Wednesday, March 25, 2009

Íranferð í haust-aðkallandi að vita um áhuga- vinningshafi ofl


Persneskt teppi- frá Kashan

Góðan daginn
Fór eitthvað úrskeiðis með sendingu til nokkurs hluta í gær enda þarf ég að ítreka að það er ekki óhugsandi að önnur Íranferð- og sú síðasta- verði í haust. Ég get ekki sagt ykkur neinar dagsetningar fyrr en í næsta mánuði og nú eru Íranir að ljúka við að halda upp á nýárið sitt sem gekk í garð um 20.mars.

Má þó reikna með að hún verði í lok sept. eða fyrstu daga október og einnig að dagskrá verði áþekk því sem páskaferðin er.(sjá link um Íran)

Þá bendi ég ykkur á að í pistlinum sem ég skrifaði í gær var greint frá nafni vinningshafans í getrauninni, hann er Reynir Harðarson í Garðabæ og fer væntanlega í Egyptalandsferðina í byrjun nóv.

Í gærkvöldi var ég með námskeið hjá Mími um menningu og sögu og pólitík í Arabaheiminum. Þar var fullt og Mímir hefur beðið mig að halda annað slíkt og það yrði þá 27.apr. Menn hafi samband við Mími- tali við Rósu - um það.

Ég er enn með eitt vegabréf, stimplað og fínt, Íransfara nú um páskana og það hefur ekki verið sótt til mín.

Fer á eftir í Kaupþing til að fá upplýsingar um hvort/hvernig númer á reikningum verði breytt eftir að SPRON var tekinn yfir. Læt vita um það á morgun trúlega því Marokkófarar eru beðnir að byrja að greiða skv því plani sem ég hef sent þeim, um mánaðamótin. Get bætt þar við ef út í það er farið. Ætla til Marokkó í viku í júní til að fara yfir dagskrána og skoða hótel og þess háttar.

Mér væri þökk í því ef þið létuð slóðina á síðunni www.johannaferdir.blogspot.com ganga til ættingja og vina sem gætu verið á ferðaskónum í haust

3 comments:

slovenia2006 said...

Hvað er ca. verðið á Íran ferðinni? Ég þarf enga nákvæma tölu, bara eitthvað viðmið..

Anonymous said...

Mér þætti æskilegt að fá nafn spyrjanda?
KvJK

Anonymous said...

While I surf blog , i found a all new trick in http://pic-memory.blogspot.com/Vistor can comment and EMBED VIDEO YOUTUBE , IMAGE. Showed Immediately!
EX : View Source.
http://pic-memory.blogspot.com/2009/02/photos-women-latin-asian-pictu...(add photos and videos to Blogspot comments).
Written it very smart!
I wonder how they do it ? Anyone know about this , please tell me :D
(sr for my bad english ^_^)

email: ya76oo@ya76oo.com
thanks.