánar um málið en skv því sem ég veit núna er hún í lífshættu enda fór hún fyrir hópi ungra stúlkna sem báru spjöld um að Saleh forseti skyldi loks standa við orð sín og fara.

Það er hryggilegra en tárum taki hvað gerist í Jemen þessar vikur og mánuði.

Einstaklega kátir Íranfarar komnir heim

2011-10-23T10:37:00.000-07:00

Sæl veriði

Við komum núna í eftirmiðdag með British Midland frá Teheran. Og síðan Icelandair eftir tiltölulega stutta bið til Íslands.
Allt gekk ljómandi og elskulegur kunningi minn á flugvellinum í Teheran greiddi götu okkar svo við þurftum enga yfirvigt að borga þó nokkrir hefðu skiljanlega teflt á tæpasta vaðið.

Á leiðinni til Teheran höfðum við sögustund og menn greindu frá ferðalögum sínum tvist og bast um heiminn og var gaman að heyra þær frásagnir. Verðlaun verða veitt á myndakvöldi sem Bergþóra afmælisstúlka mun halda í húsakynnum sínum og fleiri eftir nokkrar vikur. Þá verða vonandi allir búnir að skipuleggja myndirnar sínar. Vona að Árni sendi mér hópmyndirnar sem hann tók á jemen@simnet.is

Síðasta daginn í Teheran heimsóttum við söfnin, nýlistasafn, þjóðminjasafn og teppasafn og ég lét undan þrýstingi og fór með hópinn á gimsteinasafn fyrv. keisarafjölskyldunnar. Einnig festu menn kaup á döðlum, saffrani, hnetum og öðru góðmeti. Við fengum kvöldverð kl. 18 í gærkvöldi svo menn gætu hvílst fyrir brottför um miðnætti.

Það var afskaplega ánægjulegt. Ég þakkaði ferðafélögum mikið góða samveru og Hrafnhildur Sigurðardóttir sagði falleg orð um okkur Pezhaman og aðra sem greidddu götu okkar.

Áður höfðum við kvatt bílstjóra en Mohamad á einmitt afmæli í dag 23.okt og allirkrifuðu á kort til hans og ég færði honum gjöf sem ég kom með að heiman enda var þetta merkisafmæli. Þeir og þó einkum Mohamed voru hrærðir yfir því en það vorum við líka yfir þeirra einstöku vinsemd og frábæru þjónustu.

Eþíópía

Um leið og sálin skilar sér mun ég fara yfir greiðslur og þess háttar og hvort öll ljósrit eða skönnuð vegabréf hafa verið send til mín. Einnig hyggst ég halda fund amk með seinni hópi fljótlega. Þar sem ég hef nú fengið heil ósköp af´írönsku góðmeti til að bjóða ykkur, þ.e. hnetur, súkkulaði, kökur og þess háttar þarf ég bara að athuga hvenær ég fæ húsnæði og læt ykkur vita eftir helgina.

Ég skal viðurkenna fúslega að ég er æði óhress með að nokkrir sem lýstu áhuga á ferð til Eþíuópíu hafa nú öðru að sinna. Skil þetta ekki almennilega þar sem málin lágu snemma ljós fyrir og ég pantaði hótel og flug samkvæmt ykkar óskum.

Það kemur sér fáránlega óþægilega fyrir mig að hafa sent út nöfn sem nú verður að leiðrétta og ég hef þegar greitt staðfestingjargjald fyrir þá amk 6 sem áður virtust hafa fullan hug á þessari ferð.
En þar með er líka klárt og kvitt að fleiri geta bæst við einkum í seinni ferð þann 31.mars og bið ykkur að láta í ykkuur heyra hið fyrsta.

Íran tvö
Ég sagði ykkur fyrir æði löngu að fyrri Íranfarar hefðu áhuga á annarri ferð til Íran þar sem ferðin hæfist í Tabriz. Ég hef amk 20 á lista en flestir með spurningarmerki og nú VERÐ ég að fá svör um hvað þið hugsið ykkur. Ætlið þið að koma með eða ekki. Vinsamlegast látið vita. Ef af verður þarf ég amk 20 manns svo verðið fari ekki upp úr öllu valdi.
Talaði um það við Nasrin aðsdtoðarstýru að ég mundi koma í maí til að fara yfir leiðina en fyrir þann tíma þarf að hefja greiðslur. Eg geri því skóna að verð fari ekki undir 490 þúsund þótt það sé sagt án ábyrgðar

Fegursta dagarnir i Isfahan

2011-10-20T00:38:00.000-07:00

Godan dag
Vid erum a sidasta degi i Isfahan og notum hann til ad russa um og vaentanlega gera nokkur innkaup enda nogu ur ad velja
Vid hofum farid vitt og breitt um, skodad Imammoskuna, Lokiatulla mosku, reikad um a einstoku torginu, hitt litla treflakallinn a hjolinu sinu,dadst ad brunum yfir Lifgjafarfljotid og farid i armensku domkirkjuna.
Thessir dagar her sem i Shiraz hafa litid hratt og allir eru mjog anaegdir med lifid og ferdina. A kvoldin og i hadegi raunar lika forum vid a fallega stadi ad borda

Dagarnir i Sjiraz thegar eg gat ekki sent neitt voru lika einstaklega godir, vitjudum grafhysa skaldanna Hafez- thar sem Bergthora las upp eitt ljoda hans og somuleidis til Saadi sem er eins konar iranskur Shakespeare. Tha var ferdin ut til Persepolis alger toppur i flestra hugum.

A okuleidum milli stada hafa Mohammed bilstjori og adstodarmadur hans, Hadi borid i okkur pikknikk lons og kaffi og te og hafa fengid hurrahrop fyrir.

A morgun forum vid sem sagt aleidis til Teheran, thar eru adallega sofn sem vid forum a, Nylistasafnid, teppasafn og tjodminjasafn. Heimleidis holdum vid adfararnott sunnudags.
allir bidja kaerlega ad heilsa sinu folki. Eg kemst ekki inn a siduna og veit tvi ekki hvort folki hafa verid sendar kvedjur.
Kvedjur i bili.

Lokg almennileg kvedja fra Iranhopi

2011-10-14T11:48:00.000-07:00

Sael oell
Vid komum til Sjiraz i eftirmiddaginn eftir langa en skemmtilega keyrslu fra Yazd. Vid byrjudum a ad koma vid i Turni thagnarinnar og setja okkur inn i greftrunarsidi zorostriana her adur. Stoppudum vid Arnarfell, rannsokudum kanatkerfid og dadumst ad 4,500 ara gamla trenu i Abarku. Ad svo bunu heimsottum vid Sasa bonda og thar utbjuggu their Mohammed og Hadi bilstjori og adstodarmadur ljuffengan hadegisverd sem allir gerdu ser gott af og Sasa faerdi okkur granatepli i eftirmat.
Vid Pezhman toludum um stjornskipan og alls konar onnur mal tvi thetta er sem fyrri hopar mjog ahugasamt folk og vill vita sem mest.
Ohaett ad fullyrda ad Iran hafi komid theim mjog skemmtilega a ovart fram ad thessu.
A morgun verdum vid her i Sjiraz og verdum i skodunarferdum, heimsaekjum grafhysi skaldanna Hafez og Saadi, forum i Narjestan hefdarhusid, fjolublau moskuna og ef ad likum laetur kikjum vid a markadinn okkur til uppbyggingar.
Dagarnir i Yazd voru lika afar vel lukkadir og thar var skodad musteri eldsins, vatnssafnid, gengid um gamla bainn og ad kvoldi 13.okt heldum vid hatidlegt afmaeli Bergthoru.
Hun fekk fineriis tertu fra ferdaskrifstofunni og eg gaf henni ljodabok med persneskum ljodum og litlinn poka og einnig skrifudu allir i hopnum a kort til hennar.
Vedur hefur verid afar notalegt svona fra 24-29 stiga hiti. Thad er god samstada i hopnum og allir i odaonn ad kynnast tho sumir thekkist ad visu fyrir.
Allir bidja fyrir kaerar kvedjur til sinna og eg var bedin ad taka fram ad theim lidi vel og fyndust their einstaklega oruggir ogstorhrifnir af Ironum.

Pistill frá Íran

2011-10-13T04:17:00.000-07:00

Orfaar linur bara til ad segja ykkur ad Iranforum lidur vel og senda kaerar kvedjur. Vid komum til Jazd i kvold og erum ad setjast ad bordum.

Allt hefur gengid ad oskum, komum fra Kashan i dag en verdum her a morgun og skodum tha Musteri eldsins, hus vatnsins, forum i Jamamoskuna og gongum um gamla baeinn og um kvoldid a ithrottaleikinn furdulega zorkaneh.

A morguyn a Bergthora merkisafmaeli og vid munum faera henni smagjof og ferdaskrifstofan gefur tertu annad kvold.

Allir virdast mjog anaegdir, slaedurnar pirraudu sumar i byrjun en thad er allt ad lida hja.

Verd ad haetta nuna en bid fyrir bestu kvedjur til allra aettingja og vini Iranfaranna og reyni ad komast i tolvu annad kvold

Til Írans um helgina. Sendi pistla eftir því sem tími gefst til.

2011-10-07T00:00:00.000-07:00

Konur í Eþíópíu við störf

Tíminn líður hratt á gervihnattaöld eins og þar stendur og ég bið fólk, lengstra orða og er skráð í Eþíópíuferðir endilega að gera upp skv. áætlun sem því var send Nokkur misbrestur hefur verið á því þótt meirihluti þátttakenda í báðum ferðum hafi greitt reglulega. Og þakkir fyrir það.
Ég legg áherslu á að menn setji kennitölu sína með þegar þeir greiða, annars hef ég ekki hugmynd um hver greiðir. Til dæmis greiddu tveir staðfestingargjald án þess að kennitala fylgdi og var verulegt vesen að finna út úr því hverjir áttu þar í hlut.

Einnig hefur orðið veruleg töf á því að ég fengi skönnuð vegabréf send og það er til óþæginda þar sem ég þarf að senda þetta út með drjúgum fyrirvara svo að við losnum við að senda vegabréfin út sem er fyrirhafnarsamara að öllu leyti.

Margir hafa farið í nokkrar/margar ferðir með VIMA en ég hef ekki getað haldið öllum slíkum inni í tölvunni, vegabréfin gilda skemur en áður og þau verða að vera gild í sex mánuði eftir að ferð lýkur. Því er aðkallandi að fá þetta sent og vona að flest öll hafi skilað sér þegar ég kem frá Íran 24.okt. Þá eru löngu orðin síðustu forvöð með þetta og þá á ég við báðar ferðirnar.

Þá leyfi ég mér að spyrja ALLA þátttakendur í fyrri ferð hvort þeir gætu farið viku síðar eða 3.mars. Þarf að fá svör frá öllum varðandi það. Seinni ferð er með réttri dagsetningu en kæmi sér betur ef ég gæti fært fyrri ferðina um viku. Vinsamlegast látið mig vita. Hef spurt nokkra og veit að það er í lagi hjá flestum en hef ekki haft tök á að spyrja alla. Geti einhverjir ekki breytt dagsetningum fyrri ferðar er hugsanlegt að þeir komist í seinni ferð amk ef þeir láta vita hið fyrsta.

Reynt verður að láta vildarpúnkta gilda með Icelandairflugið en svar fæ ég ekki fyrr en upp úr 20.okt n.k. Vildarpúnktarnir gilda aðeins ef fólk á nægilega marga, eitthvað um 38 þúsund-40 þúsund.Þegar samþykki Icelandair hefur fengist fyrir því greiða menn ferðina að fullu og síðan er endurgreitt á reikninga viðkomandi.

Skriffinnska að sönnu en ekki breyti ég henni.

Mér þykir leiðinlegra en orð fá lýst að þurfa að reka á eftir fólki með svona atriði eins og greiðslur og vegabréfsmál og bið ykkur að hafa þetta í lagi

Fundur verður með þátttakendum beggja ferða í nóvember og ég vona að allir mæti því ýmislegt þarf að rabba þar um

Grafhýsi Hafezar í Shiraz

Fer núna á sunnudagsmorgun með hóp til Írans fyrir Bændaferðir. Það er sams konar áætlun og við höfum farið eftir- með smávægilegum tilbrigðum.

Enn er óljóst hvort af nýju ferðinni verður, þe byrjað í Tabriz og farið suður á bóginn, en ég hef fengið áætlun frá Shahpar og væntanlega mundi þá verða efnt í þá ferð í sept 2012. Það er auðvitað nokkuð langur fyrirvari en ég hef raunar tekið eftir að fólk skipuleggur ferðir sínar með lengri fyrirvara en áður svo mér þætti hagstætt að heyra í ykkur varðandi það mál.

Verð á þeirri ferð er mjög svipað og hefur verið á síðustu ferðum til Írans, þ.e. um 470-490 þúsund kr. Auðvitað erfitt að segja til um flugfargjöldin en má reikna með að náist 20´-25 manna hópur takist að halda því verði.

Eins og fram kemur í Fréttabréfinu er það síðasta ferð VIMA.

Uzbekistanhópur 2

2011-10-03T17:07:00.000-07:00

Aftasta röð frá finstri: Margrét Friðbergsdóttir, Bergþór Halldórsson, Margrét Guðmundsdóttir, Brynjólfur Kjartansson, Ingunn Þorsteinsdóttir, Steindór Hálfdánarson, Sólrún Björnsdóttir, Eyþór Björnsson, Ester Magnúsdóttir, Kolbrá Höskuldsdóttir

Þriðja röð frá vinstri: Guðmundur Þorsteinsson, Elva Jónmundsdóttir, Illugi Jökulsson, Vikar Pétursson, Vilborg Sigurðardóttir, Kristín Einarsdóttir, Daði Ágústsson og Haukur Backman

Næst fremsta röð: Sveinbjörg Guðmarsdóttir Birna Björnsdóttir, Viðar Ólafsson Catherine Eyjólfsson, Halldóra Kristjánsdóttir og Guðríður Jónsdóttir
Fremsta röð Elsa Skúladóttir, Ásdís Hafrún Benediktsdóttir, Guðrún Emilsdóttir, Jóhanna Kristjónsdóttir
Myndin var tekin í Khiva

Einnig á ég að skila til ykkar kærustu kveðjum frá okkar frábæra gæd, Elenu sem skrifaði mér fallegt bréf og þakkaði samveruna.

Hvernig er með greiðslurnar í Eþíópíu?

Mig langar til að minna ykkur á Eþíópíugreiðslur. Þar hafa margir gert upp skv. greiðsluplani og bestu þakkir fyrir það en aðrir ekki. Ég er á förum til Íran nú um helgina með hóp fyrir Bændaferðir og eins og ég sagði ykkur þarf ég að senda út staðfestingargreiðslu í dag eða í síðasta lagi á morgun og verð að biðja þá sem hafa látið undir höfuð leggjast að gera skil.

Þá bendi ég á að tvö-þrjú sæti eru laus í seinni ferð.

Þar hefur ferðaskrifstofustjórinn gefið góð orð um að bæta við nokkrum hádegisverðum að minni beiðni án þess að ferð hækki og mér finnst sjálfsagt að standa í góðum skilum við hann enda vill hann allt fyrir hópana gera.

Ég vil einnig þakka þeim sem hafa sent mér skönnuð eða ljósrituð vegabréf(bara upplýsingasíðuna) að drífa í því og það á við um þátttakendur í báðum ferðum.

Við erum komin og hlökkum til næstu samveru

2011-09-24T10:17:00.000-07:00

Sæl öll

Ég var rétt að stíga inn úr dyrunum eftir Uzbekistanferðina seinni og allir fengu sinn farangur og held að allir hafi sömuleiðis verið á því að þetta hafi verið hin mesta ævintýraferð.

Gistum í London sl. nótt, rúta kom á Terminal 4 og flutti okkur á hótelið og síðan aftur á nr. 1 í morgun. Allt gekk þetta að óskum. Þrír urðu eftir í London, Margrét og Brynjólfur tóku lest yfir til Brussel að hitta afkvæmi sitt og koma eftir nokkra daga og höfðu fyrir löngu látið vita af því. Þau voru kvödd með kærleikum. Eyþór þurfti að fara yfir til Amsterdam, ekki gat ég kvatt hann en sendi bestu kveðjur. Einnig til annarra sem ég sá ekki á Kefló.
Við hlökkum nú til myndakvölds sem verður eftir að ég kem frá Íran í næsta mánuði. Við tókum hópmynd í Khiva á vél Ásdísar Hafrúnar og mun senda ykkur hana þegar ÁSdís er tilbúin með hana.

Ég held að segja megi að allir hafi verið mjög glaðir og fundist þetta hin mesta ævintýraferð. Eins og áður hefur komið fram var hópurinn samhentur og glaður og allir blönduðu geði hver við annan. Um tíu manns voru nýir og hafa ekki fyrr farið í VIMA ferð en allir féllu eins og flís að rassi og nú hlakka allir til myndakvölds sem verður haldið þegar ég kem úr Íranferð síðari hluta október.

Það var einstök þjónusta sem við fengum hjá Marinu og Elena leiðsögumaður, leyfi ég mér að segja, sló út Davlasko gæd í síðustu ferð. Hún og aðrir fengu gjafir og veglegt þjórfé frá hópnum og kvaðst var með trega á flugvellinum í Tashkent. Þar var skriffinnska að venju í hávegum höfð en allt fór vel og þar sem vélin til London var ekki fullsetin gátu menn margir fengið betri sæti.

Fréttabréf komiö út
Þegar ég kom heim áðan beið fréttabréf, hið glæsilegasta að venju. Hafi einhverjir ekki fengið það er trúlegt við höfum ekki rétt heimilisföng og bið ykkur að láta mig vita hið fyrsta. Í fréttabréfinu skrifar Vera Illugadóttir um Afganistan, Dominik er með matargrein og bók á náttborðinu, Margrét Árný um Uzbekistanferð fyrri og pistlar um Jemenbörn og Eþíópíu eftir mig, auk þess ljóðaþýðing eftir Lindu Vilhjálmsdóttur ofl.

Munið nú fundinn 1.okt.
Frá honum segir í fréttabréfinu og vonast til að sjá sem allra allra flesta þar enda spennandi umræðuefni á ferð eins og þið sjáið.

Þá vil ég benda á að vegna breytinga eru nokkur sæti laus í Eþíópíuferðirnar og bið ykkur hafa samband hið snarasta.

Nú fer ég að leggja mig og bíð sálarinnar með eftirvæntingu.
Þakka samferðarfólki sérstaklega góðar og elskulegar stundir í Uzbekistan

A sidasta degi i Uzbekistan

2011-09-22T23:14:00.002-07:00

Krakkar minir komidi sael
Afsakid hvad er langt sidan eg skrifadi sidast, ekki alltaf verid naerri bruklegum tolvum

Nu erum vid a sidasta Uzbekistandeginum okkar. Vorum ad skoda eina elstu utgafu Koransins, af henni eru nokkur eintok til og Uzbekar eru fullir stolts yfir tvi ad eitt skuli vera vardveitt her og tho stendur truin nu theim ekki verulega fyrir thrifum.
Sidan tharf ad gera sidustu innkaup og ganga um i vedurblidunni og a eftir forum vid upp a hotel snaedum thar og ut a voll kl. 1, 45 uzbeskur timi. Their eru 5 timum a undan okkur. Vid fljugum til Ldn i dag og komum thad seint ad sidasta Icelandairvel er farin svo eins og fyrirhugad hefur verid allan timann verdum vid a flugvallarhoteli a Heathrow eina nott.

Thad er ekki ad ordlengja ad hvers kyns aevintyri hafa ordid a vegi okkur thessa daga. Vid hofum skodad okkur um upp fyrir haus, bordad heil oskop, sott heim sveitamarkadi og silkiverksmidjur i Ferghana dalnum og svo maetti lengi telja. Askaflega god stemning i hopnum eins og eg hef getird um adur.
Vid komum fra Ferghana i eftirmiddaginn i gaer og i gaerkvoldi var kvedjukvoldverdur og Marina hafdi ekki valid stad af verri endanum, veitingastadur i Operuhusinu. Thar afhentum vid Elenu gaed thakkargjof og eg faerdi somuleidis ferdafelogum thakkir fyrir samveruna og minnti a ord hins spaka manns sem sagdi Heimurinn er eins og bok, sa sem aldrei ferdast hefur adeins lesid fyrstu bladsiduna.
Svo taladi Illugi mjog fallega og Bergthor maelti god ord. Matur var gomsaetur og almennt hofum vid fengid nog ad borda og vel thad.

Mun skrifa nanar um thetta eftir heimkomu og minni a ad allir eru hressir og bidja fyrir kvedjur

2011-09-22T23:14:00.000-07:00

Senn lokid dvol i Samarkand

2011-09-18T05:52:00.000-07:00

Godan daginn
Vid erum her a thridja og sidasta degi i Samarkand og holdum a morgun til Tashkent eina nott. Eftir thad liggur ferdin inn i Ferghanadalinn og tha fer nu ferdin ad styttast mjog i annan endann.
Thessa stundina eru menn uti ad russa eftir ad hafa verid a Registag i morgun, farid i merkilega stjornuathugunarstod og sogusafnsskodun.Menn eru stoirhrifnir af Samarkand en kannski er lika erfitt ad gera upp a milli thessara oliku heima sem Uzbekistan ferdin er.Hver borg og hver stadur hefur sin serkenni.
I gaer vorum vid i Nekropolis, skodudum moskuna sem sagan segir ad Bibi Hanun hafi byggt handa boinda sinum Timur ad faera honum ad gjof eftir herfor. Ymsar goda\sagnir eru tengdar thessari byggingu og hver annarri myndraenni.

A eftir foirum vid a tiskusyningu a gomlum buningum her i landi og svo i kvoldverd.

Pest hefur hooppad a nilli manna en stendur venjulega adeins i solarhring og thad eru allir hressir og jakvaedir. Einstaklega godur hopur og samhentur
Vid bidjum oll fyrir kvedjur

Uzbekistanhopur kominn eftir silkivegi til Samarkand

2011-09-16T21:21:00.000-07:00

Sael

Her er kvedja fra okkur ur theirri einstoku borg Samarkand. Vid buumst nu til skodunarferdar og folk er fullt tilhlokkunar. Alls erum vid 3 naetur i Samarkand.
Hotelid heitir PaNORAMA OG VORU MENN AD KOMA UR MORGUNVERDI

aDUR VORUM VID NOTT I JURTBUDUNUM OG THAR VAR HALDID UPP A SEXTUGSAFMAELI sVEINBJARGAR MED GLAESIBRAG. hOPURINN FAERDI HENNI litla silkimottu og ferdaskrifstofan dyrdlega tertu og svo var sungid og trallad og setid vid eld. I gaer synti um helmingur hopsisn i Aydar Kul vatni og Illugi tho lengst, eina tvo kilometra,. Allir endurnaerdir eftir thad. Svo grilludu karlarnir ur budunum handa okkur vatnakarfa sem var algert saelgaeti
Verd ad hafa thetta i styttra lagi.
En allir bidja kaerlega ad heilsa

I gledi og sol i Bukhara

2011-09-13T02:43:00.000-07:00

Sael oll
Erum i Bukhara og allt hefur gengid eins og best verdur a kosid. Nu vorum menn ad fa ser hadegisverd vid tjhornina i midbae Bukhara og sidan frjals timi unz vid forum i frekari skodunarferd seinni partinn, svo a tjoddansasyningu og alls konar hopp og hi. I morgun ad skoda kastalavirki og glaesileg missismerki og grafhysi fryv hefdarmanna her.

I gaer keyrt fra Khiva til Buykhara. Illugi hafdi frjalsar hendur um Timur lane thodhetju nutima Uzbeka, Elena gaed sem ollum likar prydilega vid taladi um Alexander og ymislegt fleira gert ser til dunurs a langri keyrslu. Hiti var um 39 stig um midjan daginn. Sumum fannst thad i thad mesta

Daginn adur vorum vid i theirri einstoku borg Khiva og skodudum okkur og borgina i taetlur og verslunarmenn attu einnig afskaplega godan dag.

Ferd til Uzbekistan me flugfelagi theirra var i godu lagi og thegar vid hofdum tekid nokkurratima hvild var farid i stutta skodunarferd, ma. a Sjalfstaedistorgid ofl. Marina ferdaskrifstofustjori hitti okkur i kvoldverdi en thar var asamt med godum mat danssyning og allir skemmtu ser vel en voru fegnir ad komast i ro

Vid verdum einnig i Bukhara a morgun og eftir thad liggur leidin i jurtin.

Allir eru mjog gladir og bidja fyrir bestu kvedjur til sinna.

Uzbekistanfarar tygja sig til farar- seinni Eþíópíuhópur greiði staðfestingargjald

2011-09-06T04:14:00.000-07:00

Dansstúlka frá Ferghanadal í Uzbekistan.

Sæl öll í haustblíðunni.

Þá fara Uzbekistanfarar að búast til brottferðar og vona að allir mæti stundvíslega og eins og um var talað að morgni 9. n.k. Við færum okkur síðan yfir á terminal 4 og væntanlega verður aðeins hægt að tjekka inn til London. Icelandair og Uzbekistan Airlines hafa ekki samning sín á milli og þar með tökum við því bara glaðlega.

Tjekk inn hjá Uzbekistan Airlines byrjar væntanlega rúmlega sex um kvöldið svo menn geta út af fyrir sig haft sína hentisemi um hvort þeir skreppa inn í bæ.
Ég ætla ekki inn í bæ og get því verið vörslumaður á farangri ef fólk kýs að skreppa inn í bæ. En menn skyldu ætla sér góðan tíma til að komast til baka á völlinn.
Vinsamlegast muna það.

Muna eftir tollskýrslublöðum og öðru sem um hefur verið talað. Er nýlega búin að senda Uzbekistanfólki bréf með hinum ýmsu hollráðum og leiðbeiningum. Gjörið svo vel og farið yfir það. Eina sem ég held ég hafi gleymt er að menn ættu að skilja eftir slóð síðunnar svo ættingjar og vinir geti fylgst með okkur því yfirleitt er ágætis aðstaða til að senda pistla og það mun ég vitanlega gera eftir því sem tök eru á.

Þá vil ég benda fólki á hlekkinn Þátttakendur í ferðum. Það hefur komið inn reytingur af myndum sem ég hef sett inn á síðuna en allmargar hópmyndir vantar. Ýmsir hafa aðstoðað mig í að koma þessu á fót og bið þá sem ættu myndir að senda mér þær annað hvort á tölvu eða í pósti. Þó svo allur hópurinn sé ekki með væri gaman að fá myndir með slatta viðkomandi hóps

Eþíópíufarar í fyrri ferð hafa staðið mjög vel í skilum með staðfestingargjald og fyrstu greiðslu. Takk fyrir það. Bið þá í seinni ferð sem hafa ekki greitt staðfestingargjald að gera það og sjá til þess að aðrar greiðslur verði í góðu lagi. Allir eiga að hafa fengið áætlun og greiðsluplan fyrir þó nokkru.

Látum svo heyra frá okkur og sæl að sinni.

Ítrekun varðandi heimilisföng- og sitt lítið af hverju´- endilega finnið hópmyndir sem vantar

2011-08-28T10:27:00.000-07:00

Í þá gömlu góðu daga þegar Maher var frjáls og við gátum hópast til Sýrlands
Mynd Ásdís Ólafsdóttir

Nú vinnur ritnefndin að haustfréttabréfinu og mig langar að ítreka við ykkur að senda mér rétt heimilisföng. Einnig ef þið hafið fengið ný netföng.
Fréttabréfið verður bústið og girnilegt að venju, þar verður m.a. grein um sögu Afganistan, tölfræði ferðanna, smágrein um Eþíópíu, hugleiðing um Uzbekistanferð á vordögum og margt fleira.
Haustfundurinn er settur á 1.október og vinsamlegast takið daginn frá. Góður fyrirvari
Á linknum Þátttakendur í ferðum hef ég sett allar þær hópmyndir sem ég hef átt eða fengið lánaðar. Allmargar vantar og byggju einhverjir svo vel að eiga þær þætti mér afar vænt um að fá þær lánaðar í nokkra daga. Skoðið endilega hlekkinn. Þar má sjá hvaða myndir vantar. Vantar til dæmis mynd úr fyrri Ómanferð en hún var tekin og var fín en mér er ómögulegt að finna hana. Einnig vantar Sýrlands og Jemenmyndir. Kíkið endilega á þetta.

Ég hef fengið allmargar fyrirspurnir um þriðju Eþíópíuferð. Hún verður EKKI. Eins og ég hef sagt vonast ég til að ná þátttöku í Íranferð- ný dagskrá en auðvitað farið til Isfahan, en það verður síðasta ferðin.
Það er gerlegt að mjaka 2 í seinni Eþíópíuferð og nokkrir eru á biðlista í fyrri ferð.

Einnig hef ég fengið fyrirspurnir um Ómanferð en ætla ekki að plana neitt slíkt. Þær ferðir hafa verið nokkuð dýrar og ég tek Íran framyfir enda gekk nokkuð brösuglega að fylla þessar tvær Ómanferðir sem voru farnar.

Það er hætt við að bið verði á því að efnt verði í hópferðir á margar þær slóðir Arabaheimsins sem við höfum ferðast um eins og að drekka vatn. Það er hörumung til þess að vita hvað þar gerist þessar vikurnar og það er mikil einföldun og barnaskapur að ímynda sér að allt falli í ljúfa löð og málin leysist um leið og einræðismönnum hefur verið ýtt úr sessi. Margir virðast ætla að svo sé. En málið er miklu flóknara eftir átök síðustu mánaða.

Við getum vissulega kæst yfir því að hafa sótt þessa merku staði heim meðan allt var öruggt og þar sem ég komst nú ekki til Jemen fyrir Uzbekistanferðina vona ég enn að það takist eftir Íranferð í október. Oft hefur verið þörf að styðja krakkana í Jemen en nú beinlínis nauðsyn. Á meðan málin eru jafn óskýr og raun ber vitni um nú hef ég þó ekki haft samband við stuðningsmenn. Kunningjar mínir í Sanaa segja að enn sé ekki ljóst hvort skólar taki til starfa þar með eðlilegum hætti í haust og börnin luku ekki vorprófum.

En vinsamlegast munið að senda mér rétt heimilisföng. Það kostar sitt að pósta þau og magur félagssjóður VIMA hefur ekki efni á að borga undir fréttabréf sem síðan komast ekki til skila.

Hvað hefur komið yfir Basjar Assad? Fullfljótt virðist að fagna falli Gaddafis

2011-08-25T04:35:00.000-07:00

Svo virðist sem ekki gangi enn að hafa hemil á grimmd og miskunnarleysi sýrlenska hersins hvað sem líður fögrum orðum sem Basjar Assad forseti lætur frá sér fara.

Ýmsir ráðamenn svo sem framkvæmdastjóri Sameinuðu þjóðanna Ban Kie Munh ræddi við hann á dögunum og Assad lofaði öllu fögru og sagði að nú sæist sem betur fer fyrir endann á þessum ósköpum. Hann hét einnig að þeim sem hefði verið hnepptir í varðhald vegna mótmæla yrði sleppt án frekari málalengina og að skriðdrekar sínir og hermenn yrðu dregnir tafarlaust til baka.

Þetta var í lok síðustu viku. Það hefur ekkert gott gerst síðan. Basjar Assad heldur uppteknum hætti og líf er murrkað út mótmælendum og jafnvel fara hermenn húsi úr húsi og handtaka menn.

Í aðalhafnarborg Sýrlands, Latakia var jafnvel skotið af sjó á borgina og mörg hundruð "óeirðaseggjum" var safnað saman á íþróttavelli undir eftirliti hermanna og hefur raunar ekki verið fylgt eftir í fréttum hverjar lyktir urðu á því máli.

Flóttamannabúðir Palestínumanna eru við Latakia eins og víðar í Sýrlandi og um tíma virtist hernum sérlega uppsigað við þá svo flóttamennirnir urðu að taka til fótanna og flýja- þótt mér sé raunar ekki ljóst hvert þeir hafa getað flúið eins og ástandið er þarna allt um kring.

Her hefur enn á ný lamið á mótmælendum í borginni Deir es Sour skammt frá landamærunum við Írak, og í Homs og Hama eru stöðugar óeirðir með tilheyrandi manndrápum.

Enginn veit hversu margir hafa verið drepnir, talað um 2.200 manns en mér finnst líklegt að sú tala sé miklu hærri, þúsundir hafa verið handteknar og mörg þúsund manns eru á flótta vítt og breitt um landið en hundeltir af hersveitum Assads.

Evrópusambandið hefur sett harðari refsiaðgerðir á Sýrland m.a. varðandi olíu- sem er raunar ekki flóandi í þessu landi- en allt kemur fyrir ekki. Forystumenn Evrópuríkja hafa reynt að tala við Assad. Hann er mjúkmáll og vinalegur og að símtalinu loknu fara skriðdrekar hans og drápstæki enn af stað og ráðast gegn mótmælendum.

Það er óhugnanlegra að fylgjast með framvindu mála í Sýrlandi en annars staðar á svæðinu. Vegna þess að ekkert að þessu þurfti að gerast. Þegar menn byrjuðu að safnast saman voru engin raunveruleg mótmæli gegn Assad í gangi. Menn vildu eiginlega bara taka þátt í að láta forsetann vita að gott væri nú að hann hraðaði þeim umbótum sem hann hefur sannanlega unnið að þennan áratug sem hann hefur setið að völdum.
Menn veifuðu myndum af honum og sýrlenska fánanum og lýstu yfir stuðningi við forsetann en vildi hann sem sagt gjöra svo vel. Þetta fór allt fram með friði.

En Basjar Assad og menn hans virðast hafa fyllst ofsóknaræði og skelfingu; í stað þess að bregðast við af yfirvegum og skynsemi. Þar með fór sem fór.

Basjar Assad á sér ekki viðreisnar von úr þessu. En það er afar vandséð hvernig þetta muni enda. Hann á sér ekki lengur bandamenn innan Arabaheimsins. Og hann heldur áfram að drepa landa sína og ofsækja. Og virðist ekki depla auga.

Hvað hefur eiginlega komið yfir Basjar Assad? Þennan hófsemdarmann og stillingarljós sem virtist vilja nútímavæða Sýrland og í sátt við sitt fólk

Fjölmiðlar voru skjótir til að lýsa yfir uppgjöf Gaddafis. Þegar þetta er skrifað er enn barist í Líbíu og m.a. í höfuðborginni Tripoli. Gaddafi finnst ekki, sonurinn Saif al Islam sem sagður var í haldi uppreisnarmanna kom fram á dögunum, og lýsti yfir að þetta væri allt í góðu lagi og faðir hans hefði völdin.

Stjórnir ýmissa landa viðurkenna uppreisnarmenn sem lögmæta stjórnendur og það finnst mér afar sérkennilegt því í reynd er ekki vitað nema að takmörkuðu leyti hverjir þeir eru. Leiðtogar þeirra eru þegar farnir að stríða um völdin innbyrðis og það verður bara vatn á myllu Gaddafis og þeirra sem enn styðja hann.

Og séu menn svo einfaldir að trúa því að það eitt að koma Gaddafi frá leysi mál Líbíu eru þeir á villigötum. Það tekur eitthvað við ef og þegar hann fer í alvörunni. Og við höfum ekki grænan grun um hvað það verður.

Bandaríkjamenn voru ásakaðir fyrir að hafa ekkert plan B til reiðu eftir að í ljós kom að Írakar voru ekkert sérlega lukkulegir með innrásina 2003. Síðan hefur allt logað í illdeilum í Írak og Bandaríkjamenn segjast nú vera á förum þaðan. Skilja eftir sundraða þjóð og eyðilagða. Menn eru drepnir í Írak á degi hverjum. Það er ekki lengur fréttnæmt og framtíðin í því landi algerlega óráðin gáta. En þeir náðu þó Saddam! Maður veit ekki hvort á að hlæja eða gráta.

Það er því ekki nóg að NATO varpi sprengjum á einhverja sem þeir telja vera liðsmenn Gaddafis í Líbíu og uppreisnarmenn nái golfvellinum sem Gaddafi hefur spilað golf á. Það gætu hafist hefndaraðgerðir og valdabarátta af hörkulegra taginu því enginn virðist í reynd vita hvað á að gera þegar Gaddafi hrökklast frá.

Hvorki Líbíumenn né Sýrlendingar hugsa út í hvað verði síðan. Og þar með getur blóðbaðið haldið áfram og ekki þokkalegra ástand komið upp en nú er í þessum tveimur löndum. Því er nú verr og miður.

Mæli með eþíópískum veitingastað á Flúðum

2011-08-20T08:53:00.000-07:00

Við gerðum okkur ferð í gær, föstudag, slúðurfélagskonurnar fjórar Edda Ragnarsdóttir, Guðlaug Pétursdóttir, Þóra Jónasdóttir og ég að Flúðum í gær. Erindið var að skoða nýjan eþópískan veitingastað sem hefur nýlega tekið til starfa. Stjórnandi þar er eþíópísk kona og íslenskur eiginmaður hennar.

Eftir þessa heimsókn og eftir að hafa bragðað á réttunum þykir mér sjálfsagt að hvetja ykkur til að koma þar við. Maturinn er ekta eþíópískur og ekki dýr. Við fengum okkur fjóra rétti og skiptumst á að smakka hjá hver annarri.

Stúlkan sem kom þessu á fót sagðist hafa búið hér í þrjú ár. Hún talar prýðisgóða íslensku og var elskuleg og gladdist að heyra að íslenskir hópar hygðust heimsækja landið hennar á næsta ári.

