Síðasta greiðsla Egyptalandsfara- og muna krakkana

Sæl veriði

Þá er síðasta greiðsla Egyptalandsfara nú um mánaðamótin, 94 þús. per mann og svo skal greiða fyrir eins manns herbergið 40 þús.kr.

Bið menn að standa í skilum eins og hefur raunar ekki verið vandamál.

En hvernig væri að muna eftir Jemenkrökkunum. Ýmsir tilkynntu sig sem stuðningsmenn, fengu skipt í þrennt eða fernt eða tvennt eða tólft eða hvað eða kváðust greiða það snarlega og síðan eru undramargir sem hafa látið þar við sitja. Hinir eru langtum fleiri og þakka þeim kærlega. En

það er náttúrlega viðkunnarlegra að láta vita ef mál hafa eitthvað breyst.Svo getur verið að sumir hafi hugsað sér að borga þetta og gleymt því eða greitt það og taka þessi orð til sín. Sumir hafa gert það og ég hef látið þá vita. Oftast eru það stuðningsmenn sem HAFA greitt sem hrökkva við.
Látið því frá ykkur heyra ef þið eruð í vafa. Látið frá ykkur heyra ef einhverjar tafir verða. En látið mig vita. Ég verð að koma þessu sæmilega á hreint áður en ég fer með næsta væna hóp til Írans nú 1.okt.