Komin heim, lukkuleg og lúin nokkuð

Sælt veri fólkið

Kom heim aðeins fyrr i kvöld og er mjög sátt við ferðina en sé í hendi mér að hún var mjög nauðsynleg til að sem flest verði nú í lagi þegar við þeysum til Marokkó í sept nk
Er mjög sátt við þá þjónustu sem ferðaskrifstofan er með í boði, gæðalegir og klárir náungar og með nokkrum breytingum er áætlunin verulega góð. Gerði nokkrar breytingar sem ég held að verði til bóta.

Set þær inn á síðuna á morgun þegar ég hef sofið úr mér ferðaþreytu.Ætla svo að biðja Marokkohóp að koma til fundar innan tíðar til að fara yfir heila galleríið. Keypti smá sætindi í Marokkó sem verða þá á boðstólum.

En í stuttu máli Marokkó er rétt dægilegt og er þá sama hvort er litið á landið eða fólkið sem mér fannst ljúft í hvívetna Í aðalatriðum er dagskráin fín þó svo ég hafi breytt henni smávegis en ekki í neinum stórvægilegum atriðum

Nokkur töf varð á Casablanca flugvelli í morgun vegna þess ég gerðí blíðlegt en mjög afgerandi vesen út af því að við gætum tjekkað farangur alla leið heim. Þetta leystist eftir að ég hafði talað við yfirasnninn- konu eina væna og hugþekka

Hitti svo náttúrlega Íslending á Casablanca flugvelli, Ágúst Jónsson og við tókum út á meðan á töfinni stóð' hrunið sl haust og fórum létt með það
Hef sambanbd við Jemenfólk um eða eftir helgi og að Þvíbúnu Marokkolið