Fylgst með dæmigerðum kaffiuppáhellingi á veitingastaðnum Minilik á Flúðum.

Dagsetningar á seinni Eþíópíu breytast ekki - líklega blásin af Íran 2

2011-08-17T04:49:00.000-07:00

Góðan daginn öll.

Ætlaði bara að árétta að seinni Eþíópíuferðin verður 31.mars til 17.apr. 2012 eins og áformað var. Hafði hugsað mér að færa hana um nokkra daga en svo verður sem sagt ekki.
Athugið það.
Enn er hægt að fá pláss í þeirri ferð, sú fyrri er uppseld og fólk hefur sýnist mér greitt skilvíslega sitt staðfestingargjald. Takk fyrir það.

Hafði á prjónunum Íranferð í sept 2012 um norður og vesturhluta Írans vegna þess að margir virtust áhugasamir. Áætlun er tilbúin en nú vantar hins vegar þátttakendur, við þurfum að vera 20 til að verð haldist sem vit er í.
Það er langt í ferðina en mér heyrist samt vera hik á mörgum svo ég býst við að hún verði blásin af. Best að bíða samt aðeins. Málið er að geti ég ekki tilkynnt ferðaskrifstofunni um þetta fyrr en síðar gerist bara eitt: ferðin hækkar enn.

Nokkrir hafa staðfest að þeir komist ekki og aðrir eru hikandi. Bíð þó fram í ágústlok með að hætta við ferðina því þetta landsvæði sem farið er um í nýju áætluninni er öldungis heillandi. Þið látið frá ykkur heyra en sem stendur sýnist mér aðeins 6-8 ákveðnir.
Uzbekistanseptemberfarar búast senn til brottferðar og allt gott um það að segja.

Þá fer ég í Íranferð(okkar áætlun) í október fyrir Bændaferðir og er komin 25 manna þátttaka í hana. Mér skilst að í hana megi þó bæta við.

Ekki blæs byrlega í Jemen

Sennilega verður ekki af því að ég skutlist til Jemen eins og mig hafði langað til að gera í þessum mánuði. Hef reynt að hafa samband við kunningja þar en ástandið er mjög viðkvæmt og hefur ekki skánað eftir að forsetinn Ali Abdullah Saleh, sem hefur verið í læknismeðferð í Sádi Arabíu í tæpa 2 mánuði - segist nú ætla að snúa heim.

Þá brutust út óeirðir einn ganginn enn. Kunningjar mínir segja mér að eins og málin standa núna sé ekki búist við að skólahald verði með eðlilegum hætti og er það m.a. ástæðan fyrir því að við verðum að bíða um sinn með það að taka upp stuðning við krakkana þar.

Sýrland í loga
Þarf ekki að fara mörgum orðum um ástandið í Sýrlandi en þar virðast hörmungar engar endi taka og Basjar Assad forseti hefur klúðrað öllu svo gersamlega að þungbærara er en tárum taki.

Námskeið hjá Mími símennt í nóvember

Vil taka fram að Mímir símennt hefur beðið mig halda námskeið í nóvember um ástandið í Miðausturlöndum. Það verður 2ja kvölda námskeið. Þar verður lögð megináhersla á þá atburði sem hafa átt sér stað síðustu mánuði og reynt að ígrunda og greina það.
Einnig verður talað um stöðu kvenna, trúna og sögu 20.aldar í þessum heimshluta.
Hvet ykkur til að fylgjast með því þegar Mímir sendir frá sér bæklinginn sinn.

Líflegir Eþíópíufundir í gær

2011-08-07T04:04:00.001-07:00

Glaðlegir heimamenn
Mynd JK

Fundir í gær með Eþíópíuhópum voru líflegir og þó svo allmargir kæmust ekki af ýmsum og kannski nokkuð augljósum ástæðum var þetta verulega hressilegt. Við fengum okkur kaffi og te og mauluðum sætindi með, fórum yfir ferðaáætlun og allir fengu líka greiðsluplan til að þeir vissu hvenær á að borga. Bið alla að gera það skilvíslega og skv. þessum blöðum.
Þeim sem ekki komust en höfðu skrifað sig hef ég sent á imeili áætlun svo það ætti allt að vera í góðu standi.

Ekki má gleyma því að Gulla pé var mér til aðstoðar og hún lét disk sem ég fékk í Eþíópíu rúlla og menn höfðu augljóslega gaman að því að fylgjast með honum og fá nokkra hugmynd um þetta magnaða land sem Eþíópía er.

Vil taka fram að það eru pláss laus í seinni ferð og bið menn ákveða sig eins fljótt og verða má.

Uzbekistanfarar hittust í vikunni og fengu sína miða og allt á réttu róli þar og hópurinn virðist fínn og fullur tilhlökkunar.

Ég vil líka benda á að ég ætla ekki að hafa þriðju Eþíópíuferð. Smáhreyfing hefur verið á Íran ferð- ný áætlun- en fleiri þurfa að bætast við svo af verði. Sú ferð mundi að líkindum vera í september 2012 og að því búnu ætla ég að taka upp fyrri háttu og ferðast ein og taka ekki fleiri VIMA hópa. Þetta verður þá orðið harla gott.

Sigríður Ásgeirs lánaði mér Egyptalandsmyndina og læt skanna hana inn eftir helgi og bæta á þátttakendasíðuna. Ef einhverjir eiga hópmyndir úr ferðum Sýrland/Jórdanía vantar nokkrar slíkar. Þætti vænt um að fá þær lánaðar ef einhverjir luma á slíkum.

Þá veit ég að ritnefnd vinnur nú að undirbúningi fréttabréfs sem kemur út um miðjan sept og verður þar gott og fýsilegt efni. Bið menn endilega að láta vita um breytt heimilisföng og sömuleiðis er nauðsynlegt að fá rétt netföng

Haustfundur verður trúlega 1.okt. og þar höfum við fengið snjallan ræðumann.

Við erum öll ein fjölskylda

2011-08-04T16:42:00.000-07:00

Sælt verið fólkið
Mér finnst ástæða til að VIMA félagar lesi þetta og leggi málinu lið á einn eða annan hátt. Þetta er í grannlandi Eþíópíu sem tveir hópar munu heimsækja á næsta ári ef allt fer að líkum.

Hrafn Jökulsson, sonur minn sem áður stýrði Hróknum af skörungsskap hefur beðið mig að leita til ykkar. Þið gætuð kíkt við í ráðhúsinu og lagt eitthvað af mörkum, tekið skák eða sýnt samstöðu á einn eða annan hátt.

Við erum ein fjölskylda: Fjöldi þjóðkunnra Íslendinga tekur áskorun skákbarna sem safna fyrir börnin í Sómalíu
Margir þjóðkunnir Íslendingar ætla að taka áskorun skákbarnanna, sem um helgina munu tefla maraþon við gesti og gangandi í Ráðhúsinu og safna þannig sem notað verður til að bjarga sveltandi börnum í Sómalíu.

Kristjón K. Guðjónsson, sem hefur umsjón með gestalistanum í Ráðhúsinu, segir undirtektir frábærar. ,,Það vilja allir leggja sitt af mörkum, alveg burtséð frá skákkunnáttu. Yfirskrift söfnunarinnar er eitthvað sem allir Íslendingar geta skrifað undir: Við erum ein fjölskylda.“

Meðal þeirra sem ætla að spreyta sig á móti krökkunum í Ráðhúsinu um helgina eru Jón Gnarr borgarstjóri, Össur Skarphéðinsson utanríkisráðherra, Ísgerður Gunnarsdóttir leikkona, Bogi Ágústsson fréttamaður, Illugi Jökulsson blaðamaður, Þorgrímur Þráinsson rithöfundur, Bjarni Guðjónsson fyrirliði KR, Egill Ólafsson leikari og söngvari, Þorsteinn Guðmundsson leikari, Adolf Ingi Erlendsson fréttamaður, Gunnleifur Gunnleifsson markvörður, Ingibjörg Reynisdóttir leikkona, Hjörtur Hjartarson fréttamaður og liðsmaður ÍA, Andri Steinn útvarpsmaður, Geir Ólafsson söngvari, Snorri Ásmundsson listamaður, Friðrik Þór Friðriksson kvikmyndaleikstjóri og Siggi stormur.

Mótherjar krakkanna borga upphæð að eigin vali, sem rennur beint í söfnun Rauða kross Íslands vegna hinnar hræðilegu hungursneyðar í Sómalíu.

Samkvæmt upplýsingum frá Rauða krossinum notað verður allt framlag söfnunarinnar notað til að kaupa vítamínbætt hnetusmjör, sem er notað til að hjúkra alvarlega vannærðum börnum til heilbrigðis í Sómalíu.
Taflmaraþonið í Ráðhúsinu hefst klukkan 10 laugardaginn 6. ágúst og stendur til klukkan 18. Það heldur áfram á sunnudag, á sama tíma, og er það einlæg von íslensku skákkrakkanna að sem allra flestir leggi leið sína á maraþonið.
Skákakademía Reykjavíkur og Skáksamband standa að maraþoninu, en kjörorð Skákhreyfingarinnar er „Við erum ein fjölskylda“ og með maraþoninu í Ráðhúsinu vilja ungir liðsmenn skákgyðjunnar á Íslandi sýna börnum í Sómalíu stuðning í verki.

Verð er komið á Íranferð - nýja útgáfu

2011-07-21T08:29:00.000-07:00

Frá Kandóvanfjallahótelinu í samnefndum bæ

Eins og margsinnis hefur komið fram hafa allmargir látið í ljós áhuga á að skoða sig meira um í því magnaða landi, Íran, sem hefur- með fullri virðingu fyrir öðrum sem við höfum heimsótt þessi síðustu ár, orðið hvað eftirsóknarverðast.

Því hefur forstýra okkar og með leiðbeiningu Pezhmans Azizi, leiðsögumanns okkar nú búið til aðra Íranferð.
Þá er flogið um Kaupmannahöfn og Istanbul með Turkish Airways og lent í Tabriz og farið suður á bóginn. Farið er til Kandovan þar sem merkilegar hellamyndanir eru og hefur m.a. hótelið okkar verið hoggið inn í fjöllin, einnig er víða að sjá merkilegustu moskur með sinni einstæðu írönsku flísahefð, gerðar af einstöku listfengi, vagnlestastöðvar, stórfjölbreytt landslag og fleira og fleira. Við förum til Kermanshah, Zanjan þar sem þriðja stærsta hvelfing í heimi er, til Hamadan sem er meðal frægari borga Írans og síðan getum við vitaskuld ekki sleppt Isfahan, perlu Írans sem alla heillar.
Að svo búnu förum við keyrandi til Teheran og þar er mörg söfn að sjá og sum þeirra hefur ekki gefist tími til að skoða í fyrri ferðum.

Á fundinum í vor skrifuðu tólf sig áhugasama um þessa ferð og síðan hafa þrír bæst við. Til að verði af ferðinni þurfum við 20 manns. Auðvitað eru allir velkomnir, hvort sem þeir hafa farið til Írans áður eða nýir félagar. Það liggur í augum uppi.

Verð liggur nú fyrir og áætlunin er komin og ég fer yfir hana og birti hana eins fljótt og verða má.

Ætlunin er að fara í þessa ferð í september 2012 og því er augljóst að verð kann að hækka eitthvað. Eins og það lítur út nú er það 490 þúsund.
Það er gott verð, jafnvel þótt það hækki eitthvað.
Þetta er 14 daga ferð og innifalið í henni er:

Flug og allir skattar
Öll keyrsla í ferðinni
Gisting, miðað við tveggja manna herbergi
Morgunverður, hádegisverður og kvöldverður
Allar skoðunarferðir skv. ferðalýsingu
Aðgangseyrir á alla skoðunarstaði
Tips á flugvelli og á hótelum og veitingastöðum
Te, kaffi og kökur á ökuleiðum
Vatn

Ekki innifalið:
Vegabréfsáritun( en ég sé um það að venju og sendi vegabréf út þegar þar að kemur)
Tips til bílstjóranna og íranska leiðsögumannsins( 130 dollarar á mann, innheimti það einhvern fyrstu dagana)
Aukagjald fyrir eins manns herbergi(hef ekki upphæðina að svo stöddu)

Þó nokkuð langt sé í ferðina er aðkallandi að fólk láti mig vita um vilja til þátttöku hið allra fyrsta til að ég geti staðfest ferðina og greitt inn á hana svo að verð haldist tiltölulega lítið breytt. Óskað verður eftir að áhugasamir greiði staðfestingargjald í janúar n.k. eða fyrr.

Þeir sem skrifuðu sig á aðalfundi eru beðnir að staðfesta sig.

Minni á fundina
Vil svo minna á miðaafhendingarfundi með Uzbekistanförum og kynningarfundina um ferðirnar til Eþíópíu. Hef sent öllum upplýsingar þar um.

Hvernig væri að læra dálítið í landafræði - Íran 2 inn á síðuna seinni hluta vikunnar

2011-07-11T12:53:00.000-07:00

ATHUGIÐ AÐ EÞÍUÓPUFERDIR KOMNAR á HLEKKINN SINN- SJá til hægri á síðunni

Frá Eþíópíu

Mér datt í hug þegar ég fylgdist með fréttunum á RUV áðan að það væri sniðug hugmynd að taka á ný upp kennslu í landafræði: það var talað um ferlega þurrka í Austur-Afríku og sýndar myndir af Sómalíu, Kenya og Eþíópíu eins og þar væru alls staðar þurrkar sem hafa valdið ferlegu tjóni og stefnt þúsunda mannslífa, ekki síst kvenna og barna í voða.
Málið er: þurrkar hafa leikið hið stríðshrjáða land Sómalíu grimmt og fólk hefur í þúsundatali reynt að streyma yfir til Eþíópíu og Kenya til að bjargast af.

Þetta var villandi frétt því sem betur fer eru ekki þurrkar sem herja á Kenya og Eþíópíu. Bara hafa það bak við eyrað

Ekki er þetta svosem ný bóla og það vita allir félagarnir sem hafa farið í ferðir að menn rugla saman gerólíkum löndum, hvort sem er innan Arabalanda eða nágrannalanda þeirra. En ekki betra fyrir það.

Fyrsti hópurinn sem fór til Írans. Árið 2006 í lok febrúar. Síðan var farin önnur ferð um haustið og síðan hafa verið ein til tvær ferðir á ári og þótt Sýrland hafi enn vinninginn í ferðafjölda kemur Íran þar fast á hæla.

Ætla bara að segja ykkur að Íranáætlunin nýja, þ.e. um norður og vesturhluta landsins og endað í Isfahan mun trúlega koma inn á síðuna seinni hluta vikunnar.
Þá verður einnig sett fram hugmynd um hvenær hún verði og bráðabirgðaverð gefið upp.

En það má geta þess að þá er flogið til Tabritz í norðri, keyrt í suðurátt, m.a farið til Hamadan, Kermanshah og Zanzan og loks til Isfahan. Tólf manns hafa skrifað sig áhugasama í þessa ferð en við verðum að ná 20 svo af verði.
Í þessa ferð sýnist mér vera komnir fyrri Íranfarar sem lengi hafa sýnt hug á að fara aftur og sjá meira af þessu makalaust heillandi landi.
Ekki þarf þó að taka fram að allir eru velkomnir meðan húsrúm leyfir eins og þar stendur.

Allt er að verða klappað og klárt fyrir Uzbekistan í september, miðar tilbúnir o.s.frv. en ég býst við að halda fund til að afhenda ferðagögn strax eftir verslunarmannahelgi.
Sama dag býst ég við að efna í fund með fyrri Eþíópíuhópnum. Tekið skal fram að þar duttu tveir út svo ég get bætt við í hana.

"Boðið" til samræðna við Basjar í Sýrlandi- allt óljóst við endurkomu Saleh í Jemen

2011-07-10T04:26:00.000-07:00

Myndin þessi er frá föstudagsmótmælunum síðustu í Sýrlandi en þar hefur forsetinn nú boðað stjórnarandstöðuna til fundar til að ræða hvort unnt sé að ná samkomulagi um hvernig megi stilla til friðar í landinu þar sem allt hefur logað í mótmælum

Það er í mínum huga býsna kalhæðnislegt að boða "stjórnandstöðuna" til fundar þar sem engin opinber stjórnarandstaða hefur verið leyfð í landinu og því er mér hulin gáta hverjir mundu þora að koma til slíks fundar.
Basjar Assad forseti minntist á slíkar "samræður" í ræðu sem hann flutti 20.júní sl. Síðan hefur ekkert gerst þar til nú og mótmælin færast í aukana og breiðast út.

Herinn hefur heldur gefið í hvað varðar grimmd gagnvart þeim sem mótmæla, fært sig nær landamærum Tyrklands til að reyna að koma í veg fyrir að flóttamenn komist yfir landamærin, menn eru handteknir í þúsundatali og örlagarík mótmæli ´hafa brotist út í borginni Hama þar sem eina uppreisnin gegn föður hans, Hafez al Assad voru brotin á bak aftur 1982.
Íbúar í Hama hafa aldrei gleymt þeim atburðum í febrúar 1982 þegar vanbúnir uppreisnarmenn létu til skarar skríða og Hafez al Assad skipaði bróður sínum Rifat að berja hana niður. Grimmdin sem var sýnd þá situr enn í Hama búum enda talið að 25-30 þúsund manns hafi verið drepnir þegar sveitir Rifats komust loks til borgarinnar eftir að uppreisnarmenn höfðu staðið í þeim í meira en þrjár vikur.

Um þessa atburði þá fréttist ekki fyrr en nokkrum vikum eftir að þeir voru um garð gengnir. Blaðamenn fengu þá ekki að koma til borgarinnar lengi vel og meðal þeirra fyrstu var Thomas Friedman, bandarískur blaðamaður sem hafði aðsetur í Beirut og hefur lýst atburðarásinni og aðkomunni í bókinni " From Beirut to Jerusalem" og ég hef oft hvatt Sýrlandsfara til að kynna sér.

Nú er auðvitað öldin önnur hvað fjarskipti varðar og fréttaflutning og þó svo Sýrlandsstjórn banni fréttamönnum að koma til landsins og hafi nánar gætur á þeim sýrlensku blaðamönnum sem gætu reynt að segja frá atburðum. Samt hefur þetta frést út- sem betur fer- leyfi ég mér að segja.

Því var sérstaklega athyglisvert að íbúar hertu sig upp í að mótmæla nú og fengu þá svipaðar trakteringar og fyrir tæpum 30 árum.

En aftur að samræðufundinum svokallaða. Fréttamenn sem hafa verið í símasambandi við innfædda og fengið myndir af mótmælunum gegnum farsíma og þess háttar segjast hafa miklar efasemdir um gagnsemi fundarins. Hætt sé við að komi einhverjir verði þeir stuðningsmenn ríkisstjórnarinnar og ef einhverjar mæta sem eru grunaðir um andstöðu muni þeir einfaldlega verða handteknir og stungið í dýflissu ef þeir voga sér að anda út úr sér einhverju sem stjórninni er ekki þóknanlegt.

Því er vandséð hverju slíkur fundur- sem boðaður er í Damaskus getur skilað.
Það er mér líka óskiljanlegt að eftir ræðu forsetans 20.júní þar sem hann sló úr og í en lofaði sakaruppgjöf og öllu fögru auk umbóta í frelsisátt hefur harka hersins enn vaxið, menn eru drepnir miskunnarlaust enda fer að verða vandamál með fangelsispláss ef marka má fréttirnar.

Allt er þetta mikill harmleikur og ég hlýt að endurtaka það sem ég sagði í síðasta pistli. Annað hvort hefur forsetinn fyrir löngu misst öll völd og herinn leikur lausum hala undir stjórn, að því er sagt er, bróður hans Mahers sem alltaf hefur verið hinn versti yfir því að gamli Assad kaus Basjar til að verða eftirmann en ekki sig - nú ellegar Basjar Assad hefur á þessu rúmu tíu árum sem hann hefur setið á valdastóli, sýkst svo af valdagræðgi að hann tekur fullan þátt í þessum óhæfuverkum.

Það er mér líka nokkurt umhugsunarefni að talsmaður forsetans, rithöfundurinn Bouthainia Shaaban sem kom fram strax og mótmælin hófust í mars og sagði að forsetinn og stjórn hans mundu sýna skynsemi og skilning á kröfum og ekki beita ofbeldi- ja í henni hefur ekki heyrst síðan mótmælin færðust á alvarlegra stig.
Hún var jafnan kölluð til ef eitthvað var og þar sem hún nýtur mikillar virðingar og óumdeilanlegs trausts en nú virðist hún hafa gufað upp og aðrir koma fram þar sem manni þætti eðlilegt að talsmaður forsetans væri kvaddur til.

Einhverjir bjartsýnismenn segja samt að kannski skili þessi fundur einhverjum árangri. Það má auðvitað vona að svo verði en raunsæi slíkra vona er að mínum dómi afar hæpið.

Ali Abdullah Saleh forseti Jemens ávarpaði landa sína í sjónvarpi frá Sádi Arabíu á dögunum. Hann var nánast óþekkjanlegur, augljóslega stórskaddaður eftir árásina sem var gerð á forsetahöllina í Sanaa fyrir æðimörgum vikum. Hann var engu að síður kokhraustur nokkuð og sagði að uppreisnarmenn skildu ekkert hvað þeir væru að fara og allra síst vissu þeir hvað hann væri hlynntur frelsi og lýðræði.
Samt var eftirtektarvert að hann minntist ekki á hvenær hann kæmi heim þó áður hefði margsinnis verið sagt að hann kæmi heim einhvern næstu daga.
Hann minntist ekki á að hann mundi víkja.

Og nú eru stjórnmálaskýrendur farnir að bollaleggja um að Sádar ætli ekki að sleppa honum. Hann gæti þess vegna verið fangi stjórnarinnar í Sádi Arabíu.
Á meðan halda mótmæli í Jemen áfram af ákefð og fólk er farið að líða skort meiri en áður. Allt í kaldakoli og enginn virðist vita neitt í hausinn á sér hver ráði í landinu.
Andstæðingar forsetans fara í mótmælagöngur, margir hafa verið drepnir og margir hafa reynt að flýja en eiga ekki margra kosta völ. Sádar vilja ekki fá þá á sitt land, landamærin við Óman eru enn harðlokuð og eins og menn geta ímyndað sér hefur allt eðlilegt mannlíf gersamlega farið út í buskann. Skólar eru notaðir fyrir særða og flugsamgöngur við Jemen liggja niðri heilu dagana.

En þar sem Ali Abdullah Saleh var gengin í björg Bandaríkjamanna fyrir allnokkru er ekki ósennilegt að þeir skipi Sádum að halda Saleh og láta hann ekki snúa heim.

Hvað bíður síðan í þessu landi. Það er jafn óljóst og hvað verður í Sýrlandi.

Mun sumar koma að liðnu þessu örlagaríki vori?

2011-06-26T16:32:00.000-07:00

Gaddafi - vilja Vesturlönd nú allt í einu koma honum frá?

Það er óhjákvæmilegt annað en manni vefjist tunga um höfuð þegar fjalla skal um stöðu mála í Miðausturlöndum þessar vikurnar og mánuðina. Þar hafa gerst þvílíkir atburðir að þeir sem þekkja til þessa heimshluta eru fullir af sorg og reiði yfir því hvernig þar hefur verið haldið á málum og hvílíku ofbeldi alþýða manna hefur verið beitt.

Fyrir endann á hörmungunum sér ekki. Saleh forseti Jemen er spurningarmerki og gengst nú undir skurðaðgerðir í Sádi Arabíu. Engar áreiðanlegar fregnir eru af því hvort maðurinn er alvarlega skaddaður en reynt er af stuðningsmönnum hans að láta líta út fyrir að hann muni senn snúa heim og þá er helst að skilja að allt muni falla í ljúfa löð. Sem það gerir náttúrlega ekki. Of margt hræðilegt hefur orðið þar sem víðar annars staðar og nú er flest sem hnígur í þá átt að þeir sem berjast gegn forsetanum sjái að varaforsetanum Hadi er ekki treystandi.

Meðan þessu fer fram hafa Jemenar haldið áfram mótmælum. Skortur er farinn að gera vart við sig á ýmsum nauðsynjum. Menn hafa annað að gera en laga rafmagn og koma olíu til neytenda, vatn í Sanaa er meira vandamál en nokkru sinni áður.

Bandaríkjammenn og yfirborðskenndir sérfræðingar þar telja allt illt í Jemen megi rekja til Al Kaida þótt sannleikurinn sé að öllum líkindum sá að það mál, þjálfunarbúðir þeirra í suðrinu og að Jemen sé að verða gróðrarstía hryðjuverkamanna(og vel á minnst hryðjuverkamenn sem berjast þá gegn hverjum) er stórlega ýkt og notuð sem fyrirsláttur að einhverju verulegu leyti.

Stjórnarandstaða Isliah flokksins sem ég hafði satt að segja nokkuð góða trú á í byrjun virðist nú komin í hár saman og menn geta ekki náð neinu samkomulagi hvert þeir vilja að Jemen stefni, fari svo að forsetinn illræmdi snúi ekki heim aftur.

Í Sýrlandi gerast atburðir þyngri en tárum taki. Mín skoðun er sú að Basjar Assad hafi löngu misst völdin í hendur harðlínumanna og sé ekki lengur annað en strengjabrúða sem hangir þó á völdunum eins og hundur á roði. Skriðdrekum og þungvopnuðum hermönnum er beitt af fullkominni hörku nánast samtímis því að forsetinn flytur skrítna ræðu of lofar öllum sakaruppgjöf.

Basjar Assad hefur ekki manndóm í sér til að kveða upp úr með það að hans dagar séu liðnir og koma sér úr landi með örlitlum sóma, fólk flýr í þúsundatali yfir til Líbanons- sem telst nú varla það klókasta því armur Sýrlendinga nær til þeirra þar- og aukin heldur eru Sýrlendingar ekki eftirlæti Líbana- en þó einkum til Tyrklands og þá gæti allt farið í háaloft milli Tyrkja og Sýrlendinga því Tyrkir geta varla tekið endalaust til flóttamönnum.

Og í Líbíu hafa nú vesturlönd allt í einu greint frá því að þau vilji koma Gaddafi frá völdum! Og ekki nóg með það. Hann skal dreginn fyrir stríðsglæpadómstól. Það var ekki á áætlun þegar loftárásir NATO og Bandaríkjamanna hófust, þá átti aðeins að "vernda" óbreytta borgara, hvernig sem hinir hittnu og hnyttnu loftárásamenn ætluðu að þekkja í sundur óbreytta borgara og fylgismenn Gaddafis.

Bahrein má helst ekki tala um, þar sem Bandaríkjamenn hafa sína helstu flotastöð en vitað er að þar hefur verið barið miskunnarlaust á sjitum og þeir fangelsaðir í búntum.

En svo eru góðar fréttir innan um og saman við: Egyptar virðast ætla að komast frá sinni friðsömu byltingu með sóma og gleði og það er til eftirbreytni. Nokkur vafi leikur á um framtíð Túnis, að minnsta kosti er flótti þar stöðugur og þá einkum yfir til Ítalíu og Frakklands og Spánar.

Mohammed Marokkókóngur hefur sýnt klókindi og stjórnkænsku og lofað umbótum og að hann afsali sér góðum hluta valda sinna ef það mætti verða til að verulegur eldar kviknuðu ekki þar. Það er lofsvert svo fremi við það verði staðið.

Enn er Alsír tiltölulega rólegt og Jórdanía hefur hemil á sínu fólki, ekki með harðræði heldur með því að kóngur hefur sýnt stillingu og yfirvegun.

En þrjú lönd, Líbía, Sýrland og Jemen standa í loga. Hver verður þróunin þar?
Menn tala um arabíska vorið og vissulega var þörf á margvíslegum umbótum, frelsi, auknum mannréttingum osfrv.
En spurningin er líka: Hvað mun fylgja í kjölfarið. Hverjir verða til að taka við?

Og hvernig leysa Írakar svo sín mál? Þar gerast skelfilegir viðburðir dag hvern sem hafa gersamlega fallið í skuggann. Þó nokkrir tugir Íraka deyi á hverjum degi er það ekki lengur fréttaefni.

Því er það þessi spurning sem brennur á flestum: Að loknu þessu arabíska vori sem er orðin klisja í vestrænum fjölmiðlum - kemur þá sumar að því liðnu?

Er þátttaka í þriðju ferð til Eþíópíu?

2011-06-11T06:54:00.000-07:00

Eþíópíuferðir eru báðar fullskipaðar og enn berast fyrirspurnir. Því væri fróðlegt að vita hvort áhugi er á þeirri þriðju.
Vinsamlegast hafið samband við mig á jemen@simnet.is og þá kæmi vel til greina að athuga það.

Eins og áður hefur verið tekið fram verður miðaafhending til Uzbekistanfara upp úr næstu mánaðamótum og um svipað leyti fundur með þeim sem fara í Eþíópíuferð í febr.
Þar verður lögð fram ítarleg áætlun og rabbað um bólusetningar, greiðsluáætlun kynnt og fleira.

Á hinn bóginn þarf ég að fá að heyra frá ykkur varðandi málið sem fyrst

Dagsetningar komnar á báðar ferðirnar

2011-06-03T00:53:00.001-07:00

Á kátum ættbálkamarkaði skammt frá Konsó

Sæl og blessuð öll

Vil hér með láta ykkur vita að dagsetningar eru komnar á báðar ferðirnar til Eþíópíu.
´
Hef þegar sett inn á síðuna dagsetningar við áætlunina.
Fyrri ferðin hefst sum sé 25.febr.(komið til Addis að morgni 26.febr) og heimför laust eftir miðnætti 13.mars.

Seinni ferðin hefst 31.mars(komið til Addis að morgni 1.apr) og heimför einnig laust eftir miðnætti 17.apr.
Komið til Íslands í báðum ferðum síðdegis þá daga.

Það er tæknilegur möguleiki á að bæta við tveimur í fyrri ferð og fjórum í seinni ferð. Tveir í seinni ferð eru með spurningarmerki. Enn eru fáeinir sem ekki hafa sent svör og hlýt ég senn að líta svo á að viðkomandi hafi ekki tök á ferðinni. Samt er alltaf viðkunnarlegra að láta vita. Það auðveldar málin.

Eins manns herbergi í Eþíópíu verður um 390 dollarar. Það borgist í íslensku en ekki fyrr en með síðustu greiðslu.

Vona að þetta henti öllum vel. Má taka fram í leiðinni að við verðum í Addis á páskadag og þeir sem svo kjósa geta þá farið í páskamessu.

Mun hafa fund með báðum hópum(sitt í hvoru lagi að sönnu) seinna í sumar. Þá verður lögð fram nákvæm áætlun, greiðsluplan og þess háttar.
Þá verða einnig ræddar hugsanlegar bólusetningar v/Eþíópíu og alls konar praktisk mál sem er gott að hafa á hreinu. Læt ykkur fylgjast með því.

Uzbekistanferðin í september
nálgast óðfluga og óska eindregið eftir því að menn greiði nú næst síðustu greiðsluna. Sumir hafa gert það og takk fyrir það.
Eins manns herbergi er 250 dollarar og óskast greitt með síðustu greiðslu( í íslenskum krónum og inn á ferðareikninginn eins og margorft hefur verið talað um)

Gjöra svo vel og láta það ekki ekki dragast að borga júní greiðsluna í dag eða í síðasta lagi á mánudag. Tveir hafa ekki borgað áritunargjöldin sem eru 60 dollarar(greiðist í íslensku). Bið um að það verði gert upp.

Fundur um ferðina verður ekki seinna en undir mánaðamót júní/júlí, ef til vill fyrr.
Vegna fyrirspurnar skal ítrekað að gisting og morgunverður í London á heimleið er innifalið. Hef ekki fengið upplýsingar um hvað þarf að borga fyrir eins manns herbergi þar en læt vita.

Myndakvöld Uzbekistanfara (aprílferðalanga)
Þær stöllur Gulla Pé og Margrét Árný hafa sent út imeil til Uzbekistanferðalanga í apríl vegna myndakvölds 7.júní. Vonast eftir því að þátttaka verði góð því hópurinn var fínn og ugglaust tekinn aragrúi góðra mynda. Gjörið svo vel og látið þær vita hið allra fyrsta um þátttöku.

Allt skólahald úr skorðum í Jemen

2011-05-31T04:51:00.000-07:00

Vegna fyrirspurna sem ég hef fengið varðandi börnin í Jemen tel ég rétt að segja ykkur það litla sem ég veit:

Ófriðurinn sem nálgast borgarastyrjöld með ógnarhraða hefur haft margvísleg og skelfileg áhrif. Skólahald barna hefur að mestu verið í lamasessi og ekki útlit fyrir að börn ljúki skólaárinu, þ.e. þau sem hafa stundað skóla.
Krakkar hafa tekið þátt í baráttunni gegn Ali Abdullah Saleh og sum verið drepin en mér er ekki kunnugt um hvort einhver "okkar barna" hafa látið lífið.

Fréttir eru mjög misvísandi um það en auðvitað er rétt að vona það besta.

Ég hef í hyggju enn að fara til Jemen í sumar, trúlega í júlí, ef um hægist en það er auðvitað óráðið og ekkert gagn að því nema maður telji að það skili einhverju.

Það er með ólíkindum hversu stuðningsmenn forsetans hafa komist upp með að láta hann hanga við völd þótt öll raunveruleg áhrif hans fari þverrandi og margir úr hans ættbálki og nánir samstarfsmenn hafi gengið í lið með uppreisnarmönnum.

Einhverra hluta vegna hefur afar lítið heyrst um Tawakool Kerman, blaðakonunnar sem í raun hrinti þessu öllu af stað og var í fararbroddi lengi vel. Sumir segja að hún sé í fangelsi og aðrir að ættbálkahöfðingjar hafi ýtt henni til hliðar og vilji síst að kona sé áberandi í andstöðunni.

Ýmsar tilraunir hafa verið gerðar til að koma á einhvers konar friði: Flóaríkin, Óman, Bahrein, Katar, Kúveit, Sameinuðu furstadæmin og Sádi Arabía hafa reynt að miðla málum= fá Saleh til að fara frá völdum, þar sem hann mun ekki njóta neins trausts héðan í frá. Sendimaður sambandsins kom til Jemen á dögunum og Saleh kvaðst tilbúinn að skrifa undir og fara frá. En hann virðist bara snúast eins og vindurinn og þegar undirskriftarathöfnin var tilbúin neitaði hann þverlega að fara og benti á að það mundi brjótast út styrjöld ef hann yfirgæfi þjóð sína í þrengingum. Þetta er í senn grátlegt og fáránlegt því auðvitað er borgarastyrjöld löngu skollin á þó menn hiki við að kalla óeirðirnar því nafni.

Hundruð ef ekki þúsundir manna hafa verið drepnir og öðrum er mokað inn í fangelsin og fréttir berast af pyndingum.

Allt er þetta með ólíkindum og þó ekki. Jemenar eru ekki færir að leysa sinn vanda af aðskiljanlegum ástæðum og ekki kæmi mér á óvart þótt Sádar stæðu í leyni á bak við forsetann- til dæmis með vopnasendingum og alls konar aðstoð. Sádum er að sumu leyti hagur í því að Jemen molni í frumeindir sínar og þá gætu Sádar komið eins og frelsandi englar, " stillt til friðar" og tekið völdin í landinu. Auðvitað er þetta ágiskun en hún er ekki eins fráleit og ýmsum kann að finnast.

Eþíópíuáætlun

2011-05-30T04:32:00.000-07:00

JK við fossa Bláu Nílar
Góðan sólardaginn

Hér kemur í öllum megindráttum áætlun til Eþíópíu. Hugsanlegar eru einhverjar breytingar eða lagfæringar síðar en þær verða ekki stórvægilegur.

Lögð áhersla á að fara ekki of geyst yfir og fá góða hvíld á milli. Margt að sjá og margs konar áhrif sem menn þurfa að melta og íhuga.

Ítreka að dagsetningar eru hér með settar inn á fyrri ferð en vantar á seinni. Ástæða þess er að við Yoseph forstjóri vorum að reyna að möndla þær svo ég gæti verið úti á milli þess að fyrri hópur fer heim og seinni hópur mæti á svæðið. Nú er útséð um að það takist.

Einnig þarf að reyna að ná réttum dögum v/innanlandsfluga, markaðsdaga í suðrinu svo og skikkanlegu verði. Eins og áður hefur komið fram verða páskar inni í seinni ferð.

1.dagur. 25.febr.Flogið með Icelandair til London í sídegisflugi. Farið yfir á terminal 3 og flogið með Ehhiopian Airlines til Addis Abeba. Þetta er mesta sómaflugfélag og prýðileg þjónusta um borð, kvöldverður og síðan morgunverður þegar við nálgumst áfangastað.

2.dagur 26.febr. Við komum til Bole alþjóðaflugvallarins í morgunsárið og þar er gengið frá vegabréfsáritunum og síðan keyrt rakleitt á hótelið. Það er ekki löng vegalengd.
Ætla má að menn séu lúnir eftir ferð og vilji leggja sig fram yfir hádegið.
Þá er skoðunarferð um Addis og farið í Þrenningardómkirkjuna sem er einstök í Afríku hvað arkitektúr varðar. Einnig á Merkato sem er stærsti útimarkaður í álfunni.

3. dagur. 27.febr Flogið til Bahirdar-ca 45 mínútur. Eftir að við höfum tjekkað inn á hótel og fengið morgunverð er farið að fossum Bláu Nílar. Þar skoðum við okkur um og borðum nestishádegisverð. Seinna um daginn skoðunarferð um Bahirdar sem er afar notalegur bær.

4.dagur. 28.febr Eftir morgunverð förum við í siglingu um Tanavatn til að vitja gamalla klaustra á URA eyju og ef til vill komið víðar við. Þetta er hið merkasta klaustur og skrautlegir íkonar prýða það.

5.dagur. 29.febr. Nú er flogið frá Bahirdar til Lalibela(ca 45 mínútur) og keyrt frá flugvelli æði spotta í fögru landslagi. Eftir að við höfum tjekkað inn skoðum við hinar einstöku ellefu kirkjur sem eru grafnar inn í fjöllin. Þær eru frá 12.öld og margir kalla þær 8. undur veraldar.

6.dagur 1.mars Eftir morgunverð skoðaðar þær kirkjur sem við komust ekki yfir að skoða. Síðdegis er verið í rólegheitum á hóteli og/eða menn skoða sig um í Lalibela.
Í flestum bæjanna eru sérstakar litlar verslanir sem kvennasamtökin hafa sett á laggirnar og gaman að kíkja inn þar.

7.dagur.2.mars Eftir morgunverð er flogið til Axum(45-50 mínútur) og eftir að við höfum tjekkað inn á hótelinu skoðum við okkur um í Axum.

Þar eru tignarlegir óbeliskar, leifar af kirkju heilagrar Maríu og í grenndinni er klaustur þar sem sagt er að boðorðin tíu séu geymd. Við skoðum leifar af höll drottningarinnar af Saba sem mun hafa átt hallir bæði hér og í Jemen. Einnig lítum við inn á fornleifasafnið og ofl.

8.dagur. 3.mars Nú er flogið aftur til Addis Abeba og frjáls tími.

9.dagur. 4.mars Eftir morgunverð er skoðunarferð um Addis, m.a. farið á Þjóðminjasafnið og Fornleifasafnið. Þetta er ósköp auðveldur dagur.

10. dagur. 5.mars Eftir morgunverð er lagt af stað (á jeppum) til Arbaminch um Omo dalinn og á leiðinni er farið á Zwayvatnið. Þarna er mikil fugladýrð fyrir áhugamenn um fugla og einnig heimsækjum við ættbálkana sem búa í suðrinu og skreyta sig eftir ákveðnum reglum. Gist þar

11.dagur. 6.mars Nú liggur leiðin til Jinka sem er bæði fjölbreytt og fögur. Við komuna þar tjekkum við inn á hótelinu og gistum í Jinka

12. dagur 7.mars. Eftir morgunverð förum við í Magoþjóðgarðinn þar sem Mursiættbálkurinn hefur aðsetur og konur skreyta sig með því að setja disk á neðri vörina. Við borðum nestishádegisverð í þjóðgarðinum og keyrum síðan aftur til Jinka og gistum þar.

13. dagur 8.mars Eftir morgunverð í Jinka er keyrt til Turmiþorpsins en þar býr Tsemay ættbálkurinn og þar gætum við séð einhvern skrautlegasta markað í Omodalnum. Þar býr Muruleættbálkurinn sem er einnig frægur fyrir líkamsskreytingar sínar.Gistum í Turmi

14.dagur 9.mars Nú er röðin komin að Karoættbálknum og skoðun í Omodalnum sem á varla nokkurn sinn líka vegna fegurðar í landslagi. Við gistum aftur í Turmi

15.dagur. 10.mars Keyrum aftur til Arbaminch og á leiðinni förum við gegnum Konsó en þar voru íslenskir kristniboðar við störf í mörg ár. Konsóættbálkurinn- einkum konurnar þekkjast strax af klæðaburði sínum - og þær hafa einnig getið sér orð fyrir að gera einstaka stallamyndun og rækta þar af kappi, meðan karlar taka því öllu rólega.
Við komuna til Arbaminch gistum við þar og borðum.

16.dagur 11.mars Við fljúgum til Addis um hádegis(klukkutímaflug) og förum á hótelið.
Um kvöldið er kveðjukvöldverður með danssýningu og fleiru skemmtilegu.

17. dagur. 12.mars Þessi dagur er frjáls en leiðsögumaður og fararstjóri verða innan seilingar. Mælt er með að menn leggi sig því við förum til flugvallar um kvöldið.Og síðan með Ethiopian Airlines til London um nóttina.

18.dagur. 13.mars Við komuna til London færum við okkur af Terminal 3 og á 1 og síðan er nokkurra klst. bið þar til Íslandsvélin fer heim kl 14.

Ég hef þegar sett inn hvað er innifalið í verði og hvað ekki.

Býst ekki við að það breytist að neinu ráði.
Þessi ferð sem er í rauninni tvíþætt- fyrri hlutinn á söguslóðum þar sem kirkjur og flest sem þeim tengist er í forgrunni.
Í seinni hlutanum skoðum við mannlíf, landslag og gróður og sjáum - ef heppnin er með alls konar dýr sem þarna hafast við.

Þegar nær dregur munum við ræða um bólusetningar ofl og hugsanlegt er að menn ættu að taka malaríutöflur fyrir ferðina. Allt slíkt er ekki tímabært að tala um nú.

Fyrri ferð upppöntuð

2011-05-27T09:23:00.001-07:00

Vildi láta ykkur vita að fyrri Eþíópíuferðin er upppöntuð en slatti af plássi í páskaferðinni.
Ég skrifa á biðlista í fyrri ferð ef óskað er en bið menn að láta frá sér heyra sem allra fyrst varðandi seinni ferð því þátttakendur fossa inn.

Fullbúin Eþíópíuáætlun sett inn á föstudag- vinsamleg ábending til Uzbekistanfara í sept

2011-05-26T06:04:00.000-07:00

Kaffiserímoníur í Eþíópíu hvort sem er í heimahúsum eða á veitingastöðum eru margbrotnar og skemmtilegt að fylgjast með hvernig kaffi er bruggað.

Um helgina set ég inn fullbúna, fullburða áætlun. Stend enn í samningaviðræðum um flugfargjöldin milli Eþíópíu og London.

Þegar hafa allmargir látið mig vita í hvora ferðina þeir vilja fara, þ.e. síðari hluta febr, í kringum 24.febr. og seinni ferðin er í mars/apr þannig að páskar ættu að nýtast.

Ég bið þá sem ekki hafa tilkynnt sig að láta mig endilega vita hvora ferðina þeir kjósa og vonast til að geta þar með orðið við því.

Uzbekistanfarar september muni að mánaðamót nálgast

Þar sem mánaðamót nálgast bið ég Uzbekistanfara í september að standa í skilum með greiðslu. Eins manns herbergi í þeirri ferð er sem svarar 250 dollarar og borgist í íslenskum krónum og inn á ferðareikninginn 342-13-551346 og kt 441004-2220. Nokkrir eiga ógreidda vegabréfsáritun.

Fundur verður væntanlega með Uzbekistanförum í júnímánuði til að afhenda miða og önnur ferðagögn. Ath að ferðin hækkar ekki þótt tveir dagar bætist við.

Eþíuáætlun er að verða tilbúin

2011-05-24T10:04:00.001-07:00

Húsakynni í suðrinu

Lucy er 3,5 milljón ára gömul. Eftirlíking af henni er á þjóðminjasafninu í Addis Abeba.

Kona af mursiættbálknum en skreytingar þeirra eru mjög sérstakar.
Ljósmyndir JK

Sæl öll

Eþíópíuáætlun er að verða tilbúin og eina sem ég bíð nú eftir er verð á flugfargjöldum frá London til Addis Abeba.

Áætlað er að ferðin standi í 16 eða 17 daga og verður trúlega undir lok febrúar.
Verði þátttaka þannig að ástæða sé til að efna í aðra ferð mundi hún að líkindum vera um páskana þ.e. í lok mars og fram í apr.

Í ferðinni ferður fyrst farið um norðurhlutann, flogið til Barhidar og skoðaðir hinir mikilfenglegu fossar Bláu Nílar, í siglingu út á Tanavatn og farið í sérstæða og gamla klausturbyggingu þar á eynni.

Flogið til Lalibela þar sem sex kirkjur frá 12. öld eru hoggnir inn í fjöllin, hreint ógleymanleg sjón.

Til Axum þar sem stórfenglegir óbeliskar eru og leifar má sjá af kirkju heilagrar Maríu og er þá aðeins fátt talið

Flogið til Addis og þá mætti nota tíma á Þjóðminjasafninu og skoða stærsta útimarkað Afríku, í dómkirkju heilagrar Maríu ofl.

Að svo búnu er haldið til suðurs þar sem landslagsfegurð og ættbálkadyrð ræður ríkjum og vonandi komust við til að fylgjast með mörkuðum innfæddra ofl ofl. Heimsótt lítil og litrík þorp heimamanna.

Í þessari ferð er gist á mjög þokkalegum hótelum, sumum betri en öðrum en eins og ég hef tekið fram skulu menn hafa það bak við bæði eyru að Eþíópía hefur ekki þróaða ferðaþjónustu en því hlýlegra er viðmót fólksins og á sér vart sinn líka.

Þar sem hótelpláss er sums staðar í litlu bæjunum takmarkað verður ekki unnt að taka fleiri en 25-27 í ferð. Nauðsynlegt að vita hverjir óska eftir eins manns herbergjum því sums staðar eru þau tiltölulega fá.

Ég get af eðlilegum ástæðum ekki sagt með vissu til um verð að svo komnu máli en býst við að það verði 450 þúsund kr. á mann.
Staðfestingjargjald er 50 þúsund kr.

Nauðsynlegt að vita sem fyrst hvort menn vilja fara í fyrri eða seinni ferð. Hugsanlegt þó að ekki sé alltaf hægt að verða við því.

Áætlað er að í verði verði eftirtalið innifalið
Flug til London-Addis Abeba-London-Keflavík.
Allt flug innanlands í Eþíópíu.
Allir skattar
Sigling á Tanavatni
Hálft fæði, þ.e. morgunverður og kvöldverður
Tveir nestishádegisverðir, (við fossa Bláu Nílar og í Wadiþjóðgarðinum í suðri)
Aðgangur að öllum stöðum sem heimsóttir eru
Öll keyrsla(rúta fyrir norðan en jeppar í suðri)
Tvær vatnsflöskur á dag
Danssýningar og kaffisiðasýningar
Þjórfé til burðarmanna á hótelum

Ekki innifalið
Vegabréfsáritun (líklega um 30 dollarar)
Þjórfé til aðalleiðsögumanns og bílstjóra
Myndatökugjald(margir þjóðflokkanna vilja fá smágreiðslu fyrir myndatöku og verður ekki undan því vikist ef menn taka myndir á annað borð)
Drykkir, áfengir eða óáfengir

TRYGGINGAR skulu menn bera fullkomna ábyrgð á sjálfir.

Menn athugi að vegabréf skulu skv. alþjóðareglum vera gild í sex mánuði eftir að ferð lýkur.

Þar sem margir hafa lýst áhuga á þessari ferð ákvað ég að setja þetta inn svo menn gætu íhugað málið en nákvæm áætlun verður sett inn á allra næstu dögum.

Einnig verður efnt til fundar með áhugasömum í júní n.k. ef mögulegt reynist.

Bið þá sem hafa tilkynnt um áhugasama kunningja/vini að láta þá vita af þessu og koma boðum til þeirra sem eru ekki með netfang.

Góðrar manneskju minnst

2011-05-21T04:56:00.000-07:00

Sá í blöðum við heimkomu frá Eþíópíu að góður VIMAfélagi og ferðavinur, Hólmfríður Björnsdóttir er fallinn frá og langar að minnast hennar með þessum fáu orðum og þakka þá samfylgd sem ég átti með henni.

Hólmfríði var ég samtíða í þremur ferðum VIMA, til Sýrlands og Jórdaníu, Írans og Egyptalands. Hún var fáguð heimskona, hlýr og notalegur ferðafélagi.

Mér kom hún einnig fyrir sjónir sem manneskja sem ýmislegt hefði reynt um dagana en kaus ekki að bera sín mál á torg. Hún reyndist mér elskuleg í ferð þegar ég þurfti um örskotsstund að finna öxl. Fyrir þá alúð sem hún sýndi verð ég ævinlega þakklát.

Við vorum ekki mikið kunnugar utan ferðanna en hún sótti fundi VIMA og var alltaf gleðiefni að hitta hana.

Mig langar að votta ættingjum hennar og öðrum þeim sem þótti vænt um hana samúðarkveðjur.

Eþíópía er ævintýri

2011-05-20T11:25:00.000-07:00

Sælt veri fólkið

Er nýkomin eftir tólf daga ferð um Eþíópíu sem var ævintýraleg í hvívetna og þykir sýnt að þangað eigum við að leggja leið okkar á næsta ári ef guð lofar.

Dagarnir voru vel notaðir, fór fyrst um norðurhluta landsins þar sem sögulegar minjar eru í búntum, kirkjur hoggnar inn í fjöllin, merkilegir óbeliskar, að fossum Bláu Nílar svo fátt eitt sé nefnt. Allmargir staðir á þessu svæði eru á heimsminjaskrá og verður afskaplega skiljanlegt þegar á staðina er komið.
Seinni hluta ferðarinnar skoðaði ég suðurhlutann með sínu litríka ættbálkalífi og verður sjálfsagt eftirminnilegust heimsóknin til mursiættbálksins sem hefur sérstæða útlits og skreytingarsiði og má deila um hvort þeir falla að fegurðarsmekk okkar.

Einstakt viðmót fólksins hvert sem farið var, landlagið svo stórkostlega fallegt að stundum stóð ég bara á öndinni og orð virtust fánýt til að tjá hugsun um allt það sem fyrir augu bar og eiginlega erfitt að átta sig á hvar á að byrja.

Um fimmtíu manns hafa skráð sig áhugasama í ferð á næsta ári og innan tíðar mun Jósef sá ágæti ferðastkrifstofunáungi senda mér fullbúna áætlun sem við reiknum með að fari í 16 dagar. Eþíópía er líka þannig land að það má ekki æða um of út og suður, áhrifin eru sterk og þau þarf að melta og framandi í meira lagi.

Þegar ég hef fengið þessa áætlun, þar sem m.a kemur fram verð og þessháttar hef ég samband við þessa áhugasömu og er trúlegt að þeir verði þá að vera nokkuð snarir í snúningum að ákveða sig. Einnig mætti svo sem hugsa sér tvær ferðir, rétt eins og við gerðum í Líbíu um árið.
Við Jósef ræddum um síðla febrúar og fram í mars en allt er það óákveðið enn og margt þarf að taka með í reikninginn.

Á hinn bóginn þurfa menn einnig að hafa hugfast að Eþíópía hefur ekki þróaða ferðaþjónustu og aðbúnaður er sums staðar ekki stórbrotinn enda varla stefnt á að fara til þessa lands til að lifa í lúxus og við vestræna háttu.

Það má gera ráð fyrir að til þess að skoða norðurhlutann verði flogið milli staða með því ágæta flugfélagi Ethiopian airlines en um suðrið verður aðallega farið á jeppum.

Á aðalfundinum um daginn skráðu sig allmargir og áður hafði hópur lýst áhuga svo ég bið um snör viðbrögð um leið og ég hef dagsetningar, verð og áætlanir á hreinu.

Eitt er bara alveg víst: maður kemur heim frá Eþíópíu ríkur af reynslu og hrifningu yfir því sem þar er hægt að upplifa. Þarna er Afríka eins og hún gerist sönnust. Svo mikið er víst.

Íran í norðri og vestri
Ég sagði frá því á aðalfundinum að margir hefðu hug á að skoða Íran ítarlegar og nú hef ég fengið nýja áætlun um norður og vesturhlutann. Um fimmtán manns hafa lýst áhuga en við verðum að vera a.mk. 25 til að verði úr því. Nú bauka ég næstu daga við þetta hvorttveggja og bið ykkur endilega að fylgjast með enda mun ég einnig hafa samband við þá sem hafa látið í ljós áhuga.
Íran er gríðarstórt og fjölbreytt og mér sýnist á þessari áætlun- þar sem ferðin hefst í Tabriz í norðri, farið til Hamadan, Zanzan, Kermanshah og víðar og endað í Isfahan að við gætum fengið æði glögga mynd af þessu landi sem hefur sannast að segja heillað íslenska ferðamenn okkar upp úr skónum.

Sýrlandsástand er lýsandi dæmi um þegar leiðtogi bregst

2011-05-07T03:41:00.001-07:00

Forsetahjónin í Sýrlandi

Sýrlenski fáninn

Það hefur verið þyngra en tárum tekur að fylgjast með atburðum á Arabíuskaganum og í Líbíu upp á síðastið. Og ekki sér fyrir endann á þessu enn.

Óbreyttir borgarar falla í hundraðatali og sveitir ráðamanna sýna hörku og grimmd sem mörgum var svo sem trúandi til. Völdin eru sæt og völdin spilla.

Það sem er að gerast í Sýrlandi þessar vikurnar er í senn átakanlegt og absúrd. Vegna þess að mótmælin þar beindust í fyrstu alls ekki gegn Basjar Assad forseta. Mælst var að vísu til að aflétt yrði illræmdum neyðarlögum sem hafa verið í gildi síðustu fimmtíu ár og heimila handtöku og fangelsisvist án þess að þurfi að leggja fram ákæru fyrr en eftir dúk og disk. Óánægja var einnig með óeðlilega athafnasemi leynilögreglunnar sem hefur mörg augu á hverjum fingri.

En í sjálfu sér voru mótmælin ekki gegn Assad. Öllu fremur að fólk lýsti stuðningi við hann og virtist treysta honum til að koma í framkvæmd þeim umbreytingum sem voru löngu nauðsynlegar. Og hann hafði sýnt áhuga á að gera- og var að framkvæma hægt og rólega.
Talskona hans, Bouthaina Shaaban kom fram opinberlega eftir að friðsamlegar aðgerðir hófust og sagði fullum fetum að forsetinn hygðist afnema neyðarlögin og koma á þeim umbótum sem kallað væri eftir. Hún boðaði ræðu forsetans innan nokkurra daga þar sem hann mundi greina frá þessu öllu saman.

Þetta sló á mótmæli og unga fólkið þyrptist út á götur og veifaði fánum og myndum af Assad og lýsti stuðningi við hann. Þetta leit allt nokkuð bærilega út.

Það dróst í tímann að Assad héldi ræðuna en loksins sté hann fram. Og ég get ekki neitað því að mér fannst ræðan bara bullumsull. Hann var með hálfkveðnar vísur varðandi umbæturnar, vantaði allan skörungsskap í málflutning hans og á mig virkaði tal hans eins og einhverjir hefðu gripið fram fyrir hendurnar á honum og hann hefði látið undan þrýstingi harðlínukallanna sem enn eru í kringum hann.

Hvar var ungi umbótaforsetinn sem ætlaði sér stóra hluti í lýðræðisátt fyrir tíu árum. Hann var víðs fjarri.

Og Sýrlendingar skynjuðu þetta líka og nú fór að draga til alvarlegra tíðinda. Í hverri borginni af annarri voru mótmæli og nú gegn Assad í stað þess að vera með honum.
Í stað þess að bregða við skjótt og sýna stjórnvisku og velvilja og samvinnu við landa sína dró hann lappirnar og loks þegar hann tilkynnti að hann ætlaði að afnema neyðarlögin var það um seinan.
Sýrland var sprungið í loft upp og Assad greip til þess óyndisúrræðis að senda skriðdreka og hermenn á vettvang og berja mótmælin niður af ólýsanlegri hörku svo minnti á aðgerðir föður hans í Hama 1984.

Sýrlenskar konur fóru óvopnaðar í mótmælagöngu - eins og hafði gerst fyrir mörgum árum þegar Frakkar réðu þessu svæði- þær voru stráfelldar þá og þær voru einnig drepnar nú. Erlendir blaðamenn voru handteknir, stjórnarandstæðinum smalað saman og hent í dýflissu.

Ég viðurkenni fúslega að þessir atburðir í Sýrlandi komu mér- og örugglega fleirum- í opna skjöldu og nú þegar þetta er skrifað hafa að minnsta kosti fimm hundruð óbreyttir borgarar verið drepnir vítt og breitt um landið. Trúlegra þó að þeir séu fleiri.
Það er ekkert lát á mótmælunum og ekkert lát á hörku Assads og hersins.
Það er ógerningur að spá um hvernig þetta endar- hvort Assad hrökklast frá eða hvort honum tekst að sitja í skjóli valds og miskunnarleysis.

En eitt er víst. Hann missti af tækifærinu. Hann glutraði því niður og upp frá þessu verður hann ekki sá forseti sem Sýrlendingar vonuðu svo innilega að hann yrði. Umbótasinnaður og skynsamur sem gæti leitt þjóðina með varfærni og visku á framtíðarbrautina.

Uppfærð Uzbekistanáætlun komin inn á hlekkinn sinn- er áhugi á norð og vesturhluta Írans

2011-05-03T08:36:00.000-07:00

Dansstúlka í Bukhara. Mynd JK

Bara að láta ykkur vita að uppfærð Uzbekistanáætlun fyrir septemberfólk er komin inn á hlekkinn sinn.
Þar kemur fram að við komum heim 24.sept en ekki 22. og fáum þar af leiðandi meiri tíma í Bukhara og Samarkand sem er eiginlega nauðsynlegt. Einnig bætist við að allar máltíðir eru nú innifaldar og hvorttveggja án þess verð hækki.
Við komum til London að kvöldi 23. sept og gistum þar af nóttina vegna þess að þá er Íslandsvélin að fara. Ágætt að slappa þar af eftir ferðina og byrja að jafna sig á tímamuni.
Enn er ekki ljóst hvort ég verð að rukka einhverja smáupphæð fyrir gistinguna í London en það verður þá í lágmarki, nema aukagjald er að sjálfsögðu fyrir eins manns herbergin.
Hvet ykkur til að kynna ykkur málin og prenta út áætlunina

Ný Íranáætlun vekur áhuga amk. minn
Hef fengið senda 15 daga nýja áætlun um norð og vesturhluta Írans, endað auðvitað með því að fara til Isfahan. Meðan ég hef ekki fengið flugleiðina og verð á henni ættu menn að íhuga málið og láta vita. Margir Íranfarar hafa sagt þeir hefðu hug á frekari skoðun á þessu stórkostlega landi og hér er því tækifærið.

Og Eþíópía til rannsóknar
Eins og ég hef sagt áður fer ég nú sunnudaginn 8.maí til Eþíópíu en rúmlega 40 manns hafa lýst sig áhugasama um ferð þangað og skýrist hvort og hvenær þegar ég kem heim.

Minni ykkur svo enn og aftur, Uzbekistanfarar á að borga á réttum tíma, senda mér ljósrit(tvö vantar enn) því ég þarf að koma plöggum út áður en ég fer til Eþíópíu.

Vonast til að sjá sem flesta á fundinum 7.maí en þar verður einmitt flutt erindi og myndasýning um Eþíópíu, að loknum aðalfundarstörfum.

Flottir Uzbekistanfarar við Registstan í Samarkand

2011-04-30T15:25:00.001-07:00

Hér er hin ágætasta hópmynd af hópnum sem fór í fyrstu Uzbekistanferðina.
Efsta röð frá vinstri:
Garðar Karlsson, Stanley Pálsson, Ágústa Hrefna Lárusdóttir, Sara Sigurðardóttir, Kjartan Rolf Árnson, Gísli B. Björnson, Rikharð Brynjólfsson, Guðmundur Pétursson, Hermann Hermannsson, Jón Helgi Hálfdanarson
Miðröð:
Jóhanna Jóhannsdóttir, Halla Guðmundsdóttir, Guðrún Jóhannsdóttir, Ásrún Baldvinsdóttir, Linda Hreggviðsdóttir, Guðrún Bjarnadóttir, Marjatta Ísberg, Arngrímur Ísberg, Auður Kristinsdóttir, Sesselja Bjarnadóttir, Sigríður Guðmundsdóttir, Jóna Einarsdóttir, Davlatsko Aminov(leiðsögumaður okkar)
Fremsta röð: Margrét Árný Halldórsdóttir, Jóhanna Kristjónsdóttir, Guðlaug Pétursdóttir, Lena M. Rist, Eyþór Björnsson

Einhverjir hafa kvartað undan því að Fréttabréfið hafi ekki borist. Það er auðvitað hið versta mál en gæti líka stafað af því að þið hafið breytt um heimilisfang. Vinsamlegast athugið það.

Blæs Palestínuferð í nóvember af þar sem aðeins örfáir hafa sýnt henni áhuga.

Aftur á móti er mikill áhugi á Eþíópíuferð sem enn er í lausu lofti og skýrist ekki fyrr en ég kem aftur.

Athugið að 1-2 sæti í seinni Uzbekistanferð í sept hafa losnað vegna skyndilegra forfalla.

Við erum út af fyrir sig nægilega mörg en má sem sagt bæta tveimur við.

Endilega munið maígreiðslu og passamyndir því ég þarf að senda allt út áður en ég fer til Eþíópíu eftir nákvæmlega viku.
Vonast svo til að sjá sem allra flesta á aðalfundinum 7.maí en að loknum aðalfundarstörfum mun Guðlaugur Gunnarsson sem hefur búið í mörg ár með fjölskyldu sinni þar gefa okkur innsýn í fjölbreytni, menningu og þjóðirnar.
Ekki sakar að nefna að nýir félagar og gestir eru velkomnir.

Uzbekistanliðið er mætt á heimaslóðir

2011-04-28T13:16:00.001-07:00

Þessi mynd er tekin í júlí sl og má sjá Davlat sem var gædinn minn þá og hópsins nú og Nasser bílstjóra

Við Uzbekistanfarar komum heim síðdegis og allt í góðu lagi og vel það. Þetta var afar samstilltur og skemmtilegur hópur, fannst mér og allir blönduðu geði við alla.

Eftir veruna í Ferghanadal var kveðjuveisla á sérdeilis skemmtilegum veitingastað í Tashkent þar sem foss fossaði með látum í grenndinni svo ég varð að bíða með það uns við komum á hótelið að flytja kveðjuræðu. Mæltist náttúrlega vel að venju. Sigga, Linda og Lena efndu í söng og hljóðfæraslátt fyrir ferðaskrifstofumennina og okkur. Rikhard mælti góð orð og færði Davlat gæd sem varð afar vinsæll hjá hópnum, gjöf og Guðmundur Pé flutti ræður á þremur tungumálum og fór létt með það.
Síðan afhenti þeir ROXANA menn hópnum skrautlegar gjafir, höfuðför sem gerðu mikla lukku.

Ég tel því óhætt að staðhæfa að þessi fyrsta Uzbekistanferð hafi lukkast afar vel og tilhlökkunarefni að fara þangað aftur í september. Nokkur ruglingur kom upp hjá úzbekisku ferðaskrifstofunni varðandi flugmiða en það verður bara brandari innan tíðar

Það var afar gaman að sjá alla þessa stórbrotnu sögustaði, velta fyrir sér nútímanum og íhuga hvað framtíðin ber í skauti sér fyrir þetta svæði.

Ferðin í haust er fullskipuð, ath það.

Má geta þess og þarf þó væntanlega ekki að fréttabréfið er komið út og hefur verið sent til félaga. Gluggaði í það í kvöld og finnst það öldungis fínt. Þar segir frá því hvernig mál standa í Jemen varðandi börnin sem við styrkjum, viðtal við Susan og Slaah frá Kúrdistan. Miðausturlandauppskrift, Vera Illugadóttir skrifar um Razi, fremsta lækni miðalda og einnig skrifar Vera um Palestínurapp. Guðmundur Pétursson er með grein um Uzbekistan og Hulda Waddel skrifa um sjia og súnníta og fleira mætti efna. Verulega girnilegt aflestrar og ritnefnd á hrós skilið.

Síðast en ekki síst er svo tilkynning um aðalfund VIMA þann 7.maí í Kornhlöðunni kl. 14 og að lknum aðalfundarstöfum mun Guðlaugur Gunnarsson tala um Eþíópíu, sýna myndir og spila tónlist. Við erum að íhuga ferð þangað sem mikill áhugi virðist vera á svo ég vænti þess að sem allra flestir sjái sér fært að mæta.

Þakka svo enn og aftur góðum ferðafélögum í Uzbekistan afar skemmtilegan samverutíma.

I fognudi i Ferghanadalnum

2011-04-25T09:16:00.000-07:00

Goda kvoldid
Vid komum til Ferghanadals i daga og eru allir mjog anaegdir enda er hopurinn jakvaedur og finn. Ferghana er gridarstor og thar eru fjolmorg misjafnlega stor thorp. Grodur mikill og Ferghana jafnan kallad ghjarta Uzbekistans.Leidin hingad er afskaplega falleg og vid gerdum nokkur stopp a leidinni til ad dast ad uytsyni undir tilkomumiklu og fa okkur tiudropa.
Nu vorum vid af koma af mjog daemigerdum veitingastad, thar voru thoddansar og laeti og allir skemmtu ser vid besta
Ibuafjoldi er einar 12 milljonir og ma kalla Ferghana sudupott, tvi her buja auk Uzbeka, Kyrgisar, Tajekistar, Koreumenn, gydingar ofl ofl.
Ferghana var i frettum i fyrra eda thegar okyrrd braust ut i nagrannalandinu Kyegistan og teygdi sig hingad. Nu er hins vegar allt med kyrrum kjorum.

A morgun munum vid skoda okkur um, fara a sofn, markadi og i fraega silkiverksmidju ofl. Vid gistum her adra nott.
Thad kaemi mer ekki a ovart thott thessir dagar her yrdu hapunktur frabaerrar ferdar sem fer nu mjog ad styttast i annan endann.

Her for hiti i dag i 32 stig og ogn rakara en annars stadar.
Allir bidja fyrir bestu kvedjur.

Gist i jurt, ulfaldareid og onnur aevintyri

2011-04-22T09:34:00.000-07:00

Saelt veri folkid
Vid erum her i Samarkand og vorum ad koma ur kvoldverdi hja henni fru Niginu sem byr i eldgomlu hefdarhusi sem er meira ad segja a fornminjaskra UNESCO. Thad vbar serstaklega notalegt og hun syndi okkur brudarmyndirnar sinar og vinur fjolskyldunnar lek a hljodfaerid taarr. Vid skenktum henni litla Islandsbok og allir afar gladir.

Fyrr i dag komum vid fra Yangzi Karzan en thar gistum vid i jurthusum sl nott. Thad var hin merkasta reynsla og adur hofdum vid etid og drukkid, setid vid vardeld og sungid enda godar songkonur i hopnum eins og td Lena, Linda og Sigga Gudmundsd og Rikard var forsongvari karla.

Jurtin eru afar frumstaed hus en thar voru dynur og saengur og ollu meira thurfgtum vid svosem ekki. Vaskar fundust og einn spegill. Eftirminnilegt kvold i alla stadi.
I morgun hopudust menn i ulfaldareid og skemmtu ser datt.

Ad loknum morgunverdi i budunum var stefnt til Aydar Kul vatnsins og thar logdust tjar hetjur til sunds i koldu vatninu, their Jon Helgi, Kjartan og Arngrimur. Svo toludum vid vid skjaldbokur og fugla og adur en vid logdum af stad til Samarkand snaeddum vi fisk ur vatninu og thotti vid haefi a fostudaginn langa

Thad er mjog ljuft vedur her, liklega um 26 stig eda adeins meira. A morgun verdur skodunarferd um helstu stadi her og vaentanlega rekum vid inn nefin i silkiverksmidju tvi thad er einstakloega gaman ad gera innkaup her i landi.
Allir bidja ad heilsa.

Gudmundur mun ekki sofa nakinn i eydimorkinni....

2011-04-20T21:59:00.000-07:00

Godan daginn og gledilegt sumar
Vid erum a seinni degi i Bukhara og leggjum bradum af stad upp i jurtalandid og sofum i slikum hysum naestu nott
Vid hofum skodad Bukhara af miklum ahuga, her eru grafhysi, moskur, gamlir skolar, gardar og litrikt mannlif i eiginlegum skilningi. Heillandi stadur Bukhara.
I gaerkvoldi voru menn a eigin vegum og lentu i adskiljanlegum aevintyrum, td vakti Rikhard mikla addaun med sinar trjar konur , Sessdelju,k Gudrunu magkonu sina og Audi vinkonu Gudrunar en thau foru i eitthvert hverfi thar sem engir utlendingar voru og voru bornar i thau veitingar til ad votta Rikhard addaun. Hann sagdi ad fjorda konan vaeri a hotelinu og hefdi ekki komist i bilinn. Sesselju var gefid blom af tvi huin var kona numer eitt.

Adrir bordudu a hoteli eda litlum stodum tvist og bast og voru allir sem eg hitti i gaerkvoldi anaegdir.

Einnig hofum vid skodad her kastalavirki borgarinnar og yms onnur merk minnismerki og er i sjalfu ser furdulegt hvad menn hafa verid roskir ad reisa ur rustum helstu stadi tvi thetta var meira og minna sprengt i loft upp i kringum 1920 thegar Stalin var ad seilast til ahrifa.
Tonlistarhatid verdur her i naesta manudi og er verid ad fegra og pussa hvarvetna. Hiti i gaer var 30 stig og ljuf gola.
Daginn adur komum vid keyrandi yfir Kiskumeydimorkina og var thad long keysla en vid styddum timann med ymsum skemmtilegheitum, Gudmundur P sagdi fra hinu fraega karakulfe sem flutt var til Islands af thessum slodum um eda upp ur 1930 og bar med ser maediveiki og adskiljanlegar pestir, Gudrun Halla sagdi sogu af tvi thegar hun stal hundi og Rikhard var med afar greinargoda frasogn af ferdum Marco Polo her adur fyrr. Auk thess sem vid Davlat spjolludum um hitt og annad.

I dag verdur sem sagt haldid a jurtslodir og eins ber ad nefna ad vid hofum gert toluverd kaup og er tho nog eftir af ferdinni enn svo buast ma vid ad fleira baetist i toskur.

Og er tha komid ad fyrirsogninni og skal hun skyrdi i faum ordum. Gudmundur pe gleymdi nattfotum sinum a hotelinu okkar i Tashkent og vid tjekkudum a tvi ad thau yrdu geymd thar til vid kaemum til baka. Theim Roxana monnumn fannst omogulegt ad vita af Gudmundi nattfatalausum svo sendur var bill a hotelid i Tashkent og ok hann sidan dagfari og nattfari hingad til Bukhara med sinn dyrmaeta nattfatafarm. I gaerkvoldi kom hann og nattforin i afangastad og er Gudmundur tvi hinn gladasti ad geta notad thau naestu nott. Annars hofdu konur bodist til ad ylja honum og thar sem fair trudu ad nattforin vaeru i alvoru a leidinni var hann ad ihuga hverja velja skyldi. Til thess kemur tho liklega ekki nuna.

Gisli og Lena fengu einstaklega fallega kvedju fra daetrum sinum i gaer sem hofdu bedid ferdafelaga fyrir gladning til theirra og kvedju. Svo thad er augljoslega til okkar hugsad

A morgun liggur svo leidin til Samarkand og tha skrifa eg liklega nesta pistil
Folk er allt i godum gir og allir senda kvedjur heim.

Vid erum i Uzbekistanvimu i Khiva

2011-04-18T04:27:00.000-07:00

Godan daginn oll somul
Timabaert ad lata fra ser heyra. Vid erum i Khiva og folk er i algerri daleidslu her i thessari einstoku borg sem ma med sanni kalla lifandi listasafn sem ollum sinum storkostlegu byggingum fra gamalli tid en inni i safnborginni dafnar katt mannlif sem vart a ser lika
Margir hafa haft a ordi i dag ad nu seu their komnir i alvoru og nu se Uzbekistan buid ad gagntaka tha,
Allir eru hressir og vid hofum att goda daga. Vorum a finu hoteli Tashkent Palace i hofudborginni og hittum tha sexmenningana sem komu kvoldid a undan og urdu fagnadarfundir. Ekki hafdi vaest um tha tvi farid var med thau i fjallaferd og stjanad vid thau.
A flugvelli gekk allt skikkanlega thratt fyrir ad skriffinnskubaknid her se aedi rikjandi og vid urdum kat ad hitta leidsogumanninn okkar Davlat sem var med mer i fyrra i rannsoknarferdinni og eg bad um ad fylgdi hopnum,
Fyrsta daginn var farid um hinn sogulega hluta Tashkent sem var frodlegt i betra lagi, a verkstaedi listamanna thar sem menn fylgdust med flinkum handverksmonnum ad storfum, Einnig a matvorumarkadinn og ondudum ad okkur kryddi, smokkudum a hunangi og skiptumst a gladlegum ordum vid Uzbeka og skildi hver annan tho tungumalid vaeri ekki hid sama.
Hlyja og 25 stiga hiti dro ekki ur anaegju. Ferdaskrifstofan baud i hadegisverd i haa sjonvarpsturninum og i gaerkvoldi var svo einstaklega godur kvoldverdur a einhverju fallegasta veitingahusinu i Tashkent Seddo thar sem hljomlistamenn leku fyrir okkur vid mikla anaegju.

I morgun var svo vaknad klukkan 4,30 til ad na flugi til Urgench og sidam keyrdir 35 km til Khiva. Vid buum a hreint undursamlegu hoteli i midri gomlu borginni og nu sem stendur eru allir ut og sudur enda endalaust ad skoda her.
A morgun forum vid svo til Bukhara thar sem vid verdum i tvaer naetur og er tilhlokkunarefni.
Eg a ad skila kaerri kvedju fra ollum i hopnum til sinna. Leyfi mer ad taka mer thad bessaleyfi ad misnota adstodu mina og senda Elisabetu sem atti afmaeli 16.apr. kvedjur.
Vonast til ad heyra fra ykkur en ohaett ad segja ad allir eru i sjounda himni.

Ferðin til Uzbekistan hefst senn- ný Íransáætlun- fréttabréf ofl

2011-04-13T10:16:00.000-07:00

Íranhópurinn febr/mars. Við hof eldsins í Jazd.
Hópurinn hittist sl. mánudag á myndakvöldi. Mjög góð þátttaka og framúrskarandi myndir. Áttum þar notalegt kvöld
Sjá nánar um nýja hugmynd hér fyrir neðan.

Dansstúlka frá Ferghanadal. Þar dveljum við í tvær nætur

Herbergi í hótelinu Sasha and son í Bukhara þar verðum við líka í tvær nætur

Á föstudagsmorguninn förum við áleiðis til Uzbekistan, 27 manns og verður spennandi að sjá hvernig þetta merka land kemur fólki fyrir augu og eyru. Þar eru minjar frá gömlum tíma og nútíminn er að bagsa við að halda innreið sína eftir Sovét.

Vegna þess að vandkvæði urðu með farmiða fara sex til London á föstudag og áfram til Tashkent um kvöldið. Þar verður tekið á móti þeim og þeim boðið í fjallaferð og huggulegheit af ferðaskrifstofunni.
Hinn hluti hópsins heldur um Frankfurt, gistir þar og fer til Uzbekistan að morgni 16 en vegna tímamunar erum við varla komin fyrr en tíu um kvöldið.

Allir félagar hafa fengið sendar upplýsingar um hótel, ásamt símanúmerum svo þeir geta skilið það eftir svo vinir og ættingjar geti fylgst með ferðinni. Auk þess reyni ég eftir föngum að skrifa hér inn á síðuna eftir því sem ferðinni vindur fram

Mér sýnist sem þessi ferð bjóði upp á einstaklega fjölbreytilega upplifun, hvort sem er að skoða sig um í "leiktjöldum" Khiva og Bukhara, gista í jurt og fara inn í Ferghanadal sem er gróðursælasti hluti landsins ellegar vitja þeirrar sögufrægu Samarkand og skoða nútímaborgina Tashkent.

Vona að allir verði stundvísir og ég ætla að vera mætt úti á velli 5,15 og held að það sé mjög heppilegt að vera með góðan fyrirvara eins og alltaf.

Fréttabréfið væntanlegt og svo er aðalfundurinn á dagskrá 7.maí
Dóminik og hennar liðsmenn undirbúa nú Fréttabréfið af kappi, það kemur út seinni hluta apríl, fullt af spennandi efni sýnist mér.
Aðalfundur VIMA verður svo í Kornhlöðunni 7.maí kl 14 og þar verður að loknum aðalfundarstörfum fjallað um Eþíópíu sem kynni að verða hagstæður næsti áfangastaður VIMA-félaga, altjent er áhugi mikill á þeirri ferð. En ekki fyrr en 2012 enda er önnur Uzbekistanferð í september. Losnaði í henni eitt sæti eða tvö.

Eigum við að skoða aðra hluta Írans?
Einnig hefur ferðaskrifstofufólkið okkar í Íran stungið upp á að búa til nýja ferðaáætlun til Írans og þá yrði farið um norður og vesturhluta og endað í Isfahan. Það er allt á hugmyndastigi enn, læt ykkur fylgjast með.

Sæl að sinni

Íransmyndakvöld- göngur í Sýrlandi til stuðnings Assad- Eþíópía á aðalfundi

2011-03-29T06:12:00.000-07:00

Íranhópurinn við hús eldsins í Jazd. Vantar ljósmyndarann Hrafn Jökulsson á myndina en lengst til hægri er íranskur blaðamaður sem ræddi við mig um ferðina

Hef sent Íransförunum í febr/mars tilkynningu um myndakvöld og vonast til að þar verði góð þátttaka og menn streymi með myndir sínar. Vænti þess að menn tilkynni þátttöku hið allra fyrsta.
Hef pantað smárétt og kaffi og við ættum að geta átt ljúfa og notalega stund enda var hópurinn sérdeilis samstilltur. Það er einhvern veginn alltaf þannig í Íranferðunum.

Forsetahjón Sýrlands
Það er eftirtektarvert að nú eru hópgöngur um Sýrland, þvert og endilangt til stuðnings Assad forseta. Enda engum blöðum um það að fletta að öndvert við flesta aðra leiðtoga Arabíuskagans nýtur hann trausts unga fólksins.
Hann mun greina frá afléttingu neyðarlaganna sem hafa verið í gildi í hátt í 40 ár og með því er auðvitað linað á ótal mörgum höftum, svo sem banni við fjöldafundum ofl. Reikna má með að hann láti ríkisstjórnina víkja í dag og skal þá ný skipuð innan sólarhrings.

Það kom til verulegra átaka í hafnarborginni Latakia og bænum Deraa rétt við jórdönsku landamærin í sl viku en stjórnmálaskýendum bar saman um að þessar óeirðir hefðu verið sprottnar af öðrum hvötum en þeim sem hafa tröllriðið mörgum Arabalöndum síðustu vikur.

Trúlegt er að hann boði einnig að leyft verði að stofna alvörustjórnmálaflokka og stórlega verði linað á ritskoðun sem er löngu tímabært.
Verði neyðarlögunum aflétt er einnig sú hætta úr sögunni að handtökur án ákæra verði liðnar.
Basjar al Assad er klókur maður og framfarasinnaður og hefur sýnt það í þessi tíu ár sem hann hefur verið við stjórnvölinn í landinu að honum er í mun að færa Sýrland fram á við í flestu tilliti. Hann lét það í ljósi þegar hann tók við þó svo hann þyrfti nokkuð að hægja á breytingum þegar gömlu hagsmunaseggirnir sem höfðu hreiðrað um sig í skjóli föður hans risu gegn þeim.

Eþíópia

Við reiknum með að aðalfundur VIMA verði 7.maí n.k og þá verður að loknum aðalfundarstörfum rætt um Eþíópíu og sýndar myndir þaðan og flutt tónlist.
Mikill áhugi er á ferð þangað árið 2012 og ég fer í skoðunar og rannsóknarferð þangað 8.maí og mun síðan kynna ykkur niðurstöðu, hvernig verðlag er og fleira en ekki er vafi á því að margt fagurt er þar að skoða. Þið látið mig vita- margir hafa gert það þegar- og verður haft samband þegar ég kem heim aftur.

Svo líður að fyrstu ferðinni til Uzbekistan um miðjan apríl og annarri í september.Þær eru báðar fullskipaðar. Uzbekistanfarar í apríl hafa fengið bréf um hvenær hist verður til að afhenda miða ofl

Íranfararnir 2011 Upplýsingar um Uzbekistan. Og Basjar heldur ræðu senn

2011-03-27T06:17:00.000-07:00

Frá Samarkand
Nú fer að styttast í fyrstu ferð VIMA hóps til Uzbekistan. Við verðum 27 og er hópurinn vel skipaður að því er best verður séð.
Mun senda þáttakendum sérstaka tilkynningu á morgun eða hinn hvenær miðaafhending verður.
Þar sem ég hef einnig pantað rútu til að sækja hópinn á flugvöllinn í Frankfurt og fara með okkur á hótel og aftur til að flytja okkur út á völl læt ég vita um það samtímis hvað þarf að borga aukalega fyrir það. Menn geta greitt þá smáupphæð inn á ferðareikninginn 342 13 551346 og kt 441004-2220.

Forsetahjón Sýrlands

Bouthainia Shaaban, talsmaður Assads Sýrlandsforseta hefur greint svo frá að forsetinn muni ávarpa þjóðina síðdegis í dag til að segja frá þeim ráðstöfunum sem sýrlenska stjórnin hefur ákveðið að grípa til svo ekki fari allt úr böndum í landinu.
Óeirðir voru á föstudag og í gær og þá einkum í Latakia og Deraa en einnig kom til átaka í Damaskus.
Því er spáð að forsetinn muni lofa að fleiri pólitískir fangar verði látnir lausir- en það hefur lengi verið leiðinlegur blettur á Sýrlandi hversu áfjáð leynilögreglan er að handtaka menn fyrir litlar/engar sakir. Einnig að hann greini frá því að leyfð verði í alvöru að stofnaðir verði stjórnmálaflokkar sem fái að starfa í landinu, neyðarlögum sem hafa verið í gildi í áratugi verði aflétt ofl.

Það er mjög aðkallandi fyrir Basjar Assad að koma af hreinskilni fram við þjóðina til að hann haldi trausti manna. Ungt fólk virðist styðja hann í hrönnum en það er líka áfjátt í að breytingar verði gerðar á stirðnuðu stjórnarfari.

Þegar hann tók við árið 2000 sýndi hann vilja til að gera breytingar en það reyndist honum erfitt vegna þess hve hann sat uppi með hrúgu af gömlum kerfisköllum sem höfðu búið um sig í skjóli föðurins og vildu ekki missa spón úr aski sínum.

Íranhópurinn 2011. Myndin er tekin við Gerlistasafnið í Teheran.

Fremstra roð frá vinstri
Magdalena Sigurðardóttir, Þórhildur Hrafnsdóttir, Hrafnhildur Baldursdóttir, Jóhanna Kristjónsdóttir, Pezhman Azizi
Næsta röð: Hrafn Jökulsson, Margrét Snorradóttir, Bergljót Fatima Guðmundsdóttir, Guðrún Guðmundsdóttir, Ásrún Baldvinsdóttir, Kristín A. Sigurðurdóttir, Jökull I Elísabetarson, Rúnar Helgi Vignisson
Þriðja röð: Vilborg Sverrisdóttir, Ingibjörg Hulda Yngvadóttir, Ágústa Lárusdóttir, Sara Sigurðardóttir, Jóna Eggertsdóttir, Guðrún Eggertsdóttir, Margrét Ásbjarnardóttir, Guðmundur Sverrisson
Efsta röð Ásdís Kvaran Þorvaldsdóttir, Stanley Pálsson, Halldór Baldursson, Þorvaldur Kristjánsson, Guðrún Gauksdóttir, Ólafur Jóhannesson

Vonandi hafa menn nú sorterað myndir sínar og efnt verður til myndakvölds eins fljótt og unnt er.
Ferðin var ákaflega vel lukkuð, leyfi ég mér að segja.
Á myndakvöldinu verða einnig afhentar viðurkenningar fyrir ferðasögu og stjörnumerkjakeppni.

Gæti skýrst þegar líður á daginn hvaða atburðir eru raunverulega að gerast í Sýrlandi? Og vesenisgangur í Ali Abdullah Saleh eina ferðina enn

2011-03-25T03:25:00.000-07:00

Ali Abdullah Saleh, forseti Jemens hefur nú gefið út mjög þokukennda yfirlýsingu um að hann sé tilbúinn að stíga til hliðar og afsala sér völdum í hendur þeirra "sem hæfni hafa til þess að taka við" þó ekki sé það skilgreint nánar. Ekki var heldur nein tímasetning hjá forsetanum enda ættu menn nú að vera farnir að átta sig á því að slíkt er ekki sterkasta hlið Saleh sem amk tvívegis hefur tilkynnt að nú sé hann hættur og farinn en hefur síðan "látið undan þrýstingi þjóðarinnar" og boðið sig fram aftur.

Nú hefur þó harðnað á dalnum hjá Saleh eftir að ýmsir yfirmenn hersins hafa yfirgefið hann og hvetja jemenska undirmenn sína til að skjóta alls ekki á mótmælendur í dag. Búist er við mótmælum á næstu klukkutímum og mun þá reyna á hversu hlýðnir hermennirnir eru.

Á hinn bóginn er með öllu óklárt hver mundi taka við af Saleh því viðkomandi herforingjar sem hafa stungið af eru þrátt fyrir allt hluti gömlu valdaklíkunnar og óvíst að þeir njóti hylli fólksins í Jemen þó þeir hafi séð sér þann kost vænstan að láta forsetann róa.

Saleh hefur nú leitað til Sáda um að miðla málum (!) og jafnvel leggja til hver væri hæfur til að taka við. Það er eitthvað það vitlausasta sem ég hef lengi heyrt. Sádar eru illa séðir í Jemen éins og víða annars staðar. Margir eru þeir í landinu sem hafa ekki fyrirgefið Sádum er þeir ráku frá Sádi Arabíu milljón jemenska verkamenn, allslausa þegar Saleh lýsti yfir stuðningi við innrás Íraka í Kúveit 1990. Þeir komu heim í samfélag sem var á glóðum vegna sameiningar suðurs og norðurs sama árið.

Bouthainia Shaaban, talsmaður Basjars Assads forseta ávarpar fréttamenn í gær, fimmtudag

Það er nokkurn veginn augljóst að mótmælabylgjan í arabalöndunum hefur náð Sýrlandi en á hinn bóginn eru fréttir afskaplega misvísandi. Trúlegt er að það skýrist eftir föstudagsbænirnar á eftir hversu mikil alvara er í því sem þar gerist.

Mér sýnist samt næsta víst að óeirðirnar í bænum Deraa, skammt frá landamærunum í suðri við Jórdaníu, hafa haft djúp áhrif. Þar voru mótmælaaðgerðir, menn handteknir og hópur barna sem skrifaði skammaryrði um stjórnvöld. Krafist var pólitískra umbóta í landinu og sýrlenski herinn sendi tafarlaust liðsmenn á vettvang og reyndi að koma í veg fyrir að menn kæmust inn í bæinn. Vitað er með nokkurri vissu að 25-100 (öllu nákvæmari tölur liggja ekki fyrir) létu lífið eða slösuðust alvarlega. Aftur á móti eru fréttir ekki á einn veg um hvort það hafi verið herinn eða sýrslenskar leyniskyttur sem skutu á mótmælendur.

Mönnum virðist bera saman um að mótmælin í Sýrlandi séu af öðrum toga en sums staðar annars staðar. Það er ekki ungt fólk sem hingað til hefur þyrpst út á göturnar heldur fólk á miðjum aldri sem hefur fengið sig fullsatt að ritskoðun og atvinnuleysi sem mótmælir.
Ungt fólk hefur fram að þessu stutt forsetann og virðist trúa því að hann hafi á undanförnum áratug reynt að efla frelsi í landinu miðað við þá harðstjórn sem menn bjuggu við á tímum föður hans, gamla Assads sem var illræmdur harðstjóri.

Sumir hafa þó rifjað upp atburðina í Hama 1984 þegar uppreisnartilraun var gerð í landinu og gamli Assad braut hana á bak aftur af óhemju mikilli hörku og tugþúsundir manna létu lífið.
Ólíklegt er að til slíks geti komið. Þá hafði gamli Assad möguleika á því að varna því að fréttir um þau voðaverk bærust út úr landinu fyrr en seint og um síðir. En nú eru aðrir tímar: Sýrland hefur verið að opnast og erlendir blaðamenn fá einnig að starfa þar og koma frá sér fréttum nánast að vild.

Bouthainia Shaaban, talsmaður forsetans og rithöfundur, ávarpaði erlenda blaðamenn í gær og sagði að alls konar óvinir Sýrlands hefðu átt upptökin að mótmælunum í Deraa og þeim yrði refsað hvar sem þeir næðust. Hún sagði einnig að börnunum sem handtekin voru fyrir veggjakrot hefði verið sleppt og sýrlenska stjórnin mundi grípa til ýmissa ráðstafana til að koma til móts við almenning, hvað varðar atvinnu og sömuleiðis yrði farið yfir mál pólitískra fanga og þeim sleppt sem hefðu sætt óviðunandi meðferð.

Ekki er víst að þetta dugi til en víst er þó að Bandaríkjamenn hafa verið fljótari að tjá sig um mótmælin í Sýrlandi en t.d. í Bahrein þar sem enn eru greinir með mönnum og ótal margir hafa horfið að því er fréttir herma.

Bandaríkjamönnum er ósárt um þótt menn rísi upp gegn Assad sem hefur verið þeim óþægur ljár í þúfu og verða Sýrlendingar að teljast eina ríkið í þessum heimshluta sem hafa verið sjálfir sér samkvæmir í því að standa gegn Bandaríkjamönnum að Ísraelum ógleymdum.

Trúlegt er að sýrlenska stjórnin hafi vanmetið að menn mundi standa með henni vegna þessa og sé að súpa seyðið af því nú: fólk í Sýrlandi krefst þess að pólitískir fangar verði látnir lausir og atvinnutækifæri fyrir ungt fólk verði sköpuð. Á hinn bóginn hefur Basjar Assad notið tiltrúar ungs fólks í meira mæli en víða annars staðar. Menn hafa gert sér grein fyrir því að Sýrland hefur búið við það stjórnarfar að það þolir ekki kollsteypu og að forsetinn hefur sýnt skynsemi í því hvernig hann hefur tekið á málum.

Samt er ekki víst að það dugi til. Sú mótmælabylgja sem hefur farið um þessi lönd og víðast hvar ekki að ástæðulausu hlaut að lenda á Sýrlandi fyrr eða síðar. Hvernig stjórnin vinnur úr þeim málum er enn óráðin gáta.

Ekki svo að skilja að ég styðji Gaddafi en flugbannið reynist vera árásir úr lofti og af sjó- og Saleh heldur áfram iðju sinni í Jemen

2011-03-21T01:10:00.000-07:00

Ég hélt í einfeldni minni að Vesturlandaþjóðirnar hefðu verið að tala um flugbann á Líbíu til að koma í veg fyrir að vopn og málaliðar kæmust til Líbíu til að berjast með Ghaddafi gegn uppreisnarmönnum. Oekki.
Það reynast þá vera meiriháttar aðgerðir og skotið á "hernaðarleg skotmörk" úr lofti og flugskeytum dúndrað af herskipum úti fyrir strönd Líbíu. Enginn þarf að segja mér hvað sem kynlegum yfirlýsingum þessara manna líður að óbreyttir borgarar falli ekki í þessum árásum. Skothittnininni hefur nú ekki alltaf verið fyrir að fara hjá þessum ofurvopnvæddu þjóðum.

Auk þess gekk nú satt að segja fram af mér þegar opinberir talsmenn lýstu því yfir að stefnan væri ekki að koma Ghaddafi frá eða skipta um stjórn í landinu. Þá spyr maður sig óhjákvæmilega hver hann sé. Eru menn þá bara í ógeðfelldum stríðsleik og þegar prófuð hafa verið fullkomin flugskeyti og nýjar sprengjur á þá bara að fara heim og láta Ghaddafi hefna sín í ró og mag á uppreisnarmönnum.

Þetta er líklega pólitík en tvískinningurinn er slíkur að mann setur hljóðan við þessi ferlegu tíðindi öll.

Eiturgasi sturtað á mótmælendur í Jemen

Ali Abdullah Saleh, forseti Jemens, hefur rekið ríkisstjórn sína- að vísu hafði bróðurpartur hennar sagt af sér í mótmælaskyni og krafist afsagnar forsetans. En mótmælaaðgerðir halda áfram og hafa verið um helgina í Sanaa, Taiz og Aden og kannski víðar.
Saleh tekur engum vettlingatökum á fólkinu og sprautar eiturgasi á mótmælendur og svo virðist sem jemenski herinn framfylgi öllum skipunum forsetans þótt einstaka hafa gengið í lið með uppreisnarhópunum.

Óljósar og misvísandi fréttir hafa borist til mín um að einhver af börnum sem við styðjum til loka þessa skólaárs hafi orðið fyrir slíkri eiturárás og m.a. stúlkan sem ég hef stutt síðan 2005. Hún mun vera á spítala og illa leikin. Einhver önnur börn hafa líka orðið fyrir líkamsmeiðingum en eiginlega ógerlegt að afla réttra upplýsinga þar sem ringulreiðin er mikil.

Og nú er boltinn farinn að rúlla í Sýrlandi
Enginn á Vesturlöndum mótmælir hernámi Sáda á Bahrein og er þar allt í voða.
Í Sýrlandi hafa verið mótmæli í bænum Daraa í suðurhluta landsins og þar hafa nokkrir fallið. Stjórnvöld í Damaskus hafa sent herlið þangað og reyna hvað þau geta að koma í veg fyrir að mótmælin breiðist út. Óljóst er hvernig það mun ganga.

En góðar fréttir frá Egyptalandi
Egyptar gengu að kjörborði um helgina og kusu um nýja stjórnarskrá. Þar virðist allt vera með sæmilegri kyrrð og vitað er að Egyptar reyna af alefli að veita aðstoð löndum sínum í Líbíu. Amr Moussa forseti Arabalandalagsins hefur hvatt til fundar Arabaríkja og hann hefur einnig sagt að Egyptar muni ekki taka þátt í hernaði gegn Líbíu.

Skelfingarnar í Jemen - umhugsunarvert "vopnahlé" í Líbíu

2011-03-18T08:11:00.000-07:00

Ali Abdullah Saleh, forseti Jemens
Skelfingar atburðir hafa gerst í Jemen í dag og hófust alvarleg mótmæli í Sanaa og breiddust síðar út, að loknum föstudagsbænum. Ali Abdullah Saleh, forseti, hefur sýnt firnamikla hörku og skipar liðsmönnum sínum að skjóta á óbreytta borgara sem hafa í frammi mótmæli.

Opinberar fréttir segja að um 20 manns hafi fallið en skv. samtali mínu við kunningja mína í Jemen núna áðan er álitið að hátt í 100 manns hafi verið drepnir og með öllu er óvíst um hversu margir hafa særst.
Saleh, hinn illa þokkaði forseti Jemens hefur lýst yfir neyðarlögum og hótar mótmælendum því versta.
Fyrir mótmælum hefur farið framarlega jemenska konan Tawakul Kerman en handtaka hennar fyrir nokkrum vikum var kveikjan að þessum mótmælum sem um hríð virust ætla að lognast út af en nú hafa Jemenar aldeilis látið að sér kveða.

Saleh hefur tilkynnt að allar byssur verði gerðar upptækar og það eitt er ærið verk í þessu dreifða landi þar sem nánast hver maður á Kalishnykov rifla

Eftir því sem heimildarmenn mínir segja hafa ættbálkahöfðingjar í austurhlutanum safnast saman og sögusagnir eru um að þær hyggist gera árás á olíustöðvar í grennd við Marib þar sem forðum daga sat drottningin af Saba.

Ættbálkahöfðingjar í norðurhlutanum þar sem oft hefur dregið til tíðinda munu einnig vera að undirbúa að komast til Sanaa og helstu bæja á leiðinni og mótmæla harðstjórn og illsku Saleh.
Stjórnarandstöðuflokkurinn Isliah hefur hvatt sína menn óspart að láta ekki deigan síga.

Fyrri hópur Íslendinga í Líbíu í október 2008

Er þetta málamyndavopnahlé í LíbíuÞegar tveir hópar Íslendinga voru í Líbíu í okt og fram í nóv 2008 var kyrrt í landinu og menn nutu dvalarinnar, hvort sem var í Tripoli, í Berbabænum Ghadames og í hinni frægu fornminjaborg Leftis Magna.

Auðfundið var að mikil þreyta var í mönnum gagnvart Gaddafi og fylgifiskum hans en sjálfsagt grunaði okkur ekki að þvílík tíðindi gerðust sem eru þar nú.

Gaddafi lét utanríkisráðherra sinn lýsa því yfir um leið og öryggisráð S.þ hafði samþykkt flugbann á Líbíu að hér með væri lýst yfir vopnahléi. Útlendingar í landinu væru öruggir og allt væri í mesta sóma.
En samtímis því er haldið áfram landhernaði af gífurlegri hörku og grimmd og menn telja tæpt að trúa orðum og Ghaddafis. Hann fær að vísu ekki öllu meiri aðstoð frá málaliðum í suðurhlutanum, en ekki skyldu menn heldur gleyma því að landamæri Líbíu eru gríðarlega löng og menn hafa alltaf átt auðvelt með að smygla sér yfir þau.

Það getur verið að Ghaddafi blási aðeins mæðinni um hríð en hæpið að leggja trúnað á orð hans. Það er miklu líklegra að hann finni leið til að ganga milli bols og höfuðs á uppreisnarmönnum. Þeir hafa einnig sagt að þeim finnist með ólíkindum að Ghaddafi muni nú bara setjast rólegur út í tjaldið sitt.
"Hann hefur einhver tromp upp í erminni. Hann murrkar lífið úr fólki í Tripoli án þess að mikið beri á og síðan ræðst hann aftur gegn okkur," sagði einn úr hópi þeirra sem er í Banghazi.
Ekki er heldur vitað til að hann hafi skipað hersveitum sínum að hörfa frá Benghazi og við öllu má búast af honum. Hvenær sem er.

Ókyrrð í Sádi Arabíu
Konungur Sádi Arabíu er einnig hugsi og áhyggjufullur því þar kom einnig til mótmæla í gær og dag. Hann hefur lýst vilja til að huga að umbótum. Það er eins gott hann bretti þá upp ermarnar og geri umbætur fyrr en síðar.

Fari blossinn um Sádi Arabíu er málið orðið alvarlegt, ekki síst vegna þeirra hagsmuna sem Bandaríkjamenn eiga þar að gæt og mikils vinskapar við ráðamenn þar á bæ.Að ekki sé nú minnst á olíuna.

Ísraelar kunna sér ekki læti
Og á meðan þessu öllu fer fram eru Ísraelar hinir glöðustu. Enginn skiptir sér af því þótt þeir haldi áfram ólöglegum landnemabyggðum á Vesturbakkanum, né heldur árásum á Gaza og önnur svæði Palestínumanna.

Lokaorrustan um Líbíu að hefjast og Ghaddafi virðist muni hrósa sigri

2011-03-17T06:10:00.000-07:00

Óman er það ríki Araba sem sjaldnast heyrist um og þar hefur allt verið með friði og spekt þó allt hafi logað í kring. Nú gerðist það hins vegar á dögunum amk tvívegis að efnt var til mótmæla og þótti ómanska lögreglan sýna mikla harðneskju.

Að vísu er ekki verið að mótmæla Kabúss soldán prívat og persónulega því hann nýtur mikils velvilja meðal Ómana. En menn vilja alvöru ritfrelsi, breytingar innan ríkisstjórnarinnar og númer eitt og tvö að bætt verði úr atvinnuleysi sem er mjög alvarlegt og mikið vandamál einkum meðal menntafólks í landinu.

Kyrrt er í augnablikinu í Bahrein en þar hafa Sádar hreiðrað um sig
Það hefur ekki linnt mótmælum í Bahrein að undanförnu fyrr en nú að sádiskt herlið hefur komið yfir brúna frá Sádi Arabíu til Bahrein. Sett hefur verið útgöngubann að sem stendur voga menn sér ekki út og vita sem er að Sádar muni ekki hika við að láta til skarar skríða gegn mótmælendum.

Það er varla nokkur vafi á því að Bandaríkjamenn hafa lagt blessun sína yfir þessa hernaðaraðgerð í Bahrein enda er þar stærsta flotastöð Bandaríkjamanna á svæðinu og miklir hagsmunir hins vestræna veldis í húfi.

Þar var sem sé ekki beðið jafn lengi með að berja á fólki og hefur tekið Öryggisráðið að rökræða um það hvort lítlát fólks skuli látið óátalið í Líbíu og dragi hver ályktun af því sem vill hvað veldur.

Muammar Ghaddafi hefur sýnt fáheyrða grimmd í að berja uppreisninga á bak aftur

Eftir öllum sólarmerkjum að dæma mun Muammar Ghaddafi, leiðtogi Líbíu hrósa sigri yfir uppreisnarmönnum þar í landi. Hver bærinn, hvert svæðið af öðru hefur fallið í hendur hersveita hans, meðan Öryggisráðið og S.þ. hafa ekki getað komið sér saman um hvort ætti að setja flugbann á Líbíu.
Ghaddafi hefur eins og áður hefur komið fram fengið vopn og málaliða í stórum stíl úr sunnarverðri Afríku til liðs og þeir hafa ekki hikað við að berja líbíska uppreisnarmenn á bak aftur.

Þegar þetta er skrifað mun það aðallega vera borgin Benghazi í austurhlutanum sem uppreisnarmenn hafa á valdi sínu en Ghaddafi hefur lýst því yfir af alkunnri kokhreysti að hann muni hafa náð henni á sitt vald fyrir morgundaginn.

Það er eins líklegt að svo verði. Þá gæti orðið mikið blóðbað því ekki er víst að allir uppreisnarmenn geti forðað sér og eftir því hvernig Ghaddafi og liðsmenn hans hafa tekið á málunum verður þeim örugglega ekki sýnd miskunn.

Ghaddafi hefur veitt nokkrum vestrænum blaðamönnum viðtöl þessar síðustu vikur og þeim sem hafa hitt hann þykir með ólíkindum að maðurinn skuli fá stuðning - þó keyptur sé- svo vitfirrtur og kolruglaður sem hann er.

Framtíð Líbíu er því í voða í augnablikinu. Það sem virtist fara af stað með leyfi mér að segja ákveðinni gleði að losna nú loks við þennan illræmda harðstjóra er orðið að hryllingi fyrir líbíska þjóð.

Hvað með Sýrland?
Þeir einstöku atburðir hafa gerst að mótmæli hafa orðið í stærstu borgum Sýrlands, Aleppo og Damaskus. Krafist er ritfrelsis og að pólitískir fangar verði látnir lausir og gamlir spilltir kallar sem sitja í valdastöðum síðan gamli Assad réð ríkjum verði látnir víkja.
Samkvæmt upplýsingum sem ég fékk frá Sýrlandi í morgun hafa mótmælin ekki verið neitt í ætt við byltingu - að minnsta kosti ekki enn sem komið er.

Íranhópur kominn heim

2011-03-13T11:50:00.000-07:00

Við erum nýlent heima eftir afskaplega ánægjulega Íranferð. Hópurinn var 26 manns og afar samstilltur og skemmtilegur eins og oftast er raunar.

Við lögðum af stað um tvöleytið í nótt til Teheranflugvallar eftir kveðjukvöldverð og huggulegheit á Laleh hóteli. Ég þakkaði ferðafélögum afar góðar samverustundir og Rúnar Helgi sagði elskuleg orð um ferðina. Mohammed bílstjóra og Pezhmann gæd voru færðar gjafir sem þeir glöddust yfir. Pezhman segir nú að hann hafi mikinn áhuga á Íslandsferð næsta sumar. Sjáum til með það og hef þá samband við alla þá sem hafa verið með í ferðunum þangað.

Í fyrrakvöld eftir komuna til Teheran var smáhátíð vegna Kristínar og Jökuls sem voru í sinni brúðkaupsferð. Pezhmann færði þeim gjöf frá Arg E Jedid, ferðaskrifsstofunni okkar, og hótelið bauð upp á veglega tertu.

Daginn okkar í Teheran var ákveðið samsæri í gangi: einhverjir hefðarkettir höfðu ákveðið að koma á sömu og stundu og við í Þjóðminjasafnið svo við fengum ekki inngöngu af öryggisástæðum og hreingerningarlið hafði gert innrás í Nýlistasafnið svo ekki sáum við það. En menn létu þetta hreint ekki slá sig út af laginu, fórum í teppasafnið og glerlistasafn, keyptum sætindi í búntum og Hrafn komst í skákgarðinn þar sem menn tefldu af kappi og Þorvaldur festi á filmu að Ísland vann Íran þar 3:0

Ferðin til Teheran var ansi vel lukkuð og smásagnakeppnin var svo glæsileg að vafist hefur fyrir dómnefndinni( sem er skipuð mér) að komast að niðurstöðu. Leiðin frá Isfahan til Teheran var bara virkilega fín því allir lögðu orð í belg.

Í Isfahan héldum við líka smáveislu til heiðurs Guðrúnu Guðm. sem verður fimmtug á næstunni og fór í þessa ferð með manni sínum í tilefni þessa. Við erum svo einstaklega veisluglöð er óhætt að segja.

En nú er gamanið búið í bili og best að bíða eftir sálinni. Svo hittist hópurinn þegar menn hafa sorterað sál og myndir. Læt menn vita um það og þakka mjög vel fyrir góða samveru í þessari ferð.

Mun einnig hafa samband við Uzbekistanfara n.k. apríl innan tíðar.

Fra okkur i Isfahan

2011-03-09T21:36:00.000-08:00

Sael oll
Vid erum a sidasta degi i Isfahan og nu buast menn til ad fara a bazarinn og heimsaekja teppadrenginam, smamyndalistamanninn og fleira adkallandi.
Allt hefur verid i soma og vid hofum skodad hinar fogru moskur her, Blau moskuna eda Imammoskuna, Lokatullahmosku, torgid sem er annad staersta i heimi, farid i armenska hverfid og fleira og fleira
Ohaett ad segja ad vid hofum haft nog ad gera thessa daga og menn eru afar hrifnir, heyrist mer. Thykir einnig folkid baedi her og annars stadar einstaklega blitt og ljuft og forvitid og finnst vid einstakar hetjur ad heimsaekja theirra land sem i fjolmidlum faer oft ovaegilega umfjollun.
I eftirmiddag i gaer komum vid um fjogurleytid heim a Asemanhotel eftir skodunarferd og margir foru tha i gonguferd medfram Lifgjafarfljotinu og thotti mikid til um gardana og eldgomlu bryrnar sem nu hafa allar verid gerdar ad gongubrum.
Thaer sogdu fra tvi Bergljot og Gudrun ad thegar thaer hofdu gengid naegju sina og aetludu ad snua vid og bidu vid gotu thar sem ljosid var a bilaumferd. Thegar umferdarloggan sa thessar utlensku hefdarkonur stokk hun ut a gotu og stjornadi af roggsemi og stodvadi bilaumferd svo thaer kaemust yfir gotuna.
Alls stadar maetum vid vidmoti a bord vid thetta.
Thad hefur verid nokkud erfitt fyrir mig ad komast i nothaefar tolvur svo thess vegna hef eg ekki skrifad eins oft og eg aetladi.
A kvoldin hofum vid bordad a undurfallegum stodum og matur her fellur folki vel i ged.

A morgun holdum vid svo aleidis til Teheran og a hefur verid efnt til ferdasogusamkeppni a leidinni auk thess sem vid Pezhman munum sjalfsagt leggja eitthvad bradspaklegt til mala.

Thad bidja allir kaerlega ad heilsa sinu folki-

A leid til Persepolis

2011-03-05T21:05:00.000-08:00

Godan dag og takk fyrir kvedjur
Hef ekki komist til ad skrifa of lengi og forlatid thad.
Erum her i Sjiraz a leid til Persepolis a eftir og menn hlakka til. I gaer var farid um Sjiraz, ad grafhysum skaldanna Hafezar og Saadi og menn dadust ad theirri fogru umgjord sem theim er buin og Pezhman utskyrdi skaldskap theirra eins og honum er lagid.
Farid var i speglagrafhysi Ali Hamsa thar sem konur sveipudu sig hvitu klaedi yfir allan annan buning, i truarskolann, fjolublau moskuna og sjalfsagt er eg ad gleyma einhverju.
Einnig var rannsoknarferd gegnum basarinn tvi vid bordudum hadegisverd i litlu veitingahusi thar.
Siddegis var svo verslunarleidangur en tho einkum til ad athuga verd og gaedi en ymsir plastpokar skutust med i rutuna.
Svolin i Jazd var vel lukkud i hvivetna og a leidinni thadan til Sjiraz skodudum vid Turn thagnarinnar tvi vid forum ofugan hring i thessari ferd af tvi vid fljugum ekki innanlands skv radleggingum.
Tvi attum vid Arnarfell og fjallafegurdina eftir og afram til Abarku ad dast ad hinu 4500 ara gamla sitrustre, vitjudum Sassan bonda og heimspekings og bordudum thar nesti okkar og hann syndi Lunddaelingum sem eru i ferdinni skepnur sinar og taekjabunad. Svo voru audvitad te og kaffistopp annad veifid.
Vid komuna til Sjiraz rakleitt a Parshotel og menn eru afar anaegdir med thann buskap.
I fyrramalid verdur svo haldid til Isfahan og thar gistum vid 4 naetur og ugglaust mun eg skrifa thadan tho mikid se ad gera.
Kvedjur i ykkar bai fra ykkur ollum

Iranfarar komnir til eydimerkurborgarinnar Yazd

2011-03-02T09:35:00.000-08:00

Goda kvoldid
Vid erum komin a pafagauka og laekjarhotelid i Yazd og allt gengur eins og i sogu. Sidustu nott vorum vid i baenum Kashan, skodudum thar hefdarhus og var reyndar verid ad taka upp kvikmynd thar en engin fengum vid hlutverkin. Einnig skodudum vid undurfallegt og uppgert badhus, lobbudum um markadinn og nutum lifsins og var hvarvetna tekid af mestu vinsemd.
I morgun var lagt af stad til Yazd og komid vid i Nain thar sem vid hittum vefnadarmanninn gamla og hans godu fru, rannsokudum fostudagsmoskuna og snaeddum pikknikkhadegisverd undir berum himni rett vid moskuna. Bilstjorarnir Moihamed og Hadi utbjuggu hann og vid gerdum okkur gott af tvi ollu. Vid Pezhmann skiptum brodurlega med okkur verkum ad flytja nokkurn frodleik a keyrslunni, Pezhman taladi um hvernig stjornskipan er her i Iran, eg taladi um konur og theirra stodu og vek ad politikinni og Pezhman sagdi fra zoroastrianatru en her i Yazd er midstod thessa aevaforna atrunadar.
A morgun verdum vid um kyrrt her, sjaum hus eldsins, vatnssafnid, gongum um gomlu borgina og skodum foistudagsmoskuna oflofl. Trulegt vid bregdum okkur a sorkaniithrottaleik annad kvold.
Allt er i soma, hlyindi standa okkur ekki fyrir thrifum en vedrid er tho tiltolulega milt og blitt og spad um 15 stigum a morgun.
Allir i godu skapi og hopurinn sallafinn. Get ekki lokid thessu an thess ad geta thess ad Bergljot viridist leika ser ad tvi ad baeta i sarpinn persneskum orduym og fer lett med thad.
Vid bidjum kaerlega ad heilsa og skrifa naest fra Sjiraz eftir 2-3 daga tvi tolvan her a okkar undursamlega hoteli er ansi rolyndisleg.
Sael ad sinni

Ord fra Iranhopi

2011-02-28T01:05:00.000-08:00

Godan og blessadan daginn

Vildi bara lata ykkur vita ad vid erum komin hingad heilu og holdnu. Flugid tafdist nokkud til Iran tvi vid lentum I Baku og vorum ekki maett a flugvoll her fyrr en um eda upp ur sjoe. Allur farangur skiladi ser med hradi, Pezhmann var maettur og uti bidu bilstjorarnir Mohammed og Hadi og sidan fylgdum vid morgunumferdinni inn i borg. Blida og fegurd. M. a keyrdum vid framhja hinu gridarstora grafhysi um Khomeini truarleidtoga, en einhverjar tafir hafa ordid a ad ljuka tvi verki og en thad verdur hid veglegasta thegar thar ad kemur
Vid komuna a Laleh drifum vid Pezhmann alla i morgunverd og svo voru menn sendir til herbergja til ad leggja sig. Thorhildur og Magdalena tofdust i bolid tvi thaer lentu a kjaftatorn vid ahugasamar iranskar stulkur herna i lobbiinu.
Nu er kl um half eitt ad ironskum tima og eftir klukkutima aetlum vid i smaskodunarferd tho vid hofum nu fengid nokkra hugmynd um borgina a leid fra flugvelli. Vid munum vitja bustadar Khomeinis og koma vid i gamalli kaffistofu thar sem unga folkid, intelligensian og vid sofnumst saman.
En fyrst er thad hadegisverdurinn.
Thad er notalegt vedur og solskin, gaeti imyndad mer svona 15-17 stiga hiti.
A morgun til Kashan en thar gistum vid lika bara eina nott tvi akvedid var ad fara ekki i innanlandsflug, thad er ekki alveg nogu stabilt enda erfitt ad halda vid gripunum med vidskiptabann a ser.
Vildi bara skila kvedju fra ollum og segja ykkur ad allt litur vel ut og menn eru kannski doltid lunir i dag eftir gaerdaginn en verda finir thegar lidur a daginn.
Kvedjur til fyrri Iranfara fra Pezhmann og Mohammed.

Mótmæli í Jemen færast í aukana- Libíuleiðtogi í vondum málum- og á gulleynni Bahrein berast menn á banaspjótum

2011-02-18T06:09:00.000-08:00

Mótmæli í Jemen færast í aukana

Einhvern veginn virtust mótmælaaðgerðirnar í Jemen ætla að renna út í sandinn eftir fyrstu dagana. Nú hefur mannfjöldi farið út á götur þar svo þúsundum skiptir og hefur komið til alvarlegra átaka milli hópanna.

Því valdamenn eiga alltaf sína dyggu stuðningsmenn og það gildir líka um Ali Abdullah Saleh forseta. Samtímis því að efnt hefur verið til fjöldamótmæla gegn honum þyrpast fylgismenn hans út á göturnar og lýsa yfir stuðningi.

Þessum hópum hefur lent saman, nú síðast í borginni Taiz í miðhluta Jemens svo og í suðurhlutanum í hafnarborginni Aden. Skothríð hefur heyrst en ekki hafa verið færðar sönnur á að hermenn hafi skotið; í Jemen er byssueign- einkum og sér í lagi Kalishnikov riflar- sennilega með því mesta sem gerist á eftir Bandaríkjunum.

Ættbálkahöfðingjar sem eru áhrifamiklir þar hafa opnað riflabúr sín upp á gátt og í stað þess að veifa fánum og mótmælaspjöldum, eða í mesta lagi hinum frægu jambia hnífum sem karlmenn bera við belti sér, sjást nú riflar á lofti. Og færist meiri hiti í þetta gæti auðvitað allt farið á alvarlegasta veg.

Kvennasamtök Jemens sem ég hef áður minnst á að væru stuðningsmenn forsetans virðast nú eitthvað hafa endurskoðað afstöðu sína en meirihluti þeirra hallar sér enn að forsetanum.

En meðalaldur íbúa Jemens er langyngstur allra þessara landa og unga fólkið í Jemen krefst mannsæmandi lífs og mun því vonandi láta að sér kveða.

Eins og fram hefur komið voru mótmælin í fyrstu nánast einvörðungu bundin við höfuðborgina Sanaa en hafa sem sagt breiðst út. Það er sérstaklega athyglisvert og hlýtur að verða forsetanum óvinsæla áhyggjuefni ef Adenbúar rísa upp.

Aden var höfuðborg Suður Jemens meðan landið var skipt. Við sameininguna töldu menn í Aden að þeir hefðu borið skarðan hlut frá borði þegar völdum var skipt og var ástæða þess að borgarastyrjöld braust út í Jemen fyrir 17 árum eða svo.

Bahrein, smáeyja undan ströndum Sádi Arabíu

Í Bahrein hefur verið mikil ólga og þar hefur dregið til tíðinda síðustu viku. Í fyrstu var ekki alveg ljóst hvað kom þeim af stað. Það hefur lengi verið grunnt á því góða milli sjita og sunnita á eynni. Sunnítar eru við völd en sjítar eru fleiri og telja sig ekki hafa fengið þau áhrif á stjórn landsins eins og þeim bæri. Sunnitar eða amk. valdahópurinn sem rakar að sér auði hefur sjitum margs konar niðurlæginu

Í fyrstu mótmælunum í Bahrein nú virtist það ekki vera trúarlegur ágreiningur sem hratt þeim af stað því menn gengu fylktu liði um götur og hrópuðu: ég er ekki sjia, ég er ekki sunni, ég er Bahreini.

Lögregla og her brást við af mikilli hörku og lamdi menn til óbóta og fréttir hafa borist um að einhverjir hafi verið skotnir. Mér er í rauninni fyrirmunað að skilja þá miklu heift sem einkennir viðbrögð lögreglu við mótmælunum í Bahrein vegna þeirra tiltölulega góðu aðstæðna sem fólk býr við.

Stjórnandi Bahreins Hamad bin Issa Al Khalifah hefur verið við völd síðustu ellefu ár en ætt hans hefur stjórnað síðan á 18. öld. Að vísu fékk landið ekki formlega sjálfstæði fyrr en 1971 og hafði áður verið breskt sjálfsstjórnarsvæði.

Þegar núverandi leiðtogi tók við völdum gerði hann ýmsar ráðstafanir sem mæltust vel fyrir hjá þorra manna.
Kona hans Sabika hefur látið að sér kveða og beitt sér fyrir umbótum og verið óspör að hvetja konur til þátttöku í stjórnmálum og opinberu lífi og með góðum árangri.

Læsi er á góðu róli í Bahrein og margir hafa síðar leitað sér framhaldsmenntunar erlendis eða í nágrannaríkjunum.

Blaðamenn hafa getað starfað þar nokkurn veginn án þess að hömlur hafi verið settar á störfum þeirra. Íbúar eru um 807 þúsund og þar af eru á þriðja hundrað þúsund útlendingar.Bahrein hefur verið vinsæll ferðamannastaður og einkum hafa Sádar og Kúveitar lagt þangað leið sína um helgar eða á hátíðum múslima.

Ég var í Bahrein um tíma fyrir allmörgum árum og veitti því t.d. athygli að á fimmtudögum komu Sádar í þúsundatali keyrandi yfir brúna sem er frá Sádi Arabíu, og hreiðruðu um sig á lúxushótelunum og skemmtu sér með gríðarlegum tilþrifum.

Bahrein var það land á Arabíuskaganum þar sem fyrst fannst olía og olía og olíuvörur hafa allar götur síðan verið það sem meirihluti íbúa og útlendinga hefur lífsviðurværi sitt af. Meðaltekjur eru með því hæsta sem gerist á svæðinu en allir vita að misskipting auðs er þar eins og annars staðar.

Eftir að hafa skoðað vandlega fréttir af mótmælunum í Bahrein má sjá að mönnum gremst spilling og yfirgangur valdastéttarinnar sem eru sökuð um alls kyns óhæfu. Á hinn bóginn dreg ég stórlega í efa að þar liggi rætur málsins

Við Gaddafi á þjóðminjasafninu í Tripoli

Þegar uppreisnin í Egyptalandi hófst var Gaddafi Líbíuleiðtogi ekki seinn á sér, frekar en fyrri daginn, að gefa yfirlýsingar. Hann sagði að þessir atburðir gætu aldrei gerst í landi sínu, þar væru allir glaðir og sáttir.

En nokkrum vikum síðar dró til tíðinda í Benghazi næst stærstu borg landsins og þar hefur logað allt í mótmælum síðustu daga, menn hafa særst og einhverjir fallið þó erfitt sé að fá öruggar fréttir sem stendur.

Það var einmitt í Benghazi sem uppreisn Moammars Gaddafis hófst sumarið 1969 þegar þáverandi konungi Idriss var steypt af stóli. Sú bylting fór fram án blóðsúthellinga.

Moammar Gaddafi er fæddur í litlum bæ í suðurhluta Líbíu. Hann var aðeins 27 ára þegar hann stóð fyrir byltingunni 1969. Honum var fagnað mjög þegar hann hrakti Idriss kóng frá völdum en fljótlega kom í ljós að Gaddafi þótti harla furðulegur náungi.

Hann hefur aldrei skipað sig forseta Líbíu og er jafnan kallaður leiðtogi. Hann valdi frá upphafi eingöngu konur í lífvörð sinn og gerði margt til að bæta stöðu kvenna. Hann vingaðist við Assad gamla, þáverandi forseta Sýrlands en ekki stóð sá vinskapur lengi.

Hann lýsti því yfir að hann vildi bæta læsi í landinu og leitt var í lög að þeir foreldrar yrðu sektaðir sem trössuðu að senda börn sín í skóla.

Hann hóf að skrifa barnabækur- sem að sönnu hafa ekki náð útbreiðslu nema í Líbíu og þá einkum og sér í lagi sem gjafir til barna frá honum sjálfum. Eitthvað hefur þó verið gefið út í öðrum Norður Afríkulöndum af þessum bókum hans.
Hann gaf einnig út Grænu bókina þar sem hann útlistaði stefnumál sín og hugsjónir og voru skiptar skoðanir um hana og mörgum þótti hún satt að segja einfeldningsleg og afkáraleg.

Allt var þetta samt gott og blessað. Olía var í landinu og útlitið hreint ekki slæmt í upphafi. En Gaddafi er sérlundaður furðufugl og samskipti hans við aðra forystumenn Arabalanda reyndust æði brösótt og reyndar lenti hann upp á kant við þá flesta fyrr en varði.

Það aflaði Gaddafi trausts og vinsælda á fyrstu valdaárunum að honum virtist alvara í því að bæta hag alþýðu manna. Hann tjáði sig óspart um bága stöðu Palestínumanna og var fljótlega grunaður um að leyfa "hryðjuverkamönnum" Palestínumanna að koma upp þjálfunarbúðum í landinu.

Kostuleg framkoma hans hefur oft verið í fréttum. Þegar Gaddafi hefur farið í heimsóknir utan Líbíu vill hann ekki sjá að gista á fráteknum glæsisvítum heldur hefur með sér stærðarinnar tjald sem hann slær upp í hótelgörðunum og býr um sig þar.

Framan af höfðu Líbíumenn lúmskt gaman af uppátektarsemi Gaddafis en ekki voru liðin mörg ár uns mönnum tók að blöskra vaxandi einræðistilburðir hans, ofsóknarkennd sem smám saman hefur keyrt úr hófi fram. Hann lætur handtaka og fangelsa alla þá sem hann grunar um að vera sér ósammála og vantar flest upp á að viðkomandi fái sanngjarna málsmeðferð. Persónudýrkun er víða stunduð í þessum heimshluta eins og VIMA menn vita og var Gaddafi þar síst undantekning.

Þegar PANAM vélin var skotin niður yfir Lockerbie í Skotlandi beindist grunur mjög fljótlega að Líbíumönnum. Gaddafi þvertók fyrir alla samvinnu um rannsókn þess hörmulega máls og varð til þess að honum var útskúfað á Vesturlöndum, einkum í Bretlandi og Bandaríkjunum. Fréttir um að hann styrkti hryðjuverkamenn hvar sem þeir væru við iðju sína varð síðan til þess að Reagan, þáverandi Bandaríkjaforseti fyrirskipaði loftárás á Líbíu í apríl 1986.

Þá fórst nokkur fjöldi manna, meðal annars kjördóttir Gaddafis og var augljóst að 0honum var mjög brugðið við þann atburð.

Það var þó ekki fyrr en 2003 sem hann ákvað að láta undan og féllst á að framselja þá sem grunaðir voru. Upp úr því tóku Bandaríkjamenn- eða réttara sagt Bandaríkjastjórn- hann í sátt og var nú Gaddafi snarlega strikaður út af hinum alræmda lista Bandaríkjamanna yfir hin svokölluðu öxulveldi hins illa.

En Gaddafi hefur kúgað landa sína og hann hefur ekki verið til viðræðu um umbætur því honum hefur sjálfsagt fundist sjálfum að það væri allt í hinum mesta sóma í landinu.

Hann hefur verið sakaður um spillingu og hann hefur gert eins og fleiri leiðtogar þessa heimshluta talið að sjálfsagt og best að sonur sinn tæki við af sér. Því eru Líbíumenn andsnúnir, bæði í prinsippinu og auk þess hefur þessi sonur Gaddafis á sér hið versta orð.

Því getur varla komið á óvart að þessi mótmæli hafi brotist út og það kemur kannski heldur ekki á óvart hvað Gaddafi virðist ætla að sýna mikla einurð í að brjóta þau á bak aftur- hvort sem það nú tekst eða ekki.

En hvað verður og hvað veldur?

Einhver hefur komist svo að orði að það sé kannski minnsta mál að gera byltingu en öllu meira að finna menn sem geta haldið þannig á málum að að til framfara horfi fyrir þær þjóðir sem rísa upp. Við sjáum átakanlegt dæmi um það í Írak - þótt þeir hafi ekki risið upp heldur réðust Bandaríkjamenn þar til inngöngu. Þar misreiknuðu þeir sig og héldu að þeim yrði tekið fagnandi og síðan mundi allt fyllast af vestrænu lýðræði.

Það hefur ekki reynst þannig og það er spurning hvernig framvindan verður í þeim löndum arabaheimsins þar sem nú ólgar og kraumar.

Hlutur Bandaríkjamanna?
Það er óhjákvæmilegt að velta honum fyrir sér. Egyptaland Múbaraks var ásamt Sádi Arabíu það land sem Bandaríkjamenn studdu hvað dyggilegast. Ali Abdullah Saleh sem lengi var einn af óvinum Bandaríkjamanna kúventi fyrir nokkrum árum og vingaðist við þá. Jórdanía er - hvort sem menn vilja viðurkenna það eða ekki- vinur Bandaríkjamanna. Í Bahrein er aðalflotastöð Bandaríkjamanna í Miðausturlöndum.
Þetta er varla tilviljun.
Og óneitanlega verður Gaddafi að teljast mjög góður kunningi Bandaríkjastjórnar þótt hann sé kannski ekki í innsta vinahringnum.

Það hefur hingað til verið aröbum - og þá er ég ekki að tala um valda og yfirstétt þessara landa heldur óbreyttan almúgann- óskaplegt gremjuefni hvað Bandaríkjastjórn hefur endalaust blandað sér í þau mál án þess að skynsemi og þekking sé höfð með í för. Með stuðningi við Ísrael, með innrás tvívegis í Írak. Með stuðningi við spilltar ríkisstjórn í Egyptalandi og í Líbíu.

Ég ætla að leyfa mér að halda fram að ástæður þessarar miklu ólgu takmarkist ekki aðeins við það að menn mótmæli harðstjórn og kúgun heldur einnig því að þessir ráðamenn sem óánægjan beinist gegn hafa á einn eða annan hátt gengið erinda "alheimslöggunnar" eins og Bandaríkjamenn eru gjarnan kallaðir í þessum heimshluta. Af þeim sökum er ekki skrítið þótt Sádar séu byrjaðir að nötra líka.

Úr ríki þagnarinnar

2011-02-14T06:20:00.000-08:00

Asma og Basjar, forsetahjón Sýrlands

Margir hafa undanfarna daga og vikur undrast að lítið heyrist frá eða um Sýrland þegar fréttaskýrendur tala fjálglega um dóminóáhrif þess sem hefur gerst í Túnis og síðan Egyptalandi.
Sýrland hefur ekki komið við sögu að neinu ráði og fer þó ekki milli mála að þar er einræðisstjórn og eftirlit og ýmis konar höft og bönn sem flokkast ekki beint undir lýðræði.

En ástæðurnar eru ýmsar: Að sönnu hafa ýmsir andstæðingar stjórnarinnar hvatt fólk til að fara út á götur og mótmæla en það hefur ekki borið neinn árangur, að minnsta kosti ekki svo heitið geti.

Talsmaður Mannréttindavaktarinnar í Líbanon segir að þar valdi ótti við stjórnvöld og leynilögreglu sem vissulega lætur öðru hverju til sín tala. En talsmenn mannréttindavaktar með aðsetur í Líbanon skyldu - með fullri virðingu- vera teknir með nokkrum fyrirvara þegar Sýrland er annars vegar.

En það sem ræður kannski úrslitum er að hvað sem öðru líður og þótt stjórnarfarið í Sýrlandi sé ekki litið velvildaraugum er ýmislegt sem kemur til.

Forsetinn Basjar Assad er ungur maður og á óflekkaða fortíð. Hann var látinn taka við þegar faðir hans, hörkunaglinn Hafez al Assad, lést aldamótaárið og hafði varla komið nálægt stjórnmálum fyrr en faðir hans kvaddi hann heim í forsetaþjálfun eftir að elsi sonur gamla Assads, Basil lést í dularfullu bílslysi.
Basjar var þá í sérnámi í augnlækningum í Bretlandi og fátt annað benti til en hann mundi síðan fást við þá grein. En hlýddi kalli föður síns og hélt heimleiðis.

Sumum gramdist að þarna væri eins konar að myndast ríki sem kallaði sig lýðveldi en sonur var kvaddur til að taka við. Þær raddir hafa hljóðnað - en ekki þagnað alveg.

Basjar Assad hafði ótvíræðan vilja til umbóta í landinu þegar hann tók við árið 2000. Hann´aflétti ritskoðun, leyfði einkaskóla og einkabanka og linaði um alls kyns höft sem höfðu verið talin sjálfsögð og bara partur af daglegu lífi. Gömlu kallarnir sem hann erfði eftir föður sinn og höfðu hreiðrað um sig í valdastólum gerðu honum lífið þó erfitt svo að hann varð að hægja á umbótum.

Samt hefur hann haldið þeim áfram, en hægt og rólega. Það er líka skynsamlegt að dmínum dómi því umbætur í Sýrlandi verða að ganga hæfilega hægt. Annars gæti orðið kollsteypa og hún yrði bara til bölvunar.

Önnur ástæða fyrir því hvað Sýrland er "friðsælt" er sambúð kristinna og múslima. Um 10 prósent íbúa eru kristnir og þeir hafa full réttindi og verður ekki vart við að nokkur minnsti ágreiningur sé þar í millum. Kirkja og moska standa hlið við hlið og kristnir og múslimar virða helgidaga hins. ´Þegar ég bjó í Sýrlandi fannst mér eftirtektarvert hvað sambúð kristinna og múslima er áreynslulaus og sjálfsögð.

Basjar giftist ´skömmu eftir að hann tók við forsetaembætti. Kona hans Asma er af sýrlenskum ættum en uppalin í Bretlandi og Belgíu. Hún er tölvunarfræðingur að mennt enda var eins og við manninn mælt: farsímar og internet voru leyfð um leið og Asma hafði komið sér fyrir. Að vísu hafa ýmsar síður verið bannaðar en Sýrlendingar kunna lagið á að fara í kringum það. Og nú nýlega var hinu opinbera banni á Facebook og Twitter aflétt.

Asma er nútímakona, fríð sýnum og viðfelldin. Hún hefur sýnt trúnni virðingu en ber sjaldan klút um hárið. Hún hefur beitt sér í góðgerðarmálum, efnt til málþinga um stöðu kvenna og virðist njóta almennrar virðingar. Ekki er að efa að þau hjón búi vel og notalega en af eyðslu og bruðli fer ekki sögum.

Ungir Sýrlendingar virðast stoltir af forseta sínum. Hann er sá sem margir líta til sem leiðtoga araba í þessum heimshluta og þótt ekki séu allir á einu máli um hann eru menn sammála um að hann hafi komið á óvart í embættinu og hversu skörulega hann gegnir því. Hann er góður ræðumaður og rökfastur.

Það sem Basjar Assad er virtur fyrir er þó fyrst og síðast þetta: Hann er eini leiðtogi arabaríkjanna sem hvikar ekki í andstöðu við Bandaríkjastjórn og er sjálfur sér samkvæmur í andstöðu sinni. Hann dregur heldur ekki dul á fyrirlitningu sína á undirlægjuhætti ýmissa höfðingja í löndunum í kring gagnvart Bandaríkjastjórn.

Í landinu búa á aðra milljón Írakar nú, flestir fátækir flóttamenn, aðrir komu fyrir innrásina og áttu gnægð fjár. Sýrlendingar hafa reynt að taka á málefnum ´þeirra af hæglæti og skynsemi en það segir sig sjálft að það er ekkert smáræði að fá yfir sig þvílíkan fjölda Íraka á fáeinum árum.

Þegar allt er tekið með í reikninginn virðist Basjar Assad hafa þau tromp á hendi sem til þarf. Fólkið er að meirihluta sátt við hann og trúir því að hann vinni í þágu þess. Hann er andstæðingur Bandaríkjastjórnar og Ísraels. Enginn hefur sakað hann um spillingu.
Það er vitað engu að ýmislegt mætti betur fara í þessu landi. En margt er á réttri leið og það sem skiptir öllu: almenningur trúir á vilja forsetans til góðra verka.

Samt er ´vissulegu barnaskapur að búast við því að ekki gæti dregið til tíðinda. En sem stendur eru líkurnar minni en meiri.

Mótmæli brotin á bak aftur í Jemen og Alsír - en líklega er hafin framvinda sem verður ekki stöðvuð

2011-02-13T05:44:00.000-08:00

Tawwkool Kerman með börnum sínum

Um helgina rétt í sömu mund og fréttir bárust um heiminn að Múbarak Egyptalandsforseti hefði neyðst til að segja af sér, brutust einnig út mótmæli víðar, þ.e. í Jemen. Þar hafa mótmælagöngur verið öðru hverju síðustu vikurnar en verða varla taldar öflugar, því lögregla hefur stöðvað þær, að því er virðist án verulegrar fyrirhafnar.
Samt er augljóst að forseti Jemens Ali Abdullah Saleh verður að hugsa sitt ráð og hefur þegar gert alls konar tilslakanir sem sagt hefur verið frá í pistlum hér. Hann hefur heitið að draga úr kostnaði háskólanema, stofna sjóði stil að styrkja verk sem gætu fært fólki atvinnu og fleira og fleira.

Í mínum huga virðist Jemena skorta kraftinn, áræðið og umfram allt úthaldið sem Egyptar sýndu en þó skyldu menn fara gætilega í að vanmeta þá. Námsmenn við háskólann í Sanaa og blaðamannasamtökin svo og konur í stórum hópum hafa þyrpst út á göturnar og mótmælt og jemenska blaðakonan Tawakul Kerman sem í rauninni hratt þessu öllu af stað segir fullum fetum að Jemenar muni ekki gefast upp fyrr en Saleh víkur af forsetastóli.

Hin opinberu kvennasamtök Jemena eru hins vegar meira og minna hlynnt forsetanum og hann hefur um sig stóran hóp manna sem vilja síst að hann fari frá vegna þess að þar með væru þeirra eigin hagsmunir í húfi.

En við verðum óneitanlega og því miður að taka gattneyslu Jemena með í reikninginn. Gattið gerir þá sljóa og sinnulausa og heldur þeim niðri og svo virðist að minnsta kosti í bili að þeir kjósi fremur að mótmæla smástund en fari svo og setjist að gattinu og spjalli um mótmæli í makindum og hugsi sér að gera eitthvað seinna- kannski.

Samt ætla ég að leyfa mér að vona að Jemenar gefist ekki upp.

Konur í Alsír

Sagt var frá því í gær, laugardag, að lögreglan í Algeirsborg hefði dreift tugþúsendum mótmælenda sem komu saman til að láta í ljós óánægju með stjórnarfarið.

Alsír er langtum flóknara samfélag en Jemen. Þar hefur í rauninni aldrei ríkt friður í raun og veru nema kannski rétt fyrstu árin eftir að Alsíringar unnu nýlenduherrana Frakka í blóðugu frelsisstíði 1962 og Frakkar viðurkenndu sjálfstæði landsins.

Þar með var komið á sósialisku lýðveldi í Alsír en flokkadrættir og greinir með ótal hópum og mjög sundurleitum hafa sett mark sitt á þetta samfélag allar götur síðan. Islamistar- bæði herskáir og hófsamir- svo og stjórnarflokkurinn hafa verið að stríða innbyrðis til mikils tjóns fyrir land og þjóð og þetta vissulega sett svip sinn á allt.

Í kringum 1990 var stjórnin í Alsír þó- að minnsta kosti á yfirborðinu- komin á þá skoðun að málið yrði að leysa og efnt skyldi til frjálsra kosninga í landinu. Þá kom í ljós að flokkur islamista FIS hafði farið með sigur af hólmi.
Og þar með voru kosningarnar ógiltar og herforingjastjórn tók völdin og hefur setið síðan.

Þegar Alsír varð frjálst frá Frökkum voru miklar vonir bundnar við bjartari framtíð. Olía var í landinu og menn sáu í hillingum að nú mætti bæta kjör alþýðu manna, efla menntun, bæta stöðu kvenna o.sfrv. osfrv.

Sumt af þessu hefur gengið eftir en flest ekki. Olían reyndist ekki eins mikil og menn höfðu reiknað menn, spilling í stjórnkerfi og efstu lögum samfélagsins hefur aukist og núverandi forseti Bouteflika hefur ekki haft dug og vilja til að koma á umbótum í landinu sem sárlega er þörf á.

Við bætist einnig deilur við nágrannann Marokkó en Alsíringar hafa löngum stutt Polisariohreyfinguna í Vestur Sahara sem lítur á sig sem sjálfstætt ríki en Marokkar hafa engu að síður ráðið.

Konur í Alsír hafa af miklu kappi aflað sér mennta og hafa algera sérstöðu arabískra kvenna hvað það snertir að þær sækjast ekki í jafn ríkum mæli og kynsystur þeirra í öðrum frændríkjum eftir að gifta sig og eiga börn í einum hvelli. Auk þess hafa þær sótt í og þykir sjálfsagt að búa einar- en slíks eru ekki mörg dæmi annars staðar.

Sem stendur er Alsír gáta.
Enginn getur reiknað út hvað gerist í þessu gríðarstóra landi með sínar 35 milljónir íbúa og sundurleitt mannlíf.
En Alsíringar sýndu það í löngu frelsisstríði við Frakka að í þeim býr atorka og kjarkur sem þeir gætu kannski farið að virkja aftur- þótt vona megi að baráttan verði ekki jafn ´blóðug og hroðaleg og stríðið við Frakkana.

Altjent er Boutflika skelkaður og hefur sýnt það með alls konar yfirlýsingum sem eru mjög í sama anda og gefnar hafa verið í þeim löndum þar sem til tíðinda hefur dregið þessar seinustu vikur.

Egyptaland mun springa, sagði El Baradej eftir ræðu Múbaraks

2011-02-10T15:54:00.000-08:00

Viðbrögð við ræðu Múbaraks á Tahrirtorgi í Kairó fimmtudagsmkvöld

Það er nánast ógerningur að skrifa vangaveltur um framvindu mála í Egyptalandi eftir kvöldið: Það sem var óhugsandi varð að hörmulegum virkileika. Múbarak forseti, þessi spillti kúgunarstjóri sem Egyptar hafa mótmælt af innilegum hita en þó virðulegri hófsemd tilkynnti þjóðinni seint og um síðir að hann ætlaði ekki að skorast undan ábyrgð sinni og mundi því sitja þar til kjörtímabilið rennur út í september n.k.

Ég vissi ekki almennilega hvort maður ætti að hlæja eða gráta þegar hann storkaði þeirri ofboðslega þungu reiðiöldu sem hefur farið yfir Egyptaland. Vanvirti þó sjálfan sig mest.

Viðbrögðin hafa verið harkaleg og skyldi engan undra því eftir flestum sólarmerkjum að dæma og ýmsum heimildum sem taldar voru nokkuð áreiðanlegar hafði forsetinn loks ákveðið að horfast í augu við að þjóðin beið þess eins að hann færi frá.

Sá orðvari maður Mohamed El Baradej fyrv. forstöðumaður Alþjóða kjarnorkumálastofnunarinnar og þungavigtarmaður innan stjórnandstöðunnar sagði: Nú mun Egyptaland springa.Nú verður herinn að grípa til sinna ráða.

Þetta eru þung orð en ekki sögð að ástæðulausu og þess er að vænta að allt geti farið í bál og brand- og þá bókstaflega- eftir föstudagsbænirnar á morgun.
Enn er þröng á Tahrir torgi og ekki fararsnið á fólki. Hundruð þúsunda biða þar í ofvæni og var í raun létt stemning þegar tilkynnt að að Múbarak mundi flytja ræðu: það trúði því ekki nokkur maður að hann sýndi þjóðinni það sem hann gerði í kvöld.
Samstundis brutust út óheyrilega mikil mótmæli sem standa enn.

Múbarak flytur ræðuna í kvöld, fimmtudagskvöld

Í ræðunni sagðist Múbarak ætla að fá Omar Suleiman, nýskipuðum varaforseta (og vikið verður að ögn síðar) meiri völd, engum mótmælendum yrði refsað og það hvarflaði ekki að honum að yfirgefa þjóð sína á þessari örlagastundu. Og þá vissi ég heldur ekki hvort ég átti að grýta sjónvarpið eða flissa fíflalega.

Múbarak ætlar að færa meiri völd til þjóðarinnar og sem þetta gullkorn hrundi af vörum hans æpti mannfjöldinn á torginu: Þú lýgur, þú hefur logið að okkur í 30 ár og þú lýgur enn.

Að því loknu sagði hann að nú skyldu menn taka þessu rólega og vera sælir og glaðir- eða mér fannst það vera inntakið í niðurlagsorðum hans.
Og glaða og bjartsýna andrúmsloftið í miðborg Kairó breyttist í sorg og reiði. Það er hætt við að sorgin og reiðin leiti útrásar á næstu dögum.

Þegar Múbarak hafði lokið þessari dæmalausu ræðu sinni þustu þúsundir af stað í átt til forsetahallarinnar. Þangað höfðu menn reynt að komast fyrir nokkrum dögum en verið stöðvaðir.

Forsetahöll Múbaraks er í Heliopolis og þangað er langur gangur en þegar ég skrifa þessar línur hafði ekki verið reynt að stöðva fylkinguna.
Því er óljóst á þessari stundu nú þegar nálgast miðnótt í Kairó hvað hefur gerst þegar föstudagurinn rennur upp.

Maður veit ekki hvort valdi verður beitt gegn mótmælendum en það er greinilegt að hermenn hafa enn ekki beitt sér- eða ekki fengið um það formlega skipun. Og enginn veit heldur hvort herinn mun óhlýðnast og ganga til liðs við frelsissinna. Óskandi væri það.

Simon Peres, forseti Ísraels og Omar Suleiman.Myndin tekin í nóv s.l.

Omar Suleiman sem hefur nú fengið aukin völd að sögn Mubaraks er ekki eftirlæti Egypta svo vægt sé til orða tekið. Hann hefur gengið undir nafninu " CIA dindillinn í Kairó."

Hann hefur verið yfirmaður hinnar alræmdu og illskeyttu leynilögreglu landsins í allmörg ár og tilburðir hans til að vingast við Ísrael og hvorugt er til þess fallið að efla og ýta undir vinsældir egypskra ráðamanna. Það er á allra vitorði sem vilja horfast í augu við sannleikann að hann hefur fyrirskipað pyndingar á föngum, einkum og sér í lagi þeim sem hafa verið taldir gagnrýnendur Múbaraks.

Suleiman er fæddur 2.júlí 1936 í Quena í suðurhluta landsins. ´Meira og minna öll hans fortíð er í hernum því hann fór í herskóla eftir skyldunám og síðar hélt hann til framhaldsnáms í hermennsku í gömlu Sovetríkjunum.

Hann þykir grimmur maður og slóttugur og sýnir andstæðingum ekki vægð. Því er tæpt að trúa því að hann muni ekki láta hina djörfu mótmælendur finna til tevatnsins.

Vissi Obama ekki af ákvörðun Múbaraks?
Áður en Múbarak hélt ræðuna hafði Obama Bandaríkjaforseti haldið ræðu og varð hún varla túlkuð á annan veg en hann teldi að Múbarak hefði loks ákveðið að láta undan gífurlegum þrýstingi þjóðarinnar og víkja.

Allavega las ég það úr orðum hans í kvöld enda löngu orðið lýðum ljóst að málið var í raun tiltölulega einfalt þegar allt kom til alls:
Egypska þjóðin vildi ekki lúta áfram kúgunarstjórn Múbaraks
og Obama gerði sér grein fyrir því. En við vitum hvað Múbarak sagði í kvöld og það er með ólíkindum að hann gangi í berhögg við óbeina eða jafnvel beina hvatningu Obama.

Það skyldi haft í huga að Bandaríkjamenn veita Egyptum meiri fjárhagsaðstoð en nokkru öðru ríki- auðvitað að Ísrael undanskildu- og þar með var Múbarak auðvitað að tefla þessari fjárveitingu í tvísýnu. Því væri Bandaríkjastjórn stætt á því að veita stjórn Egyptalands þessa gríðarlegu aðstoð eftir atburðina síðustu daga og þó einkum í kvöld?

En hver kom þá fram á sjónarsviðið eins og hendi væri veifað? Nema "ljúflingurinn" Abdullah, konungur Sádi Arabíu sem að Múbarak frátöldum er líklega sá leiðtogi í Miðausturlöndum sem kúgar þjóð sína af fullkomnu miskunnarleysi.

Hann sagðist reiðubúinn að leggja fram fé til hjálpar Múbarak ef Bandaríkjamenn létu hann róa. Eins og þar stendur: Segðu mér hverjir vinir þínir eru og ég skal segja þér hver þú ert.
Hinn vinur Múbaraks í þessum miklu ofsóknum " sem stýrt er af erlendum öflum" eins og hann orðaði það svo hnyttilega er vitaskuld Benjamin Netanjahu, forsætisráðherra Ísraels.

Best að hafa þetta ekki lengra að sinni. Það er ógerningur að spá og eiginlega út í hött en hef hér dregið saman örfáa þætti sem fólk getur hlaupið á.
Annars er mjög vandlega fylgst með þessum atburðum hjá þorra manna. Nema kannski hjá RÚV sem sýndi matreiðsluþátt í mestu makindum meðan Múbarak flutti ræðu sína.

Palestína?? Er alvara í því. Fáeinar hugleiðingar um gang mála

2011-02-08T06:00:00.000-08:00

Markaður í Hebron

Töluverður vilji var á því að efna til annarrar Palestínuferðar á árinu. Ég veit ekki hvort alvara býr að baki en set inn áætlunina sem farið var að mestu eftir í hinni sérdeilis vel lukkuðu og athyglisverðu ferð okkar í nóvember sl.

En ég þarf á hinn bóginn að fá svör frá fólki hið allra fyrsta, ella blæs ég hana af fyrr en síðar.

Set sömu dagsetningar og í ferðinni síðustu en þær gætu breyst og hugsanlegt að ferðin hefjist nokkrum dögum fyrr.

Hér eru í meginatriðum drög/áætlun Palestínuferðarinnar. Á ekki von á verulegum breytingum.

Verð er ekki fullfrágengið en ætla má - sagt án ábyrgðar að það yrði um 300 þús.

11.nóv. Flogið með Icelandair til Frankfurt og þaðan til Amman í Jórdaníu með Royal Jordanian. Fulltrúi jórdönsku ferðaskrifstofunnar tekur á móti hópnum, síðan er gengið frá vegabréfsáritunum og inn í Amman. Gist þar um nóttina

12.nóv. Morgunverður.
Farið frá Amman til landamæranna og farið yfir brúna sem skilur að löndin Ísrael og Jórdaníu. Farið yfir á landamærum sem heita Husseinsbrú, Jórdaníumegin og Allenby Ísraelsmegin.
Síðan keyrt til Betlehem en þar gistum við allar næturnar í Palestínu.

13. nóv.
Morgunverður
Við verðum allan daginn í Betlehem og skoðum okkur um í Beit Sahour og Beit Jala. Möguleiki er að við hittum einhverja ráðamenn borgarinnar. En það verður varla ljóst fyrr en síðar.

14.nóv.
Morgunverður
Þennan dag heimsækjum við Hebron og fyrir utan að skoða okkur þar um, er okkur boðið í glerverksmiðju og förum í Ibrahimsmoskuna.

15.nóv.
Morgunverður
Fyrri hluta dagsins verjum við í Austur Jerúsalem en eftir hádegi förum við til Ramallah. Þar hefur einnig verið rætt um að við getum hitt ráðamenn

16.nóv.
Morgunverður
Sækjum heim merkisstaði í Jerúsalem. Þennan dag vitjum við einnig Nablus, skoðum m.a. flóttamannabúðir þar, við sjáum einnig Jakobsbrunninn og fleira.

17.nóv.
Morgunverður
Til Jerikó, skoðum einnig Hisham Palace, ath hvort við komumst í grennd við Kumran þar sem Dauðahafshandritin eru ofl.

18.nóv.
Morgunverður
Förum snemma til Allenbybrúar og til Jórdaníu.
Keyrt til Amman og á sama hótel og við vorum á í upphafi ferðar. Gist þar

19.nóv. Brottför frá Alia flugvelli og um London. Alllöng bið í London og síðan heim til Íslands.

Innifalið er:
Gisting á 3ja stjörnu hóteli í Betlehem og 4ra stjörnu hóteli í Amman. Hálft fæði(kvöldverðir)
Öll keyrsla
Enskumælandi leiðsögumaður verður með okkur allan tímann
Aðgangseyrir á alla staði sem vitjað er í ferðinni
Tips á hótelum
Vegabréfsáritun til Jórdaníu

Ekki innifalið

Brottfararskattur þegar farið er frá Ísrael 45 dollarar
Hádegisverðir
Drykkjarföng og annað sem er ekki nefnt í þessari upptalningu.
Tips til bílstjóra og staðarleiðsögumanns

Að venju skulu menn sjálfir annast um sín tryggingamál og verður það ekki nógsamlega ítrekað
Reynt verður að fá fund með Födwu Bargouti í Ramallah

Möguleiki er á því að menn fari síðasta daginn til Petra þegar komið er yfir til Jórdaníu ef þeir vilja. Það er greitt aukalega.

Ég vil benda á að ferðaþjónusta er kannski ekki beint það sem Palestínumenn hafa lífsviðurværi sitt af. Mér sýnist þó í dagskránni að við sjáum helstu staði.
Hef haft samband við Stefaníu Khalifeh, ræðismann okkar í Jórdaníu. Hún hvetur til að við biðjum Ísraela – við komu og brottför- að stimpla á sérstakt eyðublað. Stundum gera þeir það og stundum ekki.
Aftur á móti virðast stimplar frá arabalöndum, Íran og víðar ekki skipta máli en þeir fara í taugarnar á Ísraelunum og stundum eru menn stoppaðir og yfirheyrðir. Það tefur en er ekki ástæða til að hafa áhyggjur af.

Reikna má með leit í farangri þegar komið er yfir til Allenby og rækilegum spurningum. Nauðsynlegt að halda stillingu sinni og láta Ísraelana ekki koma sér úr jafnvægi.

Stefanía segir einnig að yfirleitt sé auðvelt fyrir útlendinga að komast leiðar sinnar en bendir okkur öllum á að stundum sé þörf á þolinmæði. Reyna að láta palestínska leiðsögumanninn og mig sjá þá um málin.

Það er fengur að því að við getum farið þessa ferð og vonandi gefur ferðin mjög athyglisverða mynd af því lífi sem Palestínumenn búa við, auk þess sem við sjáum stórmerkilega staði.

Veður á þessum árstíma er yfirleitt gott en nauðsynlegt að hafa með sér yfirhöfn, jakka og regnhlíf.

Nauðsynlegt er að greiða á réttum tíma ef þátttaka fæst því ég þarf að senda ferðaskrifstofugreiðslur með mjög góðum fyrirvara og sömuleiðis til Royal Jordanian.

ÍTREKA: Nauðsynlegt er að láta vita um þátttöku um hæl og hafa samband í hvelli.

Enn situr Múbbi
Þegar þetta er skrifað situr Múbarak Egyptalandsforseti enn sem fastast og neitar að hreyfa sig. Hann hefur komið með þá gráthlægilegu yfirlýsingu að það gæti orðið þvílíkt kaos í landinu ef hann færi. Öllu meira kaos en hefur verið síðustu daga er nú vart hægt að hugsa sér.

Það er greinilega ætlun Múbaraks og kumpána hans að þreyta andófsmenn til hlýðni en vonandi að þeir haldi út. Viðræður nýskipaðs varaforseta og fyrv. yfirmanns leyniþjónustunnar við stjórnarandstöðu, El Baradej og Amr Mousa svo og múslimabræður hefur engum árangri skilað.

Annars staðar tiltölulega rólegt
Mótmælagöngur hafa verið víðar en ekki kröftugar síðustu daga. Ráðamenn í Jemen, Alsír hafa gefið yfirlýsingar um alls konar umbætur í stjórnkerfi
til að slá á óánægju sem víða kraumar undir.
Í gullpeningalandinu Kúveit hefur emirinn meira að segja tilkynnt að íbúar fái greidda sérstaka og allvæna upphæð en að vísu fylgdi með að útlendingar og helsta vinnuafl landsins og tveir þriðju hlutar íbúanna fengju ekki greiðslur.

Í Jórdaníu virðist Abdúllah kóngi hafa tekist að sefa óánægjuraddir og skipta um ríkisstjórn. Athyglisvert er að Sýrland er hljótt og er það rakið til þess að Assad forseti hefur sl ár hægt og klókindalega breytt ýmsu þar í landi til batnaðar.

Að svo stöddu er heldur ekkert sem bendir til að trúaröfgamenn komist neins staðar til áhrifa. Menn spyrja mig mikið að þessu en stundum leyfi ég mér að efast um hvað fólk meini með trúaröfgamenn og sé spurt nánar hvað menn meini kemur eitthvert bull um hvort eigi kannski að setja konur í búrkur og banna brennivín. Tek þó fram að VIMAfélagar spyrja ekki í þessum dúr.

Ferðir á næstunni
Tuttugu og sex manna hópur fer til Írans 27.febr.-13. mars og um páskana er fyrri ferð til Uzbekistan (27 manns) og síðan ætla ég í maí til Eþíópíu í könnungarleiðangur eins og ég hef sagt frá.
Í september fer annar hópur til Uzbekistan(27 manns) og síðan fer ég með hóp fyrir Bændaferðir í október til Íran ef þátttaka næst.

Svo er sem sagt hugsanleg Palestínuferðin í byrjun nóvember ef menn hafa áhuga en ég þarf að ganga frá henni sem allra fyrst til að fá skikkanlegt verð.

Nokkrir Uzbekistanfarar í seinni ferð hafa ekki sent mér skönnuð vegabréf og staðfestingu frá vinnuveitanda og bið þá að gera það sem allra fyrst.

Vil svo í tilefni dagsins óska okkar ágæta ferðafélaga Guðmundi Péturssyni til hamingju með afmælisdaginn.
Bless í bili.

Forseti Jemens orðinn hræddur- gerir ótal breytingar til hins betra

2011-02-02T05:25:00.000-08:00

Konur fara fyrir mótmælagöngu í Sanaa. Hópur ungra drengja hrópaði slagorð til stuðnings forsetanum. Þeir sögðust hafa fengið peninga til að hylla hann. Þegar þeim fannst þeir hafa unnið fyrir upphæðinni fóru þeir heim.

Það sama er að gerast í Kairó. Þar sagði egypskur stjórnmálaskýrandi að fólki hefði verið borgað (50 egypsk pund) fyrir að ráðast gegn mótmælendum á Tahrirtorgi

Ali Abdullah Saleh, forseti Jemens

Þeir gerast hratt atburðir í Arablöndum þessa dagana. Nú hefur Ali Abdullah Saleh forseti Jemens sagt á jemenska þinginu- nánar tiltekið í morgun- að hann ætli að grípa til margvíslegra ráðstafana til að bæta líðan fólks:

1. Hann heitir því að laun verði hækkuð og verðlag á nauðsynjum lækkað frá og með deginum í dag

2. Hann hefur gefið fyrirmæli um sjóðsstofnun sem hafi það að markmiði að ýta undir atvinnumöguleika bæði framhalds- og háskólanemenda.

3. Gjöld háskólanema á seinni önn verði tafarlaust lækkuð og lög sett þar um.

4.Hann hefur heitið alls konar stjórnskipulegum umbótum en fyrst og fremst að hann muni hafa samráð við stjórnarandstöðuna til að hlýða á/fara eftir tillögum þeirra til að auka atvinnu.

5. Hann hefur heitið að leggja á hilluna allar fyrri hugmyndir um að sonur hans taki við forsetaembættinu eins og hann hafði ætlað sér að koma í gegn

Stjórnarandstöðumenn og andstæðingar forsetans hafa verið með mótmælagöngur í Jemen flesta daga síðan í sl viku. Í bígerð var að efna til " Dags reiðinnar" á morgun um gervallt landið til að mótmæla og krefjast þess að forsetinn leggi niður völd sem hann hefur haft í áratugi.

Þegar þetta er skrifað er ekki vitað hvort þessi loforð forsetans- sem menn munu fylgjast vel með því hvort hann stendur við- verða eða hvort þessi orð muni duga til að lægja öldurnar. Sumir stjórnarandstöðuleiðtogar segja þetta sé of seint og hann verði að fara.
Án efa skýrist það á næstu dögum og vikum. Kosningar eru fyrirhugaðar í Jemen 27.apríl og forsetinn sagði einnig að hann lofaði að tryggja að þær færu fram á heiðarlegan hátt og erlendir eftirlitsmenn mundu fylgjast með að engin brögð væru í tafli.

Ég hef talið ástæðu til að skrifa þessa pistla nú upp á síðkastið því mér finnst að okkar fólk hafi áhuga á að fylgjast með þeim tímamótaatburðum sem eru að gerast í heimshlutanum okkar.

Á minn herra öngvan vin? milljónir manna í miðborg Kairó

2011-02-01T05:11:00.000-08:00

Hermaður hampar stúlkubarni uppi á skriðdreka. Skriðdrekar og hermenn um allar trissur en herinn heldur enn að sér höndum. Ljósm. Ramy Raoof

Eins og hefur komið fram í fréttum í dag er milljón manns á aðaltorginu, Tahrir, í Kairó þessa stundina. Her og lögregla setti upp tálma og leitaði á þeim sem lögðu leið sína þangað. Menn virðast þó hafa komist með ýmsa gripi þangað, svo sem brúðu af Múbarak, líkkistu og fleiri táknræna muni. Á dagskránni er að ganga síðan að heimili Múbaraks í Heliopolis og krefjast afsagnar hans.
Þetta er æðilangur vegur og fái hópurinn að ganga þangað munu sjálfsagt margir bætast við á leiðinni.
Ætla má að þessi ganga og mótmæli í dag séu prófsteinn á það hvort hernum verður fyrir alvöru sigað á mótmælendur og ættu menn endilega að fylgjast með fréttum seinna í dag um þetta.

Að vísu herma fréttir- en að vísu er erfitt að greina milli sögusagna og frétta þessa stundina að Múbarak sé hvergi nærri, hann hafi skutlað sér yfir til Sjarm el Sjek í bústaðinn væna sem hann á þar. Synir hans tveir og eiginkonan Susan fóru úr landi fyrir fáeinum dögum.

Margir furða sig á þvermóðsku Múbaraks en hún þarf út af fyrir sig ekki að koma á óvart þeim sem hafa fylgst með ferli hins riðandi forseta. Völdin eru sæt og völdin spilla og það hefur vissulega orðið raunin með Múbarak. (Auk þess er hann í stjörnumerki sem þekkt er fyrir að láta ekki svo glatt undan þrýstingi)

Mohammed el Baradej- verður næsta framtíð hans?
Raddirnar sem hvetja til að Múbarak fari og fylkingar nái samkomulagi um að Mohamed El Baradej taki við til bráðabirgða eru sterkari nú en fyrir nokkrum dögum. Það hefur orðið honum til styrktar að múslimabræður hafa gefið út tilkynningu að þeir sætti sig við hann og séu allir af vilja gerðir að vinna með honum.

Baradej er fæddur í Kairó 17.júní 1942. Hann nam lög við Kairóháskóla og eftir framhaldsnám í fræðunum í Bandaríkjunum hóf hann störf í egypsku utanríkisþjónustunni. Hann var í fastanefnd Egypta hjá Sameinuðu þjóðunum og í Genf. Hann var í nokkur ár sérlegu ráðgjafi utanríkisráðherra Egyptalands og var valinn í samninganefndina sem dró upp friðarsamning við Ísraela og er kenndur við Camp David.

Hann aflaði sér mikils álits eftir að hann var skipaður yfirmaður Alþjóðakjarnorkumálastofnunarinnar þó svo Bandaríkjastjórnir hafi ýmsar haft horn í síðu hans þar sem niðurstöður þeirra Hans Blix þegar þeir könnuðu mál Íraka vegna hugsanlegra gereyðingavopna þar sem gætu réttlætt innrásina í Írak 2003, komu ekki heim og saman við það sem Bandaríkjastjórn taldi sér hagstætt og ákvað að lokum að leiða niðurstöðurnar hjá sér.

Baradej er kvæntur og á tvö uppkominn börn.

Á minn herra öngvan vin?
Múbarak er ekki vinmargur maður þessa dagana en einn leiðtogi hefur þó komið fram á sjónvarsviðið og lýst eindregnum stuðningi við hann. Hvatt einnig aðra til að fylgja sínu fordæmi enda sé það stórhættulegt ef Múbarak þurfi að fara frá.
Og hver skyldi sá veruleikafirrti hagsmunanáungi vera: Auðvitað Benjamin Netanjahu, forsætisráðherra Ísraels.
Ég segi veruleikafirrti vegna þess að stuðningur forsætisráðherra Ísraels verður umfram margt annað vatn á myllu andstæðinga Egyptalandsforsetans. Og mun ekki vekja neina kæti í öðrum Arabaríkjum. Þetta sýnir auðvitað líka hve Ísraelar eru skjálfandi á beinunum eins og vikið var að í tölu minni á VIMA fundinum sl. sunnudag.

Raunar komust þær sögur á kreik þótt þær flygju ekki víða að Ísraelar væru að undirbúa að veita Múbarak pólitískt hæli.
Og ég leit nú satt að segja á dagsetninguna þegar ég las þetta.

Jemen er kyrrt en viðræður forseta og stjórnarandstöðu í gangi
Allt er með kyrrum kjörum í Jemen eins og er og bíða menn átekta. Ali Abdullah Saleh forseti hefur byrjað miklar viðræður við aðal stjórnaranstöðuflokkinn Islah og þegar ég talaði við kunningja í Jemen fyrr í dag sögðu menn að þeim virtist eitthvað miða og forsetinn vildi mikið til þess vinna að ná samkomulagi sem þýddi væntanlega umtalsverðar tilslakanir af hans hendi.

Vegabréfaeftirlit til Jemen hefur verið hert til mikilla muna og reynt að fylgjast með því að grunaðir öfgamenn komist ekki inn í landið. Það láta þeir sem ætla sér að kynda undir þar sjálfsagt ekki stoppa sig og tiltölulega auðvelt er að lauma sér inn frá Sádi Arabíu enda ekkert eftirlit þar á löngum köflum og landamærin löng.

http://dagskra.ruv.is/ras1/4560662/2011/01/31/Ef menn fara inn á þennan link hjá RUV er þátturinn Hringsól frá því í gær, mánudag. Einhverjir kynnu að hafa áhuga.

Atburðirnir í Miðausturlöndum verða til umræðu á fundinum á morgun

2011-01-29T07:07:00.000-08:00

Myndin er tekin á götum Sanaa

Vil taka fram að við munum ræða framvindu mála í Miðausturlöndum í seinni hluta fundarins. Annað er eiginlega óhugsandi svo viðkomandi JK mun því fara yfir atburðarásina í stórum dráttum og við veltum fyrir okkur hvert framhaldið kynni að verða. Ólíklegt er amk að sinni að allt falli í dúnalogn. Of margt hefur gerst til að það gæti orðið.

Eins og menn hafa fylgst með virðist Egyptaland loga stafna á milli og hafandi í huga að þetta er fjölmennasta ríki þessa heimshluta, með tengsl við Bandaríkjamenn og Ísrael, gætu afleiðingar orðið afdrifaríkar.

Í Túnis halda menn áfram að mótmæla en svo virðist sem þar sem ákveðin biðstaða þrátt fyrir mótmæli því enginn leiðtogi hefur komið fram hjá stjórnarandstæðingum.

Í Jórdaníu hafa mótmæli færst í aukana, í fyrstu beindust kröfur einkum um bættan hag og að ráðstafanir yrðu gerðar til að draga úr atvinnuleysi og forsætisráðherrann viki. Nú er hins vegar farið að örla á því að menn hrópi slagorð gegn Abdullah kóngi og Rönju drottningu og þar með gætu mótmælin tekið á sig allt aðra og alvarlegri mynd.

Í Jemen er nú kyrrt í bili og ekki hefur komið til mótmælaaðgerða. Á hinn bóginn er ógerningur að spá um hvað gerist því mikil ólga kraumar undir. Eftir samtal mitt við nokkra jemenska vini segja þeir að stærsti stjórnarandstöðuflokkurinn - sem hefur sólarmerkið sem margir hafa séð í Jemen- sé að undirbúa aðgerðir og námsmenn fari um landið og reyni að virkja fólk. Í Aden hefur einnig komið til óeirða en þar virðist hljótt í augnablikinu.

Í Líbíu er Gaddafi taugaóstyrkur og hefur sagt að það sem er að gerast í Túnis sé hið versta mál. Hann hefur bætt því við að sams konar atburðir gætu aldrei gert í sínu landi en það hefur sýnt sig að atburðarásin síðustu daga hefur komið flatt upp á marga og leiðtogar í harðstjórnarríkjum og þar sem bágindi eru mikil eru skjálfandi á beinunum.

Þessu öllu og fleiru mun ég reyna að gera skil á fundinum á morgun og vænti þess að menn fjölmenni. Margir okkar félagsmanna hafa komið til þessara landa og hafa sterkar taugar til þeirra svo ekki verður hjá því komist að fjalla um þetta.

Vonast til að sjá sem flesta á morgun kl 14 í Kornhlöðunni.

Mótmælagöngur og óeirðir víða í Miðausturlöndum

2011-01-27T02:19:00.000-08:00

Tawakul Karman ásamt börnum sínum

Jemen hefur nú bæst í hópinn þeirra Miðausturlanda þar sem óeirðir og mótmæli fara vaxandi.
Í morgun (fimmtudag) fóru þúsundir um götur höfuðborgarinnar Sanaa og fleiri bæja í Jemen og höfðu uppi hávær mótmæli gegn Ali Abdullah Saleh forseta landsins og stjórn hans og kröfðust þess að hann viki.

Þessi ókyrrð í Jemen hófst fyrir alvöru fyrir nokkrum dögum, þó hún hafi ekki ratað í fréttir að ráði, þegar kunn óg dáð baráttukona fyrir mannréttindum og breytingu á stjórnarháttum, Tawakul Karman var handtekin. Þegar handtakan spurðist út hófust skipulögð mótmæli og blaðamannasamtök Jemens höfðu sig verulega í frammi.
Tawakul var látin laus og Saleh forseti lofaði að hefja viðræður við stjórnarandstöðuna sem hefur eflst í Jemen síðustu ár.

Hún sagði í viðtali að hún hefði ekki átt sérlega illa vist í fangelsinu en kvaðst eiga von á frekari mótmælunum enda hefðu landsmenn löngu fengið sig fullsadda af einræðisstjórn Ali Abdullah Saleh.
Ali Abdullah Saleh komst til áhrifa í landinu 1978 og hefur svo verið forseti frá því að suður og norður Jemen sameinuðust 1990. Hann hefur séð sig tilneyddan að gefa eftir á ýmsum sviðum en er afskaplega illa þokkaður af öllum þorra manna. Hann gaf fyrir nokkru út þá yfirlýsingu að hann mundi ekki gefa kost á sér eftir að kjörtímabil hans rennur út 2013. Menn rifja þá upp að þetta sagði hann einnig fyrir síðustu forsetakosningar.
Hann þykir grimmur maður og spilltur og svífst einskis. Hann er einn af tíu auðugustu mönnum Arabíuskagans í fátækasta landi Arabaheimsins þar sem 50 prósent ólæsi er nánast viðvarandi og atvinnuleysi er(óopinberar tölur) milli 30-35 prósent.

Gattneysla hefur áratugum saman staðið framförum í landinu fyrir þrifum og ríkisstjórnin hefur talið hið besta mál að gera lítið eða ekkert til að draga úr henni og meðan þjóðinni er haldið í eiturlyfjavímu gatts hefur fátt orðið sem til framfara horfir.

Nú virðist sem Jemenar ætli að grípa til einhverra ráða og sýna í verki andúð á stjórnvöldum og mótmæla bágum kjörum. Tawakul Karman segir að þakka megi þetta sem nú er að gerast í Egyptalandi og Jemen megi rekja til hinnar sjálfsprottnu jasmínuppreisnar í Túnis þar sem einræðisherrann Ben Ali hefur hrökklast frá völdum og leitað skjóls í faðmi vinastjórnar Bandaríkjamanni, konungsstjórn Sádi Arabíu.

Ekki er þegar þetta er skrifað fullljóst hvað gerist frekar í Jemen og heldur ekki hvort manntjón hefur orðið. Vitað er þó að allmargir hafa særst og verið færðir í fangelsi.

Baráttumenn innaan stjórnarandstöðunnar staðhæfa að þeir muni halda áfram mótmælum og þeir séu tilbúnir að fórna lífi geti það orðið til að stjórn Ali Abdullah Saleh fái á baukinn svo um munar.

Verður bál í Egyptalandi?
Það er einnig mikið umhugsunarefni hvað hefur gerst síðustu daga í Egyptalandi enda fjölmennasta land þessa heimshluta og kúgun og illa þokkuð stjórn Múbaraks forseta ætti að sjá sóma sinn í að fara frá völdum ella er hætta á algeru blóðbaði í því landi.
Það er mér persónulega gleðiefni að heyra að Mohammed El Baradej Nóbelsverðlaunahafi og fyrv. yfirmaður Alþjóða kjarnorkumálastofnunarinnar mun vera á leiðinni heim og kveðst muni ganga til liðs við stjórnarandsttöðu og mótmælendur. Baradej nýtur óumdeildrar virðingar þó svo Bandaríkjamenn hafi ekki litið á hann sem sinn eftirlætismann enda hafði hann ásamt Hans Blix með höndum rannsókn í Írak fyrir innrásina 2003 og við þá rannsókn kom ekkert fram sem var talið réttlæta innrás fjölþjóðahersins í Írak.

Hver verður niðurstaðan?
Um það er auðvitað alltof snemmt að spá. En þótt skelfilegir atburðir séu að gerast í þessum heimshluta vina okkar er þó jákvætt að það eru heimamenn sem hafa risið upp og vilja varpa af sér oki harðstjórnar og misréttis því í Jemen og Túnis bendir ekkert til að svo stöddu að Bandaríkjamenn hafi blandað sér í málið.
Það væri á hinn bóginn hugsanlegt að þeir gætu veitt Múbarak "aðstoð" í Egyptalandi enda eru Egyptar, ásamt Sádum einhverjir dyggustu bandamenn þeirra þótt árangurslausar tilraunir séu gerðar til þess í Egyptalandi að fela þá staðreynd sem allir gera sér grein fyrir sem til mála þekkja.

Mistök leiðrétt

2011-01-24T15:32:00.000-08:00

Þessa mynd tók Steingrímur Jónsson af ísraelskum hermönnum í Hebron sem höfðu horn í síðu íslensks ferðahóps sem þeim þótti fullforvitinn.

Þessi mynd er birt hér vegna þess að í nýútkomnu fréttabréfi- í grein um Palestínu- var ekki skráður réttur höfundur myndarinnar. Steingrímur á heiðurinn af þessari mynd. Máni Hrafnsson tók allar hinar.

Það er eiginlega mjög merkilegt að hann skyldi ná þessari mynd því venjulega eru ísraelskir hermenn snöggir að láta menn eyða óheppilegum myndum af sér. En Steingrímur sneri einhvern veginn á þá.

Þetta leiðréttist hér með og Steingrímur beðinn afsökunar.

Vona að sem flestir séu búnir að fá fréttabréfið okkar þegar þetta er skrifað.

Minni svo enn og aftur á fundinn okkar um helgina þar sem umræðuefnið er Kúrdistan.

Einnig bendi ég á tveggja kvölda námskeið hjá Mími símennt um Miðausturlönd fyrr og nú sem ég verð með 1. og 3.febr.

Fundur um ástand og horfur í Kúrdistan- síðasti hópur Jemenstúlkna

2011-01-18T06:03:00.000-08:00

Fyrsti fundur okkar á árinu verður haldinn í Kornhlöðunni í Bankastræti 30.jan. n.k. og hefst kl. 14. Þar mun Susan Rafik Hama frá Kúrdistan tala um Kúrdistan, sögu, stöðu og horfur. Susan er búsett á íslandi og er í mastersnámi við Háskóla Íslands. Kúrdar eiga sér flókna og margbrotna sögu og verður án efa forvitnilegt að hlusta á Susan og leggja fyrir hana spurningar að erindi loknu.

Félagar og gestir eru hvattir til að fjölmenna. Muna einnig félagsgjaldagreiðslur.
Endilega munið að nýir félagar eru velkomnir.

Palestína og Eþíópía
Ef á að verða af Palestínuferð í nóvember á þessu ári eins og áhugi virðist á þurfa menn að skrá sig fljótlega því ég þarf að panta með góðum fyrirvara. Hún yrði í byrjun nóv ef af verður.

Upplýsingar um frumáætlun til Eþíópíu og verðhugmynd sprettur inn á síðuna áður en langt um líður. Þá þurfa áhugasamir að ítreka vilja og áhuga á að taka þátt í ferðinni.

Stúlkur síðasti hópur Jemen

Skal tekið fram að G 118 er hætt í skólanum og því hafa stuðningsmenn hennar fengið nýja stúlku og vona það sé allt í lagi.

Ástæðan fyrir því að Hanan hætti er sú að hún er 19 ára og í bígerð að hún gifti sig. Hún var ákaflega góður nemandi og tók bæði ensu og tölvunámskeið áður en hún hætti

Annað vil ég benda á: Sl. sumar luku þó nokkrar stúlkna okkar stúdentsprófi. Ég lét stuðningsmenn þeirra vita og bað þá að taka að sér ný börn. Nokkrir gerðu það og frá sumum heyrði ég ekki. Einhverjir greiddu og þar með ályktaði ég náttúrlega að þeir vildu taka að sér ný börn. Síðar kom í ljós að einn nemandinn Fayrouz Al Hamly hafði fallið og vildi reyna að taka síðasta bekk aftur. Henni var þá snarlega útvegarður nýr stuðningsmaður þar sem ég hafði sagt Ragnhildi Árnadóttur sem hafði stutt hana dyggilega í 5 ár að Fayrouz hefði lokið stúdentsprófi.

Þó svo stúdentsprófi sé náð hefst háskólanám ekki fyrr en ári síðar og nemendurnir gegna samfélagsþjónustu næsta árið og síðan er metið skv einkunnum þeirra hvort þeir komast í þær greinar í háskóla sem þeir kjósa. Flestar stúlknanna eru þá komnar með giftingarfiðring og óska ekki eftir að fara í frekara nám. Auðvitað misjafnt en við fylgjumst með þeim og látum vita.

Sums staðar hef ég sett inn aukastuðningsmann. Það er vegna þess að mælst var til þess að borgað yrði að fullu með börnunum eigi síðar en núna.
Það hef ég nú gert en þar með á sjóðurinn slatta af peningum inni hjá þeim sem borga reglulega. Vinsamlegast látið það ekki klikka. Stöku stuðningsmenn virðast hafa gleymt að þeir tóku að sér barn og þurfa að greiða með því.

Langflestir hafa þó lokið greiðslu eða greiða reglulega. Bestu þakkir fyrir það.

G 84Haseina Naser Mohamed Al Ansee Bryndís Símonardóttir

Umsögn:
Haseina er 16 ára. Hún er meðalnemandi en býr við afskaplega erfiðar heimilisaðstæður. Hún hefur þó náð upp í 8.bekk og lengi var ekki útlit fyrir að hún mundi treysta sér í skólann. Haseina gladdist yfir að fá stuðning og var bætt í hópinn.

G 94 Sumah Hameed Al Hashme- Ragnhildur Árnadóttir

Umsögn Sumah er 19 ára og er í síðasta bekk grunnskóla. Hún er bókavörður miðstöðvarinnar, fálát stúlka og seintekin en mikil fyrirmyndarmanneskja

G 95 Amna Kasim Rezq Al Jofee- Hjallastefnan

Umsögn: Amna er 13 ára og er í 7.bekk. Hún hefur staðið sig með afbrigðum vel undanfarna vetur og stóðst próf sl vor. Hún hefur gaman að því að semja sögur, snjöll í stærðfræði. Hún hefur aðeins slakað á það sem af er vetri en talað hefur verið við hana og hún lofar bót og betrun

G 97 Amani Abdulkareem Al Unsee- Hjallastefnan

Umsögn: Amana er 14 ára gömul og er í 7 bekk. Hún náði prófum sl vor og er dugleg og vill gera vel. Hún er metin með meðalgreind

G 98 Ayda Abdullah Mohamed Al Ansee- Guðrún S. Guðjónsdóttir

Umsögn: Ayda er 16 ára gömul og hefur sótt miðstöðina samviskusamlega í þrjú ár. Henni gengur vel í skóla, er iðin og vinnusöm. Hún er nú í 9.bekk.

G 101 Arzaq Yheia Hasan Al Hyme- Ágerður Eyþórsdóttir

Umsögn: Arzaq er tú ára gömul. Hún nær alltaf prófi milli bekkja. Fjölskylda hennar er flutt út fyrir Sanaa en hún kemur þegar hún getur.

G 102 Thawra Yusaf Mohamed Al Same- Sigríður Þórðardóttir

Umsögn: Thawra er 21 árs og hefur gengið vel. Hún hefur nýlega gengið í hjónaband en mun trúlega sækja stöðina til vors en hættir þá

G 103 Zaynab Yahya Al Hayme- Hjallastefnan

Umsögn:
Zaynab er 16 ára. Henni mistókst að ná prófi milli bekkja síðasta for og er því enn í 6.bekk. Erfiðleikar á heimilinu því móðir hennar hefur yfirgefið heimilið og börnin. Amman er komin til liðs en Zaynab er mjög ábyrg gagnvart yngri systkinum. Reynt er að veita henni stuðning og örvun.

G 104 Rasha Abdulmalik Al Ansee- Helga Harðardóttir/Sturla Jónsson

Umsögn: Rasha er tíu ára og er í 3.bekk. Hún nær alltaf öllum prófum og virðist eiga auðvelt með að læra. Hún er afar félagslynd

G 105 Asma Mohamed Shiek- Guðríður Hermannsdóttir

Umsögn:
Asma er níu ára og fór létt með próf upp í fjórða bekk sl vor. Hún virðist hafa sérlega gaman að stærðfræði og er auk þess mikill lestrarhestur.

G 106 Ranya Yessin Al Shebani- Aðalbjörg Karlsdóttir/Jósefína Friðriksdóttir:

Umsögn: Ranya er 14 ára. Hún er nú í níunda bekk og sækir skólann og miðstöðina reglulega. Móðir hennar er í hannyrðakennslu í stöðinni og sér um að dóttirin mæti samviskusamlega.

G 107 Reem Yessin Al Shebani- Kolbrún Vigfúsdóttir

Umsögn: Reem er 12 ára. Foreldrar hennar eru ólæsir og óskrifandi en mamma hennar sækir fullorðinsfræðsluna. Hún er metin með meðalgreind og leggur sig mjög fram

G 108 Heba Yessin Al Shebani- Sólveig Hannesdóttir

Umsögn Heba er 17 ára og hún og G 107 eru systur. Fjölskylda þeirra glímir við sára fátækt eins og á raunar við um flest börnin. Heba er metin yfir metalgreind. Hún er mikið tölvugúrú og sækir öll tölvunámskeið sem henni bjóðast. Hún vinnur mjög vel.

G 109 Suha Hameed Al Hasmee- Eva Pétursdóttir/Axel Axelsson

Umsögn Suha er 12 ára gömul. Hún var mjög feimin og einræn fram af en hún hefur tekið ótrúlega miklum framförum. Hún hefur sótt stöðina þau ár sem núverandi stuðningsmenn hafa hjálpað henni en var algerlega ólæs og óskrifandi þegar hún byrjaði hér. Hún tekur nú þátt í alls konar félagsstarfi og nýtur sín vel. Hún sækir tölvunámskeið í vetur og gengur vel. Henni hefur tekist að komast upp í 7.bekk með mikilli iðjusemi því fyrstu árin í skólanum virtist lítið verða úr lærdómi.
Ástæða er til að vera mjög ánægður með Sumha.

G 110 Sameha Hameed Al Hashmee- Eva Pétursdóttir/Axel Axelsson

Umsögn: Sameha er systir G 110. Hún er 13 ára og er í bekk 8. Hún var ekki vel á vegi stödd áður en hún fékk stuðning en hefur sótt í sig veðrið og þær systur teljast meðal þeirra sem hafa náð bestum árangri miðað við hvað þær voru illa staddar þótt þær hefðu verið að nafninu til í skóla áður.

G 111 Rehab Hussan Al Shameri-Margret Fafin Thorsteinsson

Umsögn: Rehab er ellefu ára gömul og hún er metin undir meðalgreind en leggur sig svo hart fram að það er til fyrirmyndar. Hún er nú í 4. Bekk.

G 113 Raqed Kamal Al Zonome- Guðný Ólafsdóttir

Umsögn: Raqed er 9 ára og er í 3.bekk. Hún á erfitt með nám en vill standa sig og fær mikla hvatningu. Hún og G 114 eru systur. Þær eru báðar vel liðnar og prúðar stúlkur.

G 114 Hadeel Kamal Al Zonome- Aðalsteinn Eiríksson

Umsögn: Hadeel er 11 ára og er í fimmta bekkekk. Hún sætir miðstöðina reglulega og móðir hennar er á fullorðinsfræðunámskeiðinu og er sérlega handlagin. Hadeel stendur sig með prýði, er glöð stúlka og móðir hennar er mjög áhugasöm um framfarir hennar

G 115 Fatuma Nasr Ahmed Al Jakey- Eygló og Eiður Guðnason
Umsögn:
Fatima er 18 ára gömul. Hún féll milli bekkja sl. ár ekki síst vegna álags því moðir hennar lést og hún tók það afar nærri sér og dró sig inn í skel og vildi ekki blanda geði við aðra krakka. Hún hefur jafnað sit og er að taka ensku og tölvunámskeið í miðstöðinni þar til móðir hennar lést. Hún er nú hjálpfús og dugleg og vill læra. Hún virtist úti á þekju en við rannsókn kom í ljós að hún efur slæma heyrn. Hún hefur fengið heyrnartæki og gengur nú miklu betur og sjálfraist hennar hefur lagast stórlega.

G 116 Thuraia Jamil Sharaf- Al Solwi- Guðríður Helga Ólafsdóttir
Umsögn:
Thuraia er 8 ára. Hún sækir skóla og skólamiðstöðina reglubundið. Hún á eftirr með að læra en er afskaplega samviskusöm og prúð stúlka sem ástæða er til að hjálpa.

G 117 Tagreed Ahmen Abdullah Ayash- Sveinbjörg Sveinsdóttir
Umsögn:
Tagreed er 10 ára gömul. Hún kemur í miðstöðina núna og er í fjórða bekk. Hún var oft veik sl. ár en tókst samt að ná prófi og er dugnaðarstúlka. Aðstæður á heimili hennar mjög erfiðar.

G 119 Shada Yiyia Galeb Al Mansoor- Margrét Guðmundsdóttir/Brynjólfur Kjartansson

Umsögn
Shada er 11 ára og komst upp í 5.bekk sl vor. Hún stendur sig vel í skóla. Hún á við veikindi að glíma og ekki enn ljóst hver þau eru en hún hefur verið send í rannsóknir. Samt er hún iðjusöm og missir aldrei neitt úr. Fjögur systkini hennar njóta einnig stuðnings Íslendinga og sækja miðstöðina.

G 122 Khadeja Nasser Heyla Anansee- Ásta K. Pjetursdóttir

Umsögn: Khadeja er 14 ára. Hún náði prófum sl. vor og er í sjöunda bekk. Hún er mjög þakklát fyrir þann stuðning sem hún fær, jafnlynd og efnileg.

G 123 Reem Abdullah Al Haymi – Valborg Sigurðardóttir

Umsögn
Reeem er 10 ára. Hún hefur staðið sig vel frá byrjun, sækir stöðina reglulega og er afar ánægjuleg stúlka og góður nemandi.

G 124 Maram Ameen Ahmed Al Kamel – Edda Gísladóttir/Þröstur Laxdal

Umsögn:
Maram er 10 ára gömul og virðist eiga auðvelt með að læra. Hún sækir miðstöðina reglulega og er fyrirmyndar nemandi og afar viðfelldin stúlka. Hún er er glettin stúlka, vinamörg og vinsæl.

G 125 Hanan Gihad Mohamed Al Hamadi- Ragnheiður Hrafnkelsdóttir

Umsögn:
Hanan er 17 ára gömul og afburðanemandi. Hún hefur sótt miðstöðina í 3 vetur og tekur einnig þátt í sumarnámsekiðum. Hanan var ólæs og óskrifamdo fra, iumdor 10 ára aldur en með einbeitni og dugnaði miðar henni vel og er nú komin upp í sjöunda bekk. Vegna heimilisaðstæðna hefur fjölskyldan fengið mánaðarlegar matargjafir. Hanan hefur sýnt áhuga á að sækja ensku og tölvunámskeið og byrjar vonandi í því fljótlega.

G 138 Tahani Abdullah Al Haymee- Sara Björnsdóttir/Anna Guðlaug Jóhannsdóttir

Umsögn: Tahani er tólf ára og hefur sóst námið vel enda er hún iðin og samviskusöm. Hún er í 6. bekk og hefur verið metin með meðalgreind. Hún er kurteis og geðug stúlka og afar þægileg í umgengni

G 140 Hana Mohamed Al Salimee- Margrét Jónasdóttir

Umsögn: Hana er 12 ára. Hún hefur sótt miðstöðina sl. 3 ár. Hún vinnur afbragðs vel og allt bendir til að hún hafi mjög mikla námshæfileika. Hún er nú í 6.bekk

G 141 Malak Salah Abdo Omer- Hjördís Geirdal

Umsögn:
Malek er 7 ára og þetta er annað árið sem hún sækir miðstöðina en hefur ekki fengið styrk fyrr. Hún hefur gaman að því að teikna, er músíkölsk og ákaflega félagslind. Hún missir aldrei tíma úr í skóla né í miðstöðinni.

G 142 Eiman Zakaria Ali Albadani- Anna Wilhelmsdóttir

Umsögn: Eiman er tíu ára. Hún hefur ekki fengið styrk áður og hóf því að koma í miðstöðina sl. haust. Hún á erfitt með nám og fær stuðningskennslu í nokkrum greinum. Hún vill gera vel

G 143 Amel Murad Sufaian – Martha Árnadóttir

Umsögn: Amel er 10 ára og hefur miklar námsgáfur. Hún byrjaði 6 ára og er nú í 5 bekk og gengur vel. Hún sækir miðstöðina að staðaldri.

G 144 Olla Fiqree Al Emad- Ólafía Hafdísardóttir

Umsögn: Olla er 7 ára. Hún byrjaði í skóla í haust. Hún er mikið indælisbarn og allra manna hugljúfi.

Og nú fer ég sem sagt að horfa á handboltaleikinn við Austurríki. Sæl að sinni.

ÍRAN- og UZBEKISTAN farar fjölmenntu á fundina

2011-01-16T08:59:00.001-08:00

Mjög góð mæting á báða fundina í dag. Íranfarar komu kl 14. Þeir fengu sín langþráðu vegabréf, flugmiða, farþegalista og annað það sem við átti. Ég hélt sýningu á kjólum sem ég hef viðað að mér vegna Írans svo konur áttuðu sig á því hver síddin á að vera og vernig skal hafa slæðuna og svo framvegis. Góð stemning, fínn hópur og held að allir hlakki til.

Samarkand í Uzbekistan
Síðan fylltu hjálparkokkarnir Þóra J. og Edda snarlega á diskana og Uzbekistanfarar í september streymdu á vettvang kl 15,30. Þeir fengu áætlun, farþegalista, greiðsluplan og nokkrar myndir frá stöðum sem við gistum á. Þeir munu á næstunni senda mér vegabréfssíðu sína og starfsstaðfestingu.
Í Uzbekistanferðinni eru einir átta sem eru að fara í sína fyrstu VIMA-ferð og virtust allir kátir og jákvæðir.

Báðir hópar fengu síðar reikningsnúmer félagssjóðs til að það sé nú allt í lagi.

Það var síðan drukkið te/kaffi, borðaðar döðlur frá Palestínu, rúsínur og gúmmulaði og voru allir í hinu besta skapi að því er mér sýndist.

Tek fram að ég set á eftir inn þátttakendalistann í Uzbekistanferðirnar báðar ef menn vilja kíkja og sjá hverjir eru væntanlegir þátttakendur.

Ánægð með fundina og allt í góðu standi.
Prýðisþátttaka er á Palestínumyndakvöldinu annað kvöld og set vonandi inn síðustu Jemenstúlkurnar á morgun eða hinn.

Umsagnir um annan Jemenstúlknahóp

2011-01-14T06:45:00.000-08:00

Fyrsti stúlknahópurinn sem við studdum í Jemen 2005-2006

Dansstúlka í Úzbekistan. Mynd JK
Munið fundinn með septemberhópi á sunnudag kl. 15,30. Þar verður afhent fullbúin ferðaáætlun og þátttakendalisti. Svo rúllum við yfir dagskrá og skröfum saman. Einnig fá menn greiðsluplan og ýmsar gagnlegar upplýsingar

Hér kemur hópur tvö stúlknanna sem við styðjum skólaárið 2010-2011. Ef þið rennið yfir listann sjáið þið að þó nokkrar stúlknanna eru í giftingarhugleiðingum síðar á þessu ári og hætta þá í skóla.
Engu að síður verður væntanlega leitað til stuðningsmannanna allra þegar líður á sumarið varðandi styrk því alltaf koma ný börn sem þurfa á hjálp að halda.

Það er ekki nokkur ástæða til að harma það þó þessar stúlkur gifti sig og hætti. Þannig gengur þetta bara fyrir sig. Auk þess hafa þær fengið góðan grunn sem mun nýtast þeim í framtíðinni, ég tala nú ekki um þegar þær fara sjálfar að eiga börn.

Auk þess verður að taka tillit til ýmissa þátta sem eru okkur framandi: stúlkur og raunar piltar líka þurfa oft að hætta í skóla. Foreldrar flytja sig um set, aðstæður eru þannig að skólaganga verður að sitja á hakanum ofl ofl.

Ég hef breytt nokkrum stuðningsmönnum/fært þá til af praktiskum ástæðum. Það stafar m.a. af því að ýmsir stuðningsmenn greiða mánaðarlega og ég þarf að senda síðustu greiðslu fyrir ÖLL börnin nú á næstu dögum. Það sem á vantar greiðist beint úr sjóðnum en ég bið þá sem hafa heitið stuðningi og síðan hafa greiðslumál lent í útideyfum að gera upp hið fyrsta um leið og ég þakka þeim sem borga reglulega eða hafa þegar gert upp og er það meirihluti stuðningsmanna.

Þetta er nýtt fyrirkomulag hjá Nouriu að ætlast til að borgað sé svo snemma á skólaárinu. Venjulega hefur ekki þurft að ljúka greiðslu fyrr en undir vor. En þá verður svo að vera.

Geri ráð fyrir að geta sett umsagnir um þær sem eftir eru fljótlega í næstu viku.

G 37 Fayrouz Mohamd al Hamly- Sigríður Karlsdóttir
Umsögn:

Fayrouz er 26 ára. Hún fór aftur í skóla fyrir fimm árum þegar hún og maður hennar skildu. Hún á þrjú börn sem búa hjá föður sínum. Hún hefur átt við veikindi að stríða- á tímabili talið að það væri MS- við kostuðum rannsóknir og það reyndist ekki vera. En hún er heilsulítil, á erfitt í skóla því hún er miklu eldri en aðrir. Samt sýnir hún dug. Hún reyndi við stúdentspróf sl. vor en féll. Við vissum það ekki fyrr en seint og um síðir og því var skipt um stuðningsmann. Fayrouz ætlar að ljúka námi og gerir það vonandi í vor.
Foreldrar hennar leggja mjög hart að henni að giftast aftur og trúlega gerir hún það á næsta ári.
Hún er í enskunámskeiði í skólamiðstöðinni núna. Hún teiknar og málar og hefur selt heilmargar mynda sinna í miðstöðinni og þar með aflað sér smátekna. Þrátt fyrir alls konar erfiðleika er hún jákvæð og vongóð.

G 38 Bushra Ali Abdo Omar- Kari Berg/Sigrún Eygló Sigurðardóttir
Umsögn:
Bushra er 15 ára og er í 8.bekk grunnskólans. Henni gengur ágætlega í námi og sækir í að koma í miðstöðina ekki síst félagsskaparins vegna.
Vinamörg og glaðsinna stúlka.

G 42 Bodore Nagi Obad- María Kristleifsdóttir
Umsögn:
Bodore er 17 ára og náði upp í áttunda bekk s. vor. Hún vinnur vel en þarf að hafa töluvert fyrir náminu. Hún vonast til að ljúka grunnskóla.
Hún hefur hitt stuðningsmann sinn og er mjög þakklát fyrir dyggilega aðstoð.

G 43 Reda Yehya Qaleb Al Ansee- Margrét Friðbergsdóttir/Bergþór Halldórsson
Umsögn:
Reda er 10 ára. Hún féll milli bekkja síðasta vor og tekur því bekkinn aftur, því hún verður að annast yngri bróður vegna erfiðleika á heimilinu. Hún er dugnaðarstúlka og sækir stöðina reglulega og tekur oft bróðurinn með.

G 44 Shada Yousef Mohamed Al Sammee- Sjöfn Óskarsdóttir/árni Gunnarsson

Umsögn: Shada innritaði sig mjög seint í stöðina og ég varð því að breyta um stuðningsmenn. Hún er 11 ára og síðan hún skráði sig hefur hún komið reglulega. Hún er í 5.bekk og góður námsmaður. Lengi stóð til að hún fengi ekki að halda áfram í skólanum en hún er afar glöð yfir að hafa fengið stuðning því henni veitir ekki af hjálp við heimanám. Aðstæður hennar eru erfiðar en hún stendur sig með prýði.

G 45 Anisa Qasim Al Jofee- Sigrún Valsdóttir

Umsögn: Anisa er tvítug. Fjölskyldan flutti í sumar og því kemur hún aðeins einu sinni í viku. Hún hefur staðið sig vel í skólanum og er góður námsmaður Það skyldi haft í huga að hún og fjölskylda hennar hefur áform um að hún gifti sig þegar þessu skólaári lýkur.

G 46 Bushra Sharaf Al Kadasse- Catherine Eyjólfsson
Umsögn:
Bushra er 18 ára og hún hefur náð upp í seinni bekk menntaskóla. Hún hefur áhuga á að gifta sig þegar hún lýkur prófinu nú í vor. Hún býr alllangt frá skólamiðstöðinni og kemur ekki reglubundið. Bushra stendur sig ágætlega í skólanum.

G 47 Fatten Sharaf Al Kadasse- Bjarnheiður Guðmundsdóttir/Sigfinnur Þorleifsson

Umsögn:
Fatten er 10 ára og er nú í 4 bekk af því hún fær stuðning. Hún er greind stúlka og skynsöm og framfarir hennar eru eðlilegar í alla staði.

G 49 Sabreen Farooq Al Shargabi- Guðrún S. Guðjónsdóttir

Umsögn:
Sabreen er 17 ára og er í seinni bekk menntaskóla. Hún stóðst öll próf sl vor og tekur þátt í uppákomum skólamiðstöðvarinnar. Framan af var honum óörugg og oft hranaleg en hefur tekið jákvæðum breytingum

G 50 Fatima Abdullah Al Kabas- Ragnheiður Jónsdóttir/
Umsögn:
Fatima er 17 ára og er í tæknideild ríkisskóla í hverfinu sínu. Hún sækir ensku og tölvutíma í stöðinni. Hún er hljóðlát og kurteis í hvívetna.

G 51 Azhar Abdulmalik Al Badani – Helga Sverrisdóttir

Umsögn:
Azhar er 17 ára og er í næst síðasta bekk í grunnskóla. Henni gengur vel og hefur einstaklega gaman að því að taka þátt í félagsstörfum. Hún er afar sjálfstæð stúlka

G 52 Safwa Sadek Al Namoas- Hildur Guðmundsdóttir

Umsögn :
Safwa er 18 ára og kemur alltaf í stöðina. Safwa er í síðasta bekk grunnskóla. Hún hefur náð afburða góðum námsárangri og er bæði geðug stúlka og hjálpfús. Hún mun trúlega gifta sig að loknu þessu skólaári.

G 53 Fatema Samer Al Radee- Guðrún Davíðsdóttir

Umsögn:
Fatima er 17 ára og í 10. bekk. Hún er einstaklega blíðlynd og geðug stúlka. Hún kemur ekki eins reglulega og fyrr í stöðina vegna þess að foreldrar hennar fluttu. Hún hefur fengið allan búnað, flíkur og skólabúning og er ákaflega þakklát fyrir stuðninginn. Ekki ljóst hvort hún muni halda áfram.

G 54 Reem Farouq Al Shargabi- Margrét Blöndal

Umsögn:
Reem er 14 ára og er í sjöunda bekk. Hún er ákveðin, hress og mikill spaugari. Hún stendur sig vel og er ákaflega félagslynd. Hún hefur lag á að hvetja alla í kringum sig. Hún er í stúlknafótbolaliði skólamiðstöðvarinnar og hefur fengið ýmsar stúlknanna til að taka þátt í því. Sannur gleðigjafi.

G 59 Sumyah Galeb- Stella Stefánsdóttir

Umsögn:
Sumyah er 16 ára og er í sjöunda bekk. Fjölskylda hennar flytur í vor í þorp langt frá Sanaa svo hún verður ekki í hópi þeirra sem sækja miðstöðina næsta ár. Hún er dugnaðarstúlka

G 60 Aysha Abdulkareem Al Ansee- Þorgerður Arnardóttir/Herdís Kristjánsdóttir

Umsögn:

Aysha er 12 ára og er nú í 5.bekk. Hún nær alltaf öllum prófum og sækir miðstöðina. Hún er hlédræg og prúð stúlka sem öllum er vel við

G 64 Samar Yeheia Hasan Al Hymee- Svava Pétursdóttir/Gunnar Halldór Gunnarsson

Umsögn: Samarer 18 ára og er í fyrri bekk menntaskóla. Er dugleg stúlka, leggur hart að sér en hefur ekki komið nægilega reglubundið af því hún á heima langt í burtu. Ákveðið hefur verið að greiða fyrir því að hún sæki stöðina að staðaldri til vors en hún hefur nú trúlofað sig og giftir sig sennilega á næsta ári.

G 65 Intedar Hameed Al Harbe- Hanna Dóra Þórisdóttir/Gunnar Gunnarsson

Umsögn:
Faðir hennar vinnur sem bílstjóri. Hún kemur reglulega þótt um langan veg sé að vera. Hún stendur sig prýðilega og fær enda hvatningu og örvun. Örbirgð heimilisins er mjög mikil og fjölskyldan hefur verið studd með matargjöfum. Intedar er fædd árið 1994. Hún er nú í 11.bekk.

G 68 Toryah Yehia Aoud Aoud- Kristín Einarsdóttir

Umsögn:
Toryah er 11 ára. Hún féll sl vor og tekur bekkinn upp aftur núna. Hún sækir miðstöðina að staðaldri til að fá aðstoð. Hún er í bekk 4. Hún þarf að hjálpa móður sinni við ræstingar á hverjum degi.

G 69 Weijdan Mohamed Abdo Al Sabibi- Þorsteinn Gíslason

Umsögn;
Wajdan er 7 ára og er í 2.bekk. Hún sækir skólamiðstöðina að staðaldri. Hún er iðin og samviskusöm. Hún hefur verið metin með meðalgreind.

G 70 Ayah Mohamed Abdo Al Sabibi- Þorsteinn Gíslason

Umsögn:
Ayah er 8 ára og í bekk 3. Hún er dugleg stúlka og áhugasöm og sækir tíma vel. Hún og G69 eru systur

G 71 Hanadi Abdulmalek Al Ansee- Ingvar Teitsson

Umsögn:
Hanadi er 13 ára. Hún féll á prófi síðasta vor og tekur 7 bekk því aftur. Hún hefur þurft að sjá um systkini sín meðan móðir hennar vinnur en reynir eftir föngum að sækja skólann og koma í miðstöðina. Hún er áhugasöm en á erfitt með sumar greinar.

G 75 Shymaa Ali Mohamed Al Shmeree- Anna Margrét Björnsdóttir/

Umsögn:
Shymaa er 14 ára og er í áttunda bekk. Hún er skarpur námsmaður og mjög áhugasöm. Alltaf náð prófi. Tekur þátt í félagsstarfi og er vel liðin.

G 76 Najeeba Ali Abdo Al Jabal- Ragnhildur Rósa Þórarinsdóttir

Umsögn: Najeeba er 18 ára og er í níunda bekk. Hún sækir vel miðstöðina. Hún fæst við að skrifa ljóð og hefur gaman að því að teikna. Hún er hjálpfús og glaðlynd.

G 77 Entesar Yheia Awoud Al Radee- Vilborg Sigurðardóttir/Vikar Pétursson

Umsögn:

Entesar er 15 ára gömul og er í níunda bekk. Hún er afburða námsmaður. Hún kemur að staðaldri og er einkar þægileg og kurteis stúlka sem vill alltaf leggja öðrum lið.

G 79 Garam Abdullah Al Sharabi- Björg Bjarnadóttir/Víðir Benediktsson/Herdís Kristjánsdóttir

Umsögn:
Garam er 15 ára gömul og er í níunda bekk. Hún hefur alltaf náð prófi milli bekkja og hefur mikinn metnað. Fjölskylduaðstæður hennar eru erfiðar. Hún hefur mjög viðfelldna framkomu og er glaðlynd og hjálpsöm við yngri krakkana

G 80 Bagdad Hussan Al Shameeri- Sigrún Einarsdóttir

Umsögn:

Bagdad er 12 ára og er í 6.bekk. Hún er ný í hópnum.Hún þarf mikla aðstoð og gerir sér grein fyrir því Á tímabili kom hún ekki reglubundið svo talað var við föður hennar. Eftir það hefur mæting batnað. Hún á sjö systkini og faðir hennar vinnur á þvottastöð.

G 81 Hekmat Amin Al Kamel- Kristín Ásgeirsdóttir Johansen

Umsögn:
Hekmat er 12 ára og er mikil námsmanneskja, auk þess að vera iðin og samviskusöm. Aldrei fallið milli bekkja. Hún kemur alltaf í stöðina og allt gott um hana að segja. Hún er nú í sjöunda bekk.

G 82 Hyefa Foud Al Radee- Katrín Björgvinsdóttir

Umsögn:
Hyefa er tólf ára og er í fjórða bekk. Hún er ný í hópnum. Hyefa á tvo bræður. Móðir hennar vinnur á sjúkrahúsi en ekki er tilgreint hvernig staða föður er. Hyefa var lukkuleg að fá stuðning og vill standa sig með sóma.

G 83 Kareema Abdullah Al Shargabi- Jónína Dagný Hilmarsdóttir

Umsögn:
Kareema er ný í hópnum. Hún er 12 ára og er í fimmta bekk. Hún á sex systkini. Faðir hennar er kominn á eftirlaun sem eru afar lág í Jemen og mikil fátækt á heimilinu. Kareema er dálítið á eftir þar sem hún fékk ekki stuðning fyrr en sl haust. Hún hefur sluksað dálítið að sækja miðstöðina en talað hefur verið við móður hennar um það og síðan hefur hún verið duglegri að mæta og virðist eiga gott með að læra.

Fréttabréf og fundur
Dóminik ritstjóri fréttabréfsins okkar og liðsmenn hennar eru að leggja síðustu hönd á fréttabréfið sem verður að venju með mögu fýsilegu efni og verður sent til félagsmanna á næstunni.

Vinsamlegast látið vita ef þið hafið skipt um heimilisfang.

Vona einnig að félagar sem hafa veitt góða aðstoð við að dreifa fréttabréfinu verði til í tuskið núna líka. Það sparar burðargjöld

Vil einnig hvetja fólk til að gera upp félagsgjaldið sem er 3 þúsund kr. Númerið er á síðunni undir hlekknum Hentug reikningsnúmer.

Janúarfundur verður í mánaðarlok og nánar auglýstur strax eftir helgina.
Bless í bili

Umsagnir um fyrsta hóp Jemenstúlknanna-- vegabréf og fleira góðmeti

2011-01-10T07:09:00.000-08:00

Vegabrét Íranfara eru komin! Þau verða afhent ásamt með miðum og öðrum ferðagögnum á fundinum á sunnudag. Bið fólk lengstra orða að mæta á fundinn stundvíslega og allir hafa fengið fundarboð. Gjöra svo vel og staðfesta sig.

Uzbekistan- seinni ferð
Þar sem seinni Uzbekistanferð er nú fullskipuð verður fundur með þeim að Íranfundi loknum. Hef einnig sent þeim fundarboð og þeir fá þar greiðsluáætlun, áætlun að mestu fullbúna.

Palestína?
Hef fengið fyrirspurnir um aðra Palestínuferð. Ef menn hópa sig saman snarlega kemur það áægtlega til greina og yrði þá á svipuðum tíma og síðast það er í nóvember 2011.
Láta vita um það.

Hér eru umsagnir um fyrsta Jemenstúlknahópinn okkar.

Ath að ég hef orðið að breyta eða færa til stuðningsmenn nokkurra stúlkna þar sem Nouria Nagi hækkaði fyrirvaralaust gjaldið með þeim og aukin heldur varð ég að senda greiðslu með öllum börnunum, einnig fyrir þau börn sem ekki hefur verið greitt fyrir nema að hluta.

Vona að allir taki því vel og vinsamlega. Fyrir mestu er að 126 börn njóta stuðnings til skólagöngu þetta árið.

G 3 Saadah Abdallah Ali Hussein Al Remee- Lára júlíusd/Þorsteinn Haraldsson

Umsögn: Saadah er 12 ára og í 5. bekk en hefur einu sinni fallið milli bekkja. Hún sýnir vilja til að standa sig vel og sækir miðstöðina reglubundið. Hún á ekki auðvelt með nám og þarf sérstaka hvatningu.

G 4 Tahanee Abdallah Ali Hussein Al Remee- Jóna Björnsd/ Hermann Óskarsson

Umsögn: Thanee er 11 ára og systir G 3. Hún stendur sig vel í námi og er í 5.bekk því hún hefur alltaf náð milli bekkja. Heimavinna hennar er til fyrirmyndar

G5 Khload Mohamed Ali Al Remee- Hulda Hákonar
Umsögn: Khload er 11 ára. Hún kemur alltaf í miðstöðina. Hún er metin með meðalgreind. Hún sýnir iðni og vinnur prýðilega.

G6 Abeer Abdo Al Zabibi- Ólöf Arngrímsdóttir
Umsögn: Abeer er 15 ára og stóðst öll próf sl vor. Hún er metin með meðalgreind. Hún sækir miðstöðina á þeim dögum sem hún á að koma og það hefur vart brugðist frá því hún hitti stuðningsmann sinn í eigin persónu. Hún er kurteis og glaðlynd stúlka

G 7 Bahayeer Nabil Abbas – Vaka Haraldsóttir

Umsögn: Bushayeer er 13 ára og er í 6.bekk. Hún býr langt frá stöðinni en kemur engu að síður. Hún átti í erfiðleikum í nokkrum fögum en hefur lagt sig fram og árangur hennar hefur batnað stórlega

G 10 Uesra Mohamed Saleh Hussein Al Remee- Ingunn Svavarsd/Sigurður Halldórsson
Umsögn: Uesra er 13 ára. Hún er í fimmta bekk og hún nær alltaf öllum prófum vegna þess að hún er samviskusöm og á auðvelt með að læra. Hún er félagslynd og afar vinsæl.

G9 Takeyah Mohamed Ahmad Al Matari- Dominik Pledel Jónsson

Umsögn:
Takeyah er 11 ára. Hún sækir miðstöðina þá daga sem hún á að mæta. Hún er tápmikil stúlka sem býr við erfiðar fjölskylduaðstæður en lætur það ekki slá sig út af laginu og er ágætis nemandi. Hún er í 6.bekk.

G 11 Hind Abdo Yahya Bo Belah- Guðrún Ólafsd/ Herdís Kristjánsdóttir

Umsögn:
Hind er 14 ára. Hún hefur komið til að sækja skólabúning og EID flíkur en hefur ekki mætt eins reglulega þar sem miklir erfiðleikar eru á heimilinu. Faðir hennar hefur átt í veikindum. Reynt er að veita henni uppörvun og aðstoð eftir föngum. Hún náði prófi upp í 7. bekk sl. vor

G12Bushra Ali Ahmad Hussein Al Remee- Katrín Ævarsdóttir

Umsögn:Busra er 12 ára. Móðir hennar lést úr krabbameini s.l ár og hún annaðist systkini sín í veikindum móðurinnar og átti erfitt og á það enn.Faðir hennar giftist aftur og nú búa Bushra og systkini hennar hjá móðursystur sinni. Busra er seigur námsmaður en hefur ekki sótt miðstöðina reglulega í vetur. Vonandi stendur það til bóta. Hún er í 7.bekk.

G 13 Nusaiba Jamil Sharaf Al Salwee Þorgerður Sigurjónsdóttir

Umsögn: Nusaiba er 16 ára og er í síðasta bekk grunnskóla Hún er traustur og pottþéttur nemandi, vinnur vel og er áfram um að standa sig vel.

G 15 Fatten Abdo Yahya Bo Belah- Guðrún Halla Guðmundsdóttir

Umsögn: Fatten er 18 ára og í 9.bekk. Hún er trúlofuð og vill gifta sig á næsta ári. Við höfum hvatt hana til að ljúka 9.bekk. Fatten er geðug, áhugasöm og hefur góð áhrif á fólk í kringum sig.

G 17 Ahlam Abdul Hamid Al Dhabibi – Ingveldur Jóhannesdóttir

Umsögn: Ahlam er 15 ára og leggur sig alla fram. Hún er í 7.bekk sem verður að teljast mjög góð frammistaða því hún þarf að hafa töluvert meira fyrir námi en margir. Hún hefur upp á síðkastið lagt æ meiri rækt við að teikna og mála og góður árangur í því hefur veitt henni aukið sjálfstraust.

G 19 Sara Mohamed Saleh Hussein Al Remee- Sigríður G. Einarsdóttir

Umsögn: Sara er 13 ára. Hún hefur alltaf náð prófum milli bekkja og vinnur vel. Hún er góðviljuð og glaðlynd og tekur þátt í félagsstarfi

G20 Shemah Abdul Hakim Abdul Baqi Al Joneed- Guðmundur Sverrisson

Umsögn: Shemah er 13 ára og er komin í 9. Bekk. Hún er góður nemandi og hefur mörg áhugamál. Nú hefur hún fengið áhuga á teiknun og málun og nokkrar myndir hennar hafa selst í miðstöðinni. Hún sækir um þessar mundir námskeið í ensku

G 21 Hyefa Salmane Hasan Al Sharifi- Borghildur Ingvarsdóttir

Umsögn:Hyefa er 14 ára. Hún hefur nú nám í 9 bekk. Fjölskyldan býr nokkuð langt frá miðstöðinni svo hún kemur ekki reglulega. Hún sækir skóla sinn og gengur prýðilega

G 22 Rawia Ali Hamod Al Jobi – Kristín Sigurðard/Geir Þráinsson

Umsögn: Rawia er 12 ára. Hún er í 7.bekk og stendur sig mjög vel. Hún er ekki fyrirferðarmikil en alltaf liggur vel á henni. Miðar vel

G23 Hayat Mohamed Ahmad Al Matari- Kolbrún Eydís Ottósdóttir

Umsögn: Hayat er 15 ára. Hún er í 9 bekk. Hún hefur alltaf staðist próf milli bekkja, er ötul og samviskusöm. Fjölskylda hennar býr nokkuð langt frá miðstöðinni og því kemur hún ekki reglulega. Hún sinnir heimanámi sínu engu að síður afar vel.

G 24 Safa Jamil Sharaf Al Salwee- Ragnheiður Hrafnkelsdóttir

Umsögn: Safa er 16 ára og er í 9.bekk. Hún tilkynnti sig seint sl haust í miðstöðina og var hrædd um að hún hefði þar af leiðandi misst af stuðningi. Gladdiast að svo var ekki. Erfiðleikar á heimilinu vegna veikinda móður hennar og Safa verður að taka á sig meira enAh

G 25 Rasha Abdo Hizam Al Qodsi – Hulda Waddell/Örn Valsson

Umsögn: Rasha er 14 ára og hóf nám í 9 bakk í haust. Hún hefur alltaf náð milli bekkja, stendur sig vel. Hefur góða framkomu.

G 26 Leeqa Yassen Mohamed Al Shybani- Þorgerður Þorvaldsdóttir/Kristján Edvardsson

Umsögn: Leqqa er 9 ára og indælt barn. Hún er áhugasöm og vill standa sig vel. Hún er í 4 bekk og allt gott um hana að segja

G 27 Leebia Mohmaed Al Hamery- Svanhildur Pálsdóttir

Umsögn: Leebia er 17 ára og komst í 9 bekk sl haust. Hún er hljóðlát og blandar ekki mikið geði við hin börnin. Hún hefur alltaf staðið sig vel og er góður námsmaður.

G 29 Nassim Abdul Hakim Baqi Al Joneed –Jóhanna Kristjónsdóttir

Umsögn: Nassim er skarpur nemandi, samviskusöm í verkum sínum og mjög hugsandi. Hún hefur tekið þátt í tölvunámskeiði og valdi sér að skrifa um gattneyslu Jemena. Hún er nú á enskunámskeiði. Hún hefur upp á síðkastið sótt teiknitíma og virðist liðtæk í því. Hún er nú í 11.bekk

G 30 Hayfa Ali Awad Al Radi- Guðrún Sverrisdóttir

Umsögn: Er góður og hugmyndaríkur nemandi. Jákvæð stúlka og keppist við. Hún er öll af vilja gerð að hjálpa þeim sem virðast eiga í erfiðleikum.

G 31 Reem Abdo Ahmed Al Kshani- Þorgerður Þorvaldsdóttir/Kristján Edvardsson

Umsögn: Reem er 11 ára. Hún er félagslynd og alltaf til í að prófa eitthvað nýtt. Gaðlynd og hjálpfús og dugnaðarnemandi.

G 32 Hanan Mohamed Ahmad Al Matari- Jóna Einarsdóttir/Jón Helgi Hálfdanarson

Umsögn: Hanan er 18 ára. Þegar hún hóf að koma í miðstöðina var hún feimin og hlédræg en hefur smátt og smátt breyst í glaðsinna og brosmilda stúlku. Hún hefur forystuhæfileika. Hún er nú í seinni bekk menntaskólans og hefur alltaf gengið vel í námi

G 33 Ola Mohamed Abdulaleem Ghalev- Ásdís Ámundadóttir

Umsögn: Ola er 10 ára. Hún þarf töluverðan stuðning við heimanám en er mjög samviskusöm og viljug. Hún er nú í 4.bekk.

G 34 Ghadah Mohamed Ali Nser- Þóra Jónasdóttir

Umsögn:Ghadah er 19 ára og verður að taka 11.bekk aftur í vetur. Hún er prýðisstúlka og þau ár sem hún hefur notið stuðnings hefur sjálfstraust hennar eflst. Hún tekur þátt í félagsstarfi og er sérlega geðþekk og hjálpsöm stúlka. Ghada vill ná árangri og mun væntanlega takast það.

G 35 Susan Mohamed Saleh Al Hamley – Ingibjörg Hulda Yngvadóttir

Umsögn: Susan er 17 ára og er í síðasta bekk grunnskóla. Hún er góður námsmaður. Susan er prúð og hefur fallega framkomu. Hún tekur þátt í félagsstarfi

G36 Sara Thabet Al Ryashi- Eva Júlíusdóttir

Umsögn: Sara er 18 ára og er í 6.bekk. Hún sækir miðstöðina reglulega og leggur hart að sér. Hún lætur ekki mikið fyrir sér fara en er alltaf fús að leggja öðrum lið. Framfarir hennar eru eðlilegar.

Hef fengið fyrirspurnir frá stuðningsmönnum sem sjá ekki sín börn. Tók fram að ég yrði að gera þetta í skömmtun. Allir strákarnir eru komnir inn- sjá pistil fyrir neðan- og þetta eru stelpurnar með lægstu númerin.

Býst við að geta sett næstu 30 stúlkur inn á síðu fyrir helgi

Umsagnir um Jemendrengi og Hanak al Matari

2011-01-07T06:01:00.000-08:00

Hanak al Matari

Í skólagarðinum. Mynd JK

Umsagnir voru nýlega sendar til mín um framgöngu allra barnanna sem við styrkjum í Jemen. Einnig um Hanak, stúlkuna okkar í háskólanum sem leggur stund á hagfræði og stjórnmálavísindi og stefnir síðar að því að verða að minnsta kosti sendiherra.

Einnig fengum við 7 nýja drengi þar sem sjö aðrir höfðu hætt. Þeir eru merktir sérstaklega hér á eftir því þeir eru með sömu númer og hinir fyrri og ég leyfði mér að setja þá á sömu stuðningsmenn.

Það er töluvert maus að birta þetta allt því ég þurfti einnig að senda fyrirspurnir um suma krakkana sem mér fannst ófullnægjandi umsagnir um. Þetta er nú allt komið en hér eru aðeins strákarnir og Hanak og ég reyni að setja fyrsta skammt af stúlkunum inn upp úr helginni.
Það skal tekið fram vegna fyrirspurna að börn í Jemen hafa yfirleitt enga hugmynd um afmælisdag sinn. Ekki svo grannt gengið á eftir þessu að skrifa fæðingarvottorð þar en yfirleitt hafa foreldrar fæðingarárið á hreinu. Ykkur kann að finnast þetta ankannarlegt; svona er þetta bara þarna og afskaplega lítið sem ég get gert í því.

Fyrst Hanak Stuðningsmenn hennar eru: Kristín Einarsdóttir, Elísabet Kristjánsdóttir, Albert Imsland, Axel Guðnason og Ragnheiður Gyða Jónsdóttir
Vitnisburður hennar s.l. vor(annað ár:
Production 65%
General knowledge 94%
Human Rights 84%
Business Studies 72%
Marketing 91%
Bookkeeping 76%
Auk þess:
Mathematics Mjög góð
Social science Mjög góð
Islamic studies Mjög góð
Enska Góð
Economics Framúrskarandi
Arabic Mjög góð
Political science Góð

Drengir:
B-2 Adel Radwan-Sigþrúður Guðmundsdóttir

Umsögn: Adel er 16 ára. Hann hefur glímt við erfið veikindi (krabbamein) og þurfti að fara í nokkrar meðferðir. Fatimusjóður hefur stutt fjölskyldu hans til lyfjakaupa. Hann er í 7.bekk og hefur þurft margs konar stuðnings við námið því hann hefur misst oft úr. Hann hefur sýnt mikla þrautseigju og stundar námið vel. Hann er einkennalaus nú og sækist námið vel. Hann er metinn yfir meðallagi í námshæfileikum.

B-3 Rabee Abdullah Al Sharabi- Högni Eyjólfsson

Umsögn: Rabee er námsmaður í meðallagi. Hann er mjög iðinn og samviskusamur, glaðlyndur og vinsæll. Hann er í 5.bekk og hefur alltaf náð prófi milli bekkja.

B-4 Maher Saleh Mussein Al Remee- Birna Sveinsdóttir

Umsögn: Maher er 12 ára. Hann kemur reglulega í skólamiðstöðina. Hann á erfitt með ýmsar greinar og náði ekki prófi sl. vor og tekur því 5.bekk aftur í vetur. Faðir hans er látinn og hann hefur þurft að styðja fjölskyldu sína. Hann fær hvatningu enda vill hann ná árangri.

B-9 Amjad Sadeq Al Al Namosse- Sif Arnarsdóttir

Umsögn: Amjad er 10 ára. Hann féll milli bekkja og tekur 3.bekk aftur í vetur. Móðir hans var kölluð í miðstöðina og hún sagði að honum liði illa í skólanum því kennarinn berði hann. Ef hún fær ekki viðunandi svör hjá skólanum mun YERO reyna að leysa málið fyrir hann því hann hefur góða námshæfileika.

B-10 Mohamed Jamel Al Selwee- Eyþór Björnsson

Umsögn: Mohamed er 13 ára og hefur sótt miðstöðina frá því hann var 7 ára. Hann mætir vel en þarf að hafa fyrir náminu. Vegna þess hve hann er samviskusamur náði hann prófi sl. vor og er nú í 6 bekk.

B 15 Raad Kamal Al Znome- Jón Tryggvi Héðinsson

Umsögn: Raad er 9 ára. Hann byrjaði að koma í miðstöðina, smábarn og hefur sótt í hana. Hann er elskulegur drengur, kurteis og lætur ekki mikið fyrir sér fara. Hann er í 2.bekk.

B 17 Wadde Abdullah Al Sharabi- Guðmundur Pétursson

Umsögn: Wadee er 18 ára. Hann kemur ekki reglulega þar sem hann fer að hjálpa föður sínum eftir skóla. Hann hefur fengið skólabúning og föt vegna EID og hann hefur aldrei fallið á prófum, hefur það verið látið óátalið. Hann er mikill námsmaður og er í siðari bekk menntaskólans.

B-18 Jamal Al Hamid Al Shamree- Helga Kristjánsdóttir

Umsögn: Jamal er 11 ára. Hann er vel gefinn drengur. Fjölskylda hans hefur flutt og býr alllangt frá miðstöðinni en hann kemur eins oft og hann getur. Honum hefur farið fram í námi og er í 4. bekk eftir að hafa fallið einu sinni milli bekkja.

B-28 Amar Thabet Al Ryashi- Óskar Helgi Jóhannsson
Umsögn:
Amar er 18 ára. Hann er góður drengur, námsgeta rétt undir meðallagi og hann þarf mikla aðstoð. Hann kemur á hverjum degi í miðstöðina til að fá aðstoð við heimanám og sýnir mikinn dugnað.

B- 35 Mohamed Hussan Al Shameri- Ásdís Stefánsdóttir
Umsögn:
Mohamed er 10 ára. Hann er indæll drengur, vinalegur og kurteis. Hann sleppir aldrei tímum í miðtöðinni og er nú í 3.bekk.

B-37 Yaser Yheia Oud Al Radi- stuðningsmaður NN
Umsögn:
Yaser er 13 ára. Hann náði ekki prófi sl vor og fer aftur í sama bekk. Hann á erfitt með að halda einbeingu og hefur fengið sérstaka stuðningskennslu. Hann er jákvæður og kurteis. Hann er í 4.bekk í vetur

B 40 Ahmed Abldelmalek Al Ansee- Ingvar Teitsson
Umsögn:
Ahmed er 13 ára. Hann sækir miðstöðina reglulega. Honum mistókst á prófum sl. vor og tekur bekkinn upp aftur í vetur. Hann þarf að fara um langa vegu í skólann og einnig hefur hann þurft að hjálpa föður sínum. Hann vill gera vel og er viðfelldinn drengur

B 44 Mohamed Nagi Obad-Edda Ragnardóttir
Umsögn:
Mohamed er 13 ára. Hann náði prófi sl. vor. Hann skrópaði oft í tímum í miðstöðinni og fékk áminningu. Eftir það fór hann að koma reglulega og hann hefur alltaf náð prófum milli bekkja svo hann vinnur sýnilega vel.

B 48 Ali Mohammed Ali Nasser(nýr)- Kristín Sigurðard/Geir Þráinsson.
Umsögn:
Ali er 6 ára og er í 1.bekk. Hann er áhugasamur og efnilegur og sækist eftir að koma í miðstöðina.

B 54 Amr Khaled Ahmad Al Radi(nýr) - Anna Stefánsdóttir
Umsögn:
Amr er 8 ára og kemur reglulega í skólamiðstöðina. Hann er í 3.bekk. Faðir hans vinnur sem bílstjóri en þarf einnig að sjá fyrir öðrum í fjölskyldunni svo sem títt er í Jemen og lítil efni á heimilinu.

B 56 Majed Abdul Rahman Al Oluwwfee- Guðrún C. Emilsdóttir.
Umsögn:
Majed er 11 ára. Hann er aftur í 4.bekk því hann féll sl.vor. Móðir hans veiktist af magakrabbameini. Útlit er fyrir að hún nái sér. Á meðan móðirin var veik þurfti Majed að sinna systkinum sínum. Hann stundar nú námið af kappi.

B 58 Mohamed Abdulrahman Al Oluwfee- Sigurpáll Jónsson.
Umsögn: Mohamed er 10 ára. Hann náði milli bekkja sl. vor og er nú í 3. bekk. Hann var nokkuð seinn til en stendur sig æ betur. Hann og B 56 eru bræður

B 60 Amjaed Derhem Al Solwi- Kristín Daníelsd/Valur Guðmundsson
Umsögn:
Amjaed er 16 ára. Hann féll milli bekkja sl. vor og er því að taka 8.bekk aftur. Hann hefur lokið tölunámskeiði með mikilli prýði. Hann þarf oft að aðstoða fjölskyldu sína en virðist staðráðinn í að standa sig og sjálfsagt að hann fái tækifæri.

B 61 Abduealah Noman Al Wadi- Halldóra Ásgeirsdóttir
Umsögn:
Hann er 10 ára og er í 4.bekk. Duglegur námsmaður en kemur ekki oft í miðstöðina. Hann hefur fengið viðvörun vegna þessa. Hefur hins vegar alltaf flogið milli bekkja fram að þessu.

B 62 Ameer Faroque Al Sharabi(nýr)- Ólafur B. Davíðsson og fjölskylda

Umsögn: Amir er 9 ára og er í 3.bekk. Hann á sex sytkini og systur hans njóta stuðnings Íslendinga. Faðir hans er látinn og móðirin er fyrirvinna heimilisins. Börnin hjálpa öll til með bílaþvotti og götusölu.

B 90 Nowaf Mohamed Al Hamly (nýr)- Hjallastefnan

Umsögn: Nowaf er 7 ára og er í 1.bekk. Hann á efllu systkini. Tvær systur hans eru styrktar af okkar fólki. Faðir hans vinnur við prentverk en hefur lág laun og mjög erfitt ástand á heimilinu. Öll börnin eru til fyrirmyndar.

B 99 Ishaque Obeid Mohamed Al Wusabi(nýr)- Birna Sveinsdóttir.
Umsögn:
Ishaque er 13 ára gamall og er í 4.bekk. Hann er meðalnemandi og kappsamur. Hann á 3 systkini. Fjölskyldan býr við mikla fátækt þar sem faðirinn er hættur að vinna og hefur lágan lífeyri

B 104 Abdulkareem Mohamed Al Matri- Stanley Pálsson
Umsögn: Abdulkareem er 17 ára. Hann náði upp í menntaskóla sl. vor og sækir skólamiðstöðina reglulega. Hann er í fótboltaliði stöðvarinnar. Hann er mjög góður nemandi og vel gerður piltur

B 105 Abdulelah Sameer Al Radee- Margrét Tryggvadóttir
Umsögn:
Abdulkareem er 18 ára og hefur fengið viðvörun því hann sækir miðstöðina ekki sem skyldi. Honum gengur að læra og er í síðasta bekk grunnskóla.

B 106 Abdullah Mohamed Al Karmani(nýr)- Sigríður Halldórsdóttir
Umsögn:
Abdullah á tíu systkini. Hann er tíu ára og er í fjórða bekk. Iðjusamur og vinnur vel og sækir miðstöðina reglulega.

B 107 Majed Yihay Galeb Al Mansoor- Ólafur B. Davíðsson og fjölskylda
Umsögn:
Majed er 17 ára og náði prófi upp í sjöunda bekk. Hann kemur reglulega í stöðina og er nú á námskeiði í tölvu og ensku. Hann hefur áhuga á fótbolta og er í liði miðstöðvarinnar. Hann er vingjarnlegur og hjálpfús.

B 108 Badre Yihay Hussin Al Matri- Þóra Kristjánsd/Sveinn Einarsson
Umsögn:
Badre er 18 ára og komst upp í menntaskóla sl vor. Hann lauk tölvunámskeiði nýlega. Hann gekkst undir aðgerð sl. vetur vegna kýlis á auga. Það var greitt úr Fatimusjóði. Hann er úrvaldsdrengur og hefur stofnað hljómsveit og hefur góða rödd. Hann hefur sjálfstraust og stendur sig með prýði.

B-109 Fouad Nagi Hussan Al Salmme- Sesslja Bjarnad/Ríkharð Brynjólfsson.
Umsögn:
Fouad er 16 ára og hóf nám í menntaskóla nú í haust. Hann er samviskusamur og skipulagður nemandi og einstaklega hjálpfús og jákvæður piltur.

B 110 Munir Ahmed Abdulraman Al Salayghi(nýr)- Sigríður Lister
Umsögn:
Munir er 16 ára og er í síðasta bekk í grunnskóla. Hann átti við veikindi að stríða sl. vetur en er frískur núna. Hann hefur lokið tölvunámskeiði og er í fórboltaliði stöðvarinnar. Hann á 4 systkini og vegna örbirgðar fær fjölskyldan matargjafir og greidd lyf þegar þörf er á því.

B 111 Ali Najeb Labib Al Ademe- Eva Yngvadóttir/Sigurjón Sigurjónsson
Umsögn:
Ali er 17 ára og góður nemandi. Hann er í síðasta bekk grunnskóla núna og lauk einnig tölvunámskeiði. Hann langar að fara í iðnskóla næsta ár

B 112 Ibrahim Ahmed Qarase- Kristján Arnarsson/Áslaug Pálsd
Umsögn:
Ibrahim er 17 ára og góður nemandi þó hann hafi fallið sl. vor. Faðir hans er látinn og því þurfti Ibrahim að hjálpa móður sinni að vinna fyrir fjölskyldunni. Hann er að taka 10.bekk aftur núna. Hann er góður í raungreinum, hjálpfús og félagslyndur

B 113 Baheer Nabil Ahmed- Sesselja Bjarnad/Rikharð Brynjólfsson
Umsögn:
Basheer er 12 ára og er í 7. bekk. Hann er góður í stærðfræði, stundvís og samviskusamur og leggur sig fram í því sem hann tekur sér fyrir hdnur

B 115 Nasr Gihad Mohamed Al Hamad - Bára Hjaltadóttir/Magnús Arngrímsson
Umsögn:
Nasr er 13 ára og í 6.bekk. Honum sækist nám vel, kemur reglulega í miðstöðina og hefur gaman af því að taka þátt í félagsstarfi. Hann er ákaflega handlaginn og hjálpfús.

B 116 Iuman Yassen Mohamed Al Shebani- Margrét H. Auðardóttir
Umsögn:
Iuman er 13 ára og komst léttilega milli bekkja sl. vor og er nú í 6. bekk. Hann tekur þátt í félagsstarfi og er hugmyndaríkur drengur sem er fljótur að eignast félaga

B 117 Jamal Sadique Mohamed Al Sharabei - Æsa G. Bjarnad/Sverrir Jakobsson
Umsögn:
Jamal er 8 ára og er í 3.bekk. Hann kemur alltaf í miðstöðina til heimanáms og er samviskusamur og vandaður í vinnubrögðum, miðað við hvað hann er ungur. Hann hefur verið metinn yfir meðalgreind.

B 120 Adnan Ahmed Saleh Al Hombose- Pétur Jósefsson
Umsögn:
Adnan er 17 ára og hóf nám í menntaskóla nú í haust. Hann hefur einnig sótt tölvunámskeið og er í fórboltaliði stöðvarinnar. Hann er kurteis og mjög metnaðargjarn og langar að komast áfram í lífinu.

Vona sem sagt að ég geti svo sett inn fyrsta stelpnahópinn eftir helgi.

Aðrir fróðleiksmolar
Eþíópiuhugmynd hefur fengið mjög góðar undirtektir og skulu menn endilega hafa samband þótt allt sé það í lausu lofti enn.

Benda skal á að 2 sæti eru laus í seinni Uzbekistanferð haustið 2011 og þar þarf að greiða staðfestingargjald.

Myndakvöld Palestínuhóps hefur verið ákveðið og boðum komið til allra. Vona að þeir svari sem hafa ekki látið vita.

Loks má svo nefna að ég vænti þess að geta látið Íranfara vita fljótlega eftir helgi um vegabréf og fund.

Þá vil ég nefna að nú hafa allir Íranfarar gert upp skv. greiðsluplani svo og páskafarar til Uzbekistan.
Á eftir að fá upplýsingar um viðbótargreiðslu í þeirri ferð fyrir þá sem eru með eins manns herbergi í Frankfurt. Að öðru leyti hafa báðar ferðir verið gerðar upp af minni hálfu.

Bless í bili.

Gæfuþrungið ár- Jemenbörn-mánaðamót ofl

2010-12-30T10:50:00.001-08:00

GLEÐILEGT ÁR OG TAKK FYRIR ÞAU LIÐNU

cursor:hand;width: 320px; height: 219px;" src="http://3.bp.blogspot.com/_VhugfdYJHBc/TRzUn3KRfrI/AAAAAAAABNI/0Ajb0944PIY/s320/landslag%2B%25C3%25AD%2BE%25C3%25BE%25C3%25AD%25C3%25B3p.jpg" border="0" alt=""id="BLOGGER_PHOTO_ID_5556549821555375794" />

Þessar myndir eru frá Eþíópíu. Það má láta sér detta í hug að sækja heim þetta eitt elsta og merkasta menningarríki heims? Þið látið vita.Menn hafa látið í ljós áhuga á því. Ég hyggst fara í könnunarleiðangur þangað seinna á árinu og sé svo til. Mætti hugsa sér að þetta yrði 12-14 daga ferð.

Náttúrufegurð er einstök í Egþíópíu, þar er dýra og plöntulíf einstaklega fjölbreytt, mannlífið margþætt og svo mætti áfram telja. Hef engar upplýsingar um tímasetningu, verð, áætlun og þess háttar fyrr en ég hef farið þangað.
EN mér þætti fróðlegt að vita hvort áhugi er á þess konar ferð.

Að kvöldi 1.jan hafa fjórtán skráð sig sem áhugasama. Svo það er ekki eftir neinu að bíða með að láta mig vita.

UPPLÝSINGAR UM JEMENBÖRNIN YKKAR VERÐA SENDA TIL YKKAR NÆSTU DAGA
Ég hef fengið allítarlegar upplýsingar um flest Jemenbörnin sem við styðjum. Ýmsar fréttir fylgja þar með. Nokkrar stúlknanna eru trúlofaðar eða "eru að svipast um eftir mannsefni" eins og það er orðað í upplýsingunum. Þar með snúa þær sér að öðrum málum en þær hafa að minnsta kosti fengið góðan grunn og engin þeirra sem hyggur á giftingu er yngri en 18 ára og hafa verið í skóla með stuðningi íslenskra sl ár.

Þessar upplýsingar verða senda fyrstu dagana í janúar þegar þær hafa verið lesnar saman og þýddar svo allir fái réttar upplýsingar. Nokkrir drengir hafa hætt að mæta en við fengum aðra í staðinn sem allir hafa stuðning.

Svona skýrslu hefðum við raunar þurft að fá á hverju ári.

Muna síðustu greiðslur fyrir Íran og Uzbekistan
Nokkrir hafa lokið greiðslum í Íran og Uzbekistan. Bið ykkur að gera skil strax um mánaðamót og borga þá einnig 80 dollara vegabréfsáritun til Írans Allir hafa greitt áritunargjaldið til Uzbekistan.
Eins og áður hefur verið sagt verður fundur með Íranförum fljótlega í janúar þegar vegabréfin eru komin heim, stimpluð og fín. Læt ykkur vita um það.

Endurtek nýárskveðjur mínar til ykkar allra.

Bréf til sonar - myndakvöld Palestínufara milli jóla og nýárs?

2010-12-18T12:42:00.000-08:00

Ætla að leyfa mér að vekja athygli á þessari bók Frá föður til sonar eftir Ahmed Hafez Awad. Í henni eru fimmtán bréf sem hann skrifaði Salah syni sínum á meðan hann var við nám í Bandaríkjunum á þriðja áratug 20.aldar.
Nú hefur sonarsonur höfundarins og alnafni Ahmed Hafez Awad sem hefur verið búsettur á Íslandi í 45 ár látið þýða bókina úr arabísku yfir á ensku og síðan fékk hann Gunnar Rafn Jónsson og Valbjörgu Fjölmundsdóttur til að koma henni á íslenskt mál og er bókin nú komin út.
Awad selur bókina sjálfur og ef þið hafið áhuga á henni bendi ég ykkur á að hafa samband við hann á netfanginu awad@centrum.is
Awad eldri og höfundur var útgefandi og ritstjóri virts tímarits í Kairó á sínum tíma sem hét Kawkab al Shark sem mætti útleggjast stjarna Austursins

Þar sem ég fékk þessa bók í hendur í dag hef ég ekki lesið hana en ugglaust fróðlegt að kynna sér þann hugarheim sem í henni birtist á þeim tíma sem bréfin eru skrifuð.

Myndakvöld Palestínufara?
Hef verið að íhuga hvenær heppilegt væri að efna til myndakvölds Palestínuhópsins góða. Mér hefur dottið í hug að það mætti hugsa sér það milli jóla og nýárs eða fljótlega eftir áramótin. Vona að flestir séu nú langt komnir að skipuleggja myndir. Verð í sambandi um það og veit að Helena og Baldvin verða á landinu milli jóla og nýárs og gaman væri ef þau gætu verið með á myndakvöldinu.

Að öðru leyti: Íranvegabréf hafa tafist vegna margra frídaga í Íran. Mun koma þeim til skila jafnskjótt og ég fæ þau í hendur, stimpluð og fín.

Mynd af duglegu tombólustúlkunum. Og fundur um Írak?

2010-12-02T06:14:00.000-08:00

Hér er myndin af duglegu stúlkunum í Fossvogsskóla sem efndu til tombólu til styrktar Fatimusjóði og ég hef sagt frá. F. v. Tara Jónsdóttir, Margrét Friðriksson, Elísabet Friðriksson, JK, Halldóra Þórsdóttir, Marta María Stephensen og Þórunn Guðmundsdóttir.

Það var mjög gaman að hitta stúlkurnar og heyra þær lýsa skoðunum sínum og áhuga á að hjálpa stúlkum í Jemen til að geta gengið í skóla og eins og sjá má af plakatinu höfðu þær undirbúið þetta af kostgæfni og afraksturinn var líka eftir því, ríflega 32 þúsund krónur. Þeim eru færðar þakkir enn og aftur og mættu fleiri taka þær sér til fyrirmyndar.

Menn borga nú sem óðast
inn á ferðir til Íran og Uzbekistan og takk fyrir það. Vona að allir ljúki greiðslu í síðasta lagi á morgun því ég verð að húrra mér í að senda næstu greiðslu á báða staði strax á mánudag.
Einnig hafa æði margir í seinni Uzbekistanferð greitt staðfestingargjald og þurfa að einnig að drífa í því í síðasta lagi á morgun.

Fundur um Írak?
Við í stjórn VIMA höfum mikinn áhuga á að efna til fundar um stöðu mála í Írak. Við leggjum drög að því að fá ræðumann sem hefur búið og starfað þar um alllanga hríð og þekkir til þeirra mála betur en flestir. Þar með gæti einnig verið að fundurinn yrði fyrr en venja hefur verið með janúarfundi en ég þykist þess fullviss að menn setji það ekki fyrir sig. Læt ykkur fylgjast með.

Vilja menn aðra Palestínuferð- Uzbekistan og Íranfarar muni að greiða

2010-11-29T06:33:00.000-08:00

Við Walid, leiðsögumaður í Sýrlands/Líbanonsferðinni sl.okt. Stödd í Bagdadkaffi þeim galdrastað. Myndina tók og sendi mér á Facebook Kristín E. Daníelsdóttir.

Góðan daginn

Minni á, mér til óblandinnar skemmtunar, að menn greiði tilskildar greiðslur um mánaðamótin og á þar við Íranfara í febr.lok, Uzbekistanfara´um páska og Uzbekistanfarar í sept 2011 eru beðnir að greiða staðfestingargjaldið. Sú ferð er langt í full ef allir verða með sem hafa lýst áhuga sínum.

Það er verulega gleðilegt að á endanum náðist góð og eðlileg þátttaka í Íranferðina, við verðum 25 og mér sýnist hópurinn ljómandi góð blanda. Hef ekki getað sent vegabréfin út enn því mig vantar tvö. Einnig hefur staðið á leyfisnúmerinu frá Íran sem er nauðsynlegt til að senda þau út en leysist væntanlega allra næstu daga.

Mér finnst til sóma hvað Uzbekistan fær góðar undirtektir svo ferðirnar þangað verða tvær á næsta ári, ef guð lofar. Vona að allir ferðalangar í fyrri ferð hafi fengið sín vegabréf. Flyt starfsfólki sendiráðs okkar í London kærar þakkir fyrir ómetanlega aðstoð.

Aðrar ferðir eru ekki fyrirhugaðar af minni hálfu nema ef vera kynni að þátttaka safnaðist í Palestínuferð sem lukkaðist afskaplega vel á dögunum. Hún yrði um miðjan maí og ég bið ykkur að láta mig heyra í ykkur hvað það snertir.

Dóminik og hennar fólk eru nú að vinna í næsta fréttabréfi sem kemur um miðjan janúar. Þar verður án efa fróðleikur af betra taginu að vanda.
Ég bið ykkur að senda mér breytingar ef einhverjar eru á heimilisföngum.

Sautján hafa skráð sig í seinni Uzbekistanferð- myndir sjá hér að neðan

2010-11-23T07:39:00.001-08:00

Herbergi í litla hótelinu okkar, Sasha and son í Bukhara

Nú hafa 15 manns tilkynnt sig með vissu í seinni Uzbekistanferð og er það þakkarvert og vinsamlegast látið vita. Eins og ég hef nokkrum sinnum tekið fram verður sú ferð væntanlega 9.22. sept 2011 og staðfestingargjald skal greiða nú um mánaðamótin. Ef ekki nást 24 þátttakendur hækkar ferðin lítillega en býst ekki við það verði vandamál.
50 þús á reikn 342 13 551346 og kt 441004 2220 svo og aðrar afborganir, þe. Íran í febr/mars og Uzbekistan í apríl.
Von er á vegabréfunum stimpluðum kl 4 í dag, þriðjudag og verða væntanlega komin til mín um sexleytið. Reyni að keyra einhver út í kvöld og gætu einhverjir lagt mér lið er það vel þegið.

Þá skal bent á að Máni Hrafnsson myndasmiður hefur sett inn nokkrar Palestínumyndir fyrir mig, sjá hér að neðan.

Palestínufarar í sjöunda himni

2010-11-19T17:47:00.000-08:00

Sæl öll

Komum heim núna áðan og vægt til orða tekið að segja að allir voru í sjöunda himni. Þetta var eftirminnileg ferð og lærdómsrík, spennandi og allir nutu hennar í botn.
Því miður gafst mér ekki tími til að setja annan pistil inn á síðuna og bæti hér með aðeins úr því.

Hópurinn hugdjarfi í Getsemanegarðinum. T.f.h Mousa, leiðsögumapur, Unnur Hólmfríður Brjánsdóttir, Helga Sverrisdóttir, María Kristleifsdóttir, Eyþór Björnsson, Máni Hrafnsson, Linda Vilhjálmsdóttir, Jóhanna Kristjónsdóttir
Önnur röð frá hægri Helena Gíslason, Sesselja Bjarnadóttir, Kristín Haraldsdóttir, Ólöf Arngrímsdóttir, Eva Júlíusdóttir, Davíð Baldursson, Aðalheiður Birgisdóttir, Ólöf Magnúsdóttir, Elísabet Jökulsdóttir
Aftasta röð f.h. Hafsteinn Hafsteinsson, Högni Eyjólfsson, Rikharð Brynjólfsson, Guðmundur Kr. Guðmundsson, Eygló Yngvadóttir, Steingrímur Jónsson, Baldvin Gíslason, Mörður Árnason

Fundurinn í Ramallah með konu Marwans Bargouti, þingmanns, Födwu sem við hittum á mánudaginn verður líklega það sem stendur upp úr hjá mörgum. Marwan Bargouti var dæmdur í fjórum sinnum lífstíðarfangelsi hjá Ísraelum og 40 ár til viðbótar til vonar og vara. Hann var þá þingmaður og mjög ötull talsmaður fyrir réttindum Palestínumanna og hvort sem sakir sem á hann voru bornar voru réttar eða ekki er augljóst að Ísraelar líta á hann sem hættulegan mann - og þarf raunar ekki ýkja mikið til að menn séu taldir hættulegir öryggi Ísraels eins og það er jafnan orðað.

Kona hans, Fadwa tók þá við baráttunni og stýrir skrifstofunni í Ramallah af miklum skörungsskap. Hún tók okkur afskaplega vel, sagði frá af hjartans einlægni og rakti í leiðinni margflókin samskipti þessara tveggja þjóða í landi Palestínumanna. Það væri of langt mál að rekja það en við vorum mjög snortin að hlýða á hana og sjá þessa hugrökku konu sem gæti svo sem allt eins verið handtekin sjálf ef svo bæri undir. Þarna stoppuðum við góðan klukkutíma og einnig kom að hitta okkur palestínskt skáld sem Linda og Elísabet höfðu óskað eftir að hitta og spjallaði við þær
Rétt er að taka fram að þar sem ég var enn afleit af íslensku kvefi veitti Mörður drengilega aðstoð svo ég þurfti ekki að tala eins mikið og ella.

Í Ramallah vitjuðum við einnig grafhýsis Yassirs Arafat þar sem tveir verðir standa heiðursvörð allan sólarhringinn. Guðmundur Kr. arkitekt var afar hrifinn af því hve smekkleg umgjörðin er og við vorum mjög sammála því.
Að svo búnu og eftir rúnt um Ramallah var haldið til Nablus og brá svo við að engar hömlur voru settar á ferð okkar. Líf og fjör í Nablus og andrúmsloftið hið glaðlegasta og okkur var hvarvetna vel tekið og boðin hjartanlega velkomin sem við gengum um markaðinn og fleiri staði. Nablus er frægt fyrir góðar sápur og gerðum við m.a. nokkur kaup í þeim. Einnig skoðuðum við Jakobsbrunninn sem grískir annast og undir fallega kirkju sem þar hefur verið reist.

Daginn eftir var seinni dagurinn í Jerúsalem. Þá var farið að kirkju heilagrar Önnu, móður Maríu meyjar, í salarkynni hinnar heilögu kvöldmáltíðar, skoðuðum Rómverjabrautina og gengum síðan um gyðingahverfið og armenska hverfið í gömlu borginni. Síðan var frjáls tími og menn nutu tímans og notuðu hann vel.

Síðasta daginn lá leiðin til Jerikó sem er ein af elstu borgum heims sem enn er í byggð á sínum upprunalega stað. Þar var farið um menjar elstu leifa þessarar vinalegu borgar sem er undurfögur og mikill gróður í vininni, keyrðum aðeins upp á fjallið þar sem Satan reyndi að freista Jesú í þann tíð og að einum af nokkrum greftrunarstöðum Moses
og svo var farið í Kumranhellana þar sem hin frægu Dauðahafshandrit fundust fyrir einskæra tilviljun 1947.
Það skal tekið fram að Mörður Árnason las víða upp úr Biflíu þegar við átti og á leiðinni heim frá Jerikó flutti Rikharð afar fróðlegan fyrirlestur um krossfarana og skýrðist þá m.a. ástæða þess þegar múslimum ofbauð þegar Bush hóf sína "krossferð" gegn múslimum eftir 2001.

Þetta er náttúrlega hrá upptalning en óhætt að segja að allir þeir staðir sem við sóttum heim snertu menn á einn eða annan hátt. Það var til dæmis afar furðulegt að hvern dag þegar við keyrðum út úr Betlehem og um hliðið á múrnum þar konu riffilbúnir Ísraelar inn í rútuna til að skoða okkur. Það var einstakt og skrítið að sjá að Ísraelar ráða löndum Palestínumanna og geta haft þar alla sína hentisemi. Margir sögðust ekki hafa gert sér grein fyrir því hve nærvera Ísraela er mikil og landtökubyggðir -sem nú mun hafa verið gert smáhlé á gegn vopnum og öðrum hergögnum til Ísraela- eru á hverju strái og misbjóða manni á allan hátt.
Það var sömuleiðis eftirtektarvert að aðra útlendinga rákumst við ekki á í Nablus, Ramallah og aðeins fáeina í Hebron því Ísraelar draga úr heimsóknum þangað eftir því sem þeir geta.

Við vorum afskaplega ánægð með hótelið, Jacir Intercontinental en þar gistum við allar næturnar í Palestínu. Herbergin falleg og umhverfið smekklegt og allur viðurgerningur fyrsta flokks. Veit ekki til að neinn hafi truflast í maga í ferðinni.

Síðasta daginn lögðum við svo snemma af stað að Hussein/Allenbybrú. Ekki voru Ísraelar neitt að ´flýta sér að koma okkur í gegn en enginn var þó handtekinn og allt gekk þetta bærilega. Jórdaníumegin biðu fullt´rúar ferðaskrifsstofunnar og var hópnum skipt, tæpur helmingur fór í dagsferð niður til Petra og hinir til Amman.
Petrafólk var feiknalega glatt yfir þeirri ferð og Ammanfarar fóru annað hvort niður í gamla bæ eða tóku því rólega á hótel Days Inn.

Stefanía Khalifeh ræðismaður okkur í Jórdaníu kom svo og snæddi kvöldverð með hópnum og þar mætti einnig Finnbogi Rútur Arnarson sem er nýlega tekinn til starfa hjá Flóttamannastofnun S. Þ fyrir Palestínu sem aðsetri í Amman. Við áttum notalegt kvöld. Ég þakkaði félögunum einstaklega góða og merkilega ferð og Elísabet sagði nokkur orð og fór með ljóð sem hún hafði ort eftir fundinn með konu Marwans Bargouti.

Ég yrði ekki hissa þó svo að fleiri vildu fara í ámóta ferð og þið látið vita ef áhugi er á því. Kvaddi líklega ekki alla félaga á Keflavík enda réðst kvefið á mig með endurnýjuðum þrótti í dag en við munum hittast á myndakvöldi þegar menn hafa safnað sér og sálum sínum saman. Mikið var tekið af myndum og ÞMáni var sérlega skjótur að setja myndir inn á Facebook og svo var einnig um Steingrím.

Þetta var sem sagt reynslu, gleði og fróðleiksferð og ég þakka fyrir einstaklega góðar samverustundir.

Varðandi Uzbekistan
Eftir því sem ég veit best eru vegabréfin okkar í þann veginn að leggja af stað frá London. Þrátt fyrir að ég vandaði mig sem mest ég mátti þurfti Gulla pé að koma til liðs til að allt gengi og ísl. sendiráðið þar hefur sýnt sérstaka hjálpfýsi. Vonast til að þau skili sér fljótlega eftir helgi og þá verður þeim komið til manna snarlega.

Mér sýnist þátttaka vera komin í Uzbekistan ferð í sept 2011 og bið ég nú menn að greiða staðfestingargjald í hana 1.des, reikningsnr sem fyrr 342 13 551346 og kt 441004-2220. Upphæðin er 50 þúsund krónur. Mun senda þeim sem hafa sýnt áhuga skeyti um þetta á morgun.
Minni líka páskafara á að greiða sín gjöld um mánaðamótin

Og ekki mega Íranfarar gleyma að borga. Það hefur verið smávægilegur misbrestur á því en flestir hafa greitt samviskusamlega og á réttum tíma.

Nú er ég sem sagt hrjáð af kvefi og ætla að lúra og taka öllu með ró á morgun og sunnudag.

Frá ferðahópi í Palestínu

2010-11-14T08:52:00.000-08:00

Sæ´l oll
Vid vorum i Jerusalem i dag. Veðrid undurgott og byrjað á að fara upp á Ólífurfjallið og horfa yfir Jerúsalem. Þarna er hreint stórkostlegt útsýni yfir borgina. Síðan í Getsemanegarðinn og gægðumst aðeins inn í kirkjuna í leiðinni. Morður las úr nýja testamentinu um þá atburði sem gerðust þar kvoldið sem hann svikinn var.
Eftir það að Grátmúrnum og þar sem ansi víða annars staðar í gegnum öryggishlið Ísraela. Svo var gengin leiðin Via dolorosa upp á Golgata og á leiðinni mættum við hópi Rússa sem roguðust þar með stóran kross en slíkt er algeng sjón í Jerúsalem.
Við fórum síðan upp á Klettah´æðina en ekki er lengur leyfilegt að fara í moskurnar. Eftir Að Ariel Sharson þá forsætisráðherra arka'i þangað vid mikla reiði Palestínumanna í sept 2000 er aðeins múslimum leyft að ganga thar inn. En fegurð og tign moskanna tveggja fannst okkur ollum eftirminnilegurt

Var nú hópinn tekið að svengja og fengum okkur samlokur og að því búnu fóru nokkrir í greftrunarkirkjuna en aðrir tðltu um svæðið enda er gamla borgin í Jerúsalem ekki morgu lík.

Um hálffimm leytið var haldið heim á leið hingað til Betlehem.

I gær vorum við megnið af deginum í Hebron eftir að hafa þó eytt ansi miklum tíma til að komast inn í Fæðingarkirkjuna. Í Hebrons sem sumir kalla borg Abrahams,ættfðoúr gyðinga og Araba er afar sérstakt andrúmsloft og kannski ekki ofmælt að segja að það sé lævi blandið enda búa 200 gyðingar í hjarta borgarinnar, og um 2000 ísraelskir hermenn gæta þeirra. Oft kastast í kekki milli landtokumanna og ibua Hebrons og eiginlega ekki ad undra. Vid komum þar að sem allt hafði nokkru áður verið á suðupunkti og ísraelsku hermennirnir voru mjðg nervusir og krakkarnir4 hlupu um og striddu þeim ospart.Skoduðum okkur um rækilegar, tvær urdu viðskila við hópinn sen tókst þó að koma ollum heilum heim en því miður komumst við ekki inn í Abrahamsmoskuna því ísraelsku hermennirnir neituðu að hleypa okkur inn og sogðu okkur vera of seint a ferð. Það er alls staðar mjog kyndugt að vera á svæðum sem Palestínumenn ráða að nafninu til en finna samtimis að Ísraelar taka ser oll þau völd sem þeir vilja.

Vid buum á frábæru hóteli í Betlehem og eru menn himinlifandi yfir hversu fallegt hótleið er og viðurgjprningur allur til sóma.

Á leiðinni frá Jórdaníu eða réttara sagt thegar við komum á landamærastðð Ísraela gekk nokkuð vel þar til kom að vegabréfsskoðun að Máni Hrafnsson var tekinn úr hópnum og sagt að kanna yrði mál hans betur. Hann tók þessu með stakri ró og las í Perlum og steinum þar til einhver kom og lagði fyrir hann nokkrar spurningar um hvað hann hefði verið að gera í Íran og hvort hann væri óvinur Ísraels

Við erum sem sagt í fínu standi og allir biðja að heilsa Á morgun forum við til Ramallah og verða þar fundir fram að hádegi, vitjum trúlega grafhýsis Arafats og síðan er Nablus á dagskránni.
Hópurinn er í hvívetna fínn og skemmtilegur og allir gera sér grein fyrir þeim merku upplifunum sem við eigum þess kost á að kynnast dag hvern

Til Palestínu í fyrramálið - vegabréf á ferðalagi

2010-11-10T05:40:00.000-08:00

Sæl verið þið.

Tuttugu og fjögurra manna hópurinn fer sem sagt til Jórdaníu og Palestínu í fyrramálið árla og vonandi Ísraelar verði ekki of erfiðir þegar við förum yfir frá Jórdaníu. Í ferðinni er farið til Hebron, Nabluss(vonandi), Ramallah, Jerikó, Jerúsalem og við gistum þessar sex nætur á undur dægilegu hóteli í Betlehem Jabir Palace Intercontinental.
Í ferðalok mun líklega um helmingur hópsins nota síðasta daginn og fara til Petra.
Komum svo heim um London seint 19.nóv.
Bið félaga að fylgjast með og senda slóðina á ættingja og aðdáendur því ég mun væntanlega senda pistla eins og venjulega.

Vegabréfin v/Uzbekistan urðu fyrir smátöfum, vegna regluverks þeirra Uzbeka í Londonsendiráði þeirra en nú er allt komið í lag og íslenska sendiráðið í London afhendir þau og sækir og sendir. Það er elskulegt viðmót þar eins og raunar í Oslósendiráðinu sem hefur aðstoðað þegar Íranplögg hafa verið send.

Ég get ekki sagt um hvenær vegabréfin koma aftur. Vona það verði eftir tíu daga eða svo en þetta er sagt með fyrirvara.

Svo vona ég að menn vitji síðunnar og heyrumst fljótlega.

Hin mestu gleðitíðindi - undanþága fengin

2010-11-01T10:23:00.000-07:00

Eins og ég hef einhvers staðar minnst á í þessum pistlum fékk FATIMUSJÓÐUR neitun á frekari yfirfærslum frá Seðlabanka vegna þess við vorum komin yfir kvóta. Ástæða þess var m.a. sú að ég sendi í sumar greiðslu fyrir tvo kennara og greiddi fullorðinsfræðslunámskeiðið af því okkur áskotnaðist fé.

Þar sem ég hafði ekki sent út fyrir nema 45 börn þegar neitunin kom var þetta hið versta mál. Ég skrifaði þá æðstu stjórn bankans og fékk svar í dag: Við fáum undanþágu og öll börnin fá sinn styrk. Þetta er hið mesta ánægjuefni.

Þá vil ég benda á að Uzbekistanferðin í sept 2011 virðist vera hátt í skipuð ef þeir fara allir sem hafa tilkynnt sig. Mun senda þeim sérstakt bréf um mánaðamótin nóv/des og óska eftir að þeir greiði staðfestingargjald. Eins og menn hafa séð þarf mjög góðan tíma til undirbúnings ferð þangað og því þurfa menn að láta vita.

Það verður svo ekki nógsamlega ítrekað að menn hafi tryggingar sínar í lagi. Þið vitið öll að ég hef mjög lítið svigrúm til að endurgreiða ferðir sem eru frágengnar upp í topp af minni hálfu. TRYGGINGAR ALLTAF Í LAGI. Ekki bara hafa það bak við eyrað heldur á hreinu.

Nú er Íran loks almennilega skipuð

2010-10-30T07:34:00.000-07:00

Bláa moskan í Isfahan

Með hinni mestu ánægju get ég nú loks verið sátt við að Íranferðin er fullskipuð og eftir daginn í dag skrifa ég að vísu á biðlista en get ekki lofað að bæta við.
Mér sýnist við verða 25 og það er mjög hæfilegur og elskulegur fjöldi.

Vonast til að þeir sem hafa ekki skilað mér áritunarblöðum útfylltum og öðrum plöggum geri það hið fyrsta. Þau þrjú sem þurftu að fá aukavegabréf þar sem þau fara bæði til Palestínu og Uzbekistan (síðar í vetur) hafa fengið vilyrði fyrir því og senda mér þau væntanlega í vikunni þar sem ég VERÐ að koma öllum Uzbekistanplöggum út til London áður en Palestínuferðin hefst.

Þá hef ég sent til allra ábendingu um að greiða skilvíslega um mánaðamót og þeir allra sneggstu hafa þegar gert það. Mikið þægilegt og takk fyrir